Рубрикатор

Культура ЗАГСонтень – 100 иеть
ЗАГСонтень – 100 иеть

Декабрянь 18-це чистэ Россиянь Федерациянь ЗАГС-нь органтнэнень топодсть 100 иеть. Тенень алтазь торжественной промксось ютавтовсь Мокшэрзянь государственной драмань театрасо. Те ведомствасонть важодицятнеде башка театрав пурнавкшность ламо инжеть. Васняяк невтезель ЗАГС-нь органтнэнь васень эскелькстнэде ды неень шкань эрямодост документальной фильма, косо пачтявсь сядо иень перть эрьва кодат полавтоматнеде.

Мордовия Республикань Прявтонть ды МР-нь Правительстванть пельде те ведомствасонть важодицятненень поздоровт ды паронь арсемат ёвтась В.Ф.Сушков. Сон пачтясь минек эрямосонть покш путовкстост. Тешкстась, эрьва иестэ ЗАГС-нь органтнэс пшкадицятнеде малав 70 тёжат ломанть, сыненст кучовить 100 тежадо ламо сёрма вельде пшкадемат эрицятнень ды организациятнень пельде. Весе шканть перть кемекстасть 5 млн. ламо актонь сёрмадовкст.

Сынст важодемасонть од ёнкстнэде пачтямсто, МР-нь Правительствань Председателесь ледстинзе государствань услугань порталсто услугань максомань вете ёнкстнэнь, конатнень ЗАГС-нь органтнэ теить электронной лувсо.

Неень шкане венчамо-урьвакстомо арсицятненень а эряви  лисемс кудосто, штобу кочкамс зал торжественной регистрациянть туртов, 3D-туронть вельде весе ванкшносызь ды кочкить эстест зал эрямосост сехте ледстневиця тевенть тешкстамс.

ЗАГС-нь органтнэсэ важодицятнень лангс путови покш тев гражданской состояниянь акттнэнь вейкине государственной реестрас совавтомаст коряс. Сонзэ вельде пек шождалгавтови кода тосо важодицятнень, истя жо сыненст пшкадицятнень тевест. Васняяк, ков седе аламолгавтовить документтнэ, тов седеяк киртяви услугань теемань шкась. Демографиянь тевтнеде кортамсто, В.Ф.Сушков ледстизе минек республикасо 71,4 иес эрямонть кувалгадоманзо. Ламо эйкакшонь триця семиятненень лезксэнь максомга, республикасонть ютавтневить «Авань чись», «Семиянь чись», Семиясо ояксчисэ ламо иень перть эрицятненень (юбилеень тешкстыцятненень) кенярксчитнень тешкстамось.

Меельце иетнестэ киртявсть мирдтнень ды нитнень ютксо явоматне, ков седе пек ламолгадсть венчамотне-урьвакстоматне, – мерсь В.Ф.Сушков. Истя, 2017 иень 11 ковонь перть Мордовиясо теевсть 4458 семиянь парат, те 336 семиядо седе ламо ютазь иень теке жо шканть перть.

Те чистэнть ЗАГС-нь органонь важодицятнень ютксто ламотненень макссть Почётонь дипломт ды Благодарностть. Эсь ёндо те ведомствань важодицятне тешкстызь, кодамо покш мель сынст службантень явить республикань прявттнэ. Сынь ёвтасть сюкпрянь валт материально-технической базанть одкстомтоманзо, од, мазый, алкуксонь дворецтнэнь теемаст кисэ, конат аволь ансяк паролгавтызь важодема таркаст, истя жо мазылгавтыть районтнэнь куншкакуротнень.

Кенярксчистэнть ЗАГС-нь важодицятне седейшкавань поздоровт марясть лемезэст Мордовия Республикань Госсобраниянть, МР-нь Юстициянь министерстванть, Мордовской митрополиянть пельде. Зярыя важодицятненень покш казнеть макссть РФ-нь юстициянь министерстванть пельде. Меельцекс невтезель мелень витиця концерт.

В.Юдина

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...