Рубрикатор

Культура Косо оймсемс Од иестэ?
Косо оймсемс Од иестэ?

Тедеде Од иень оймсема читне ушодовить декабрянь 30-це чистэ ды кармить молеме январень 8-це чинть видьс, ды сась шка арсемс сень лангсо, косо ютавтомс неть читнень.

Мурманск

Мурманскоень областесь 2010 иестэнть саезь пек вечкеви Россиянь туристтнэнень. Звягинцевень «Левиафан» фильманть лисемадонзо мейле, ламонь чачсь мелест понгомс снимамонь таркатнес – Северэнь Эень океанонть чирес. Тосо ули Териберка посёлка, ков эрьва чистэ ардыть туристт, ды аволь ансяк Россиясто.

Мурманскоев сыцятне несызь Пелевеёнксонь валдонть, теевить содавиксэкс хаскитнень ды сярдотнень марто, понгить Северэнь Эень океанонть чирес ды ламот лия таркатнес. Тесэ пек ламо лов, ды тынь понгтадо алкуксонь пелевеёнксонь оймсемас.

 

Пелевеёнксонь те ошсонть оймсемань эштё вейке ёнксокс ловови иневедень продуктатнень ламочист. Калонь ярсамопельть тесэ улить эрьва кафесэнть ды ресторансонть. Тесэ каванить сёмгадо, форельде, плотвадо ды нучкодо (щука). Бути тынь вечктядо ягодат, рамадо тесэ эрицятнень кедьстэ лаймень инзей (морошка), конась кочказь лов алдо.

Од иень вестэ ошонь эрицятне пурнавить Вете уголонь площадьс. Тесэ свал мереви ардтнемс сярдо ды алаша лангсо, «Азимут» гостиницанть ваксс стявтови Мурманскоень прявт кузось, конань перька ютавтовить кенярксчинь весе мероприятиятне.

Санкт-Петербург

Пелевеёнксонь прявт ошось ловови масторонь культурань куншкакурокс. Од иень каникулатнестэ Питерэсь целанек полавтови ды невтеви туристтнэнень лия ёндо, сон пештяви валдодо, фейерверктэ, кенярдомадо ды пейдемадо. Неемс Петербургонть весе сонзэ мазычисэнзэ бажить ламот.

Питерсэ комсьветее метрань сэрьсэ кузось путови Дворцовой площадьс. Од иень вестэ тесэ ютавтовить кенярксчинь мероприятиятне ды лазерэнь шоусь. Туристтнэнь истя жо учить Якшаматя ды Ловняське марто путовкстнэ, киштематне. Од иень салютось нолдави вень колмо чассто Неванть акваториясо (седе вадрясто неяви Петропавловской крепостенть ёндо).

Январень 1-це чистэ эйкакштнень марто мереви молемс ошонь ламот театратнес (сехте вечкевикс путовксось – те «Однажды под Новый год»). Ансяк кирдеде мельсэнк, телень каникулатнестэ билеттнэ улить колмоксть эли мик нилексть седе питнейть.

Од иень оймсема читнестэ истя жо моледе Петергофов, Царской Велев эли Павловскоев. Нама, весе фонтантнэ ды скульптуратне улить кекшезь-пекстазь ваныцятнень эйстэ, ансяк ловсо вельтязь дворецтнэнь ды садтнэнь маласо теезь фотографиятне кармить мазыйдеяк мазыекс!

Казань

Татарстанонь прявт ошсонть васодевить ды вейсэндявить рузонь ды татаронь раськень койтне, культуратне, истя жо икелень шкась ды течинь эрямось. Казанесь содавикс кезэрень шкань памятниктнесэ, теде башка, дивавты неень шкань строявкссо, спортонь аренасо ды оймсемань куншкакуросо.

Казаньсэ Од иень прявт венть мереви ютавтомс Тёжа иень парксонть, косо кармить кенярксчинь эрьва кодамо мероприятият. Эйкакштненень пек вечкеви эйстэ теезь цивтёрдыця ошось, конась путозь «Эрият» някань театранть малас. Тесэ вишкинетнень учить кирякстнемань пандынеть, эрьва кодамо фигуркат ды кудынеть, а тосо улезь, а фатяткак, кода юты чись. Бути эйкакшось томбави, мереви пшкадемс медицинань пунктс, конась важоди оймсема тарканть маласо.

Бути тенк вечкеви ютавтомс шканть ушосо, апак кавтолдо моледе «Казань Арена» стадиононь катокс. Панжадо менеленть ало тынк учи малав кеветее тёжат кавонзазь метрань покшолмасо цивтёрдыця эй. Од иень венть истя жо мереви ютавтомс ошонть томбале, тосо важодить оймсемань ламо базат. Туристтнэнень тесэ мереви кирякстнемс «ватрушкасо» ды сокссо, ардтнемс алаша лангсо, парямс рузонь алкуксонь банясо.

Истя жо мереви ваномс ошонь редявикс таркатнень. Те, нама, Казанень Кремлясь, ков совавтозь архитектурань зярыя комплекст. Лия ёнов а молиця памятникенть покшолмазо 1,5 тёжат кавонзазь метрат, косо, кезэрень путовкстнэде башка, улить музейть. Истя жо эряви ютамс Казанень прявт куротнева – Кремлёвской ды Бауманонь. Кенярксчитнестэ сынь мазылгавтозь эрьва кодамо тюсонь гирляндасо ды аволь покш кузнэсэ, тесэ истя жо важодить микшнемань ламо таркат, кафеть ды ресторант.

Москов

Од иень оймсема читнень ламот ютавтыть минек масторонь прявт ошсонть. Московсо телень каникулатне, видьстэ меремс, аволь дёшоват, ансяк илядо кавтолдо, сынь кармить улеме лиятнень ёнов а молицякс. Эдь уш декабрясто весе ошось тееви алкуксонь од иень площадкакс, косо чистэ ютавтовить эрьва кодамо мероприятият, ульцятне молить ёвксонь пещератнень ёнов, конат цивтёрдыть эрьва кодамо тюссо. Те кенярксчись а стувтови, сондензэ тынь карматадо ёвтнеме ялганк ды малавиксэнк туртов.

Московсо путовить пек ламо кузт. 2018 иестэ Од иень мазыйкатне путовить ошонь весе ёнкстнэс. Сехте прявтокс, нама, ловови Кремлянсесь. Сон путови Якстере площадьс, косо кенярксчинтень пурнавить весе, кинь ули мелезэ. Тедеде кенярксчись ушодови чокшнень кемень чассто.

Московов сыця туристтнэнень ули мезе кочкамс:

*  Лавкава якамо вечкицятненень мельс туить «Эрмитажсо», ЦУМ-со, ВДНХ-со ды Якстере площадьсэ Од иень ярмункатне.

* Эйкакштненень пек вечкеви океанариумсо. Мереви кочкамс колмотнень ютксто вейкенть, конат аштить ВДНХ-со, «Крокус Ситисэ» ды Дмитровкасо ТЦ-нть.

* Театрань вишка вечкицятненень ды сынст тетятненень-аватненень каникулатнестэ мереви молемс содавикс спектаклятнес.

* Вадрясто ютавтомс шканть мереви эень площадкатнесэ, седе сеедьстэ кочкить ГУМ-нть маласо, Горькоень парксонть ды Якстере площадень катоктнень.

* Кузьминкань вирев таркасонть весень, кинь ули мелест, ардтневтить кискасо кильдезь нурдотнесэ. Тосо истя жо улить ловонь покш пандот.

Ине Устюг

Эрьва иестэ яла седе ламот бажить понгомс Якшаматянь чачома таркантень – Ине Устюгов. Те пек кезэрень ош, косо течинь чинтень ванстовсь куншкапингень колоритэсь. Секскак оймсема чинь культурань программантень эряви совавтомс:

* XVII-XVIII пингень церьковатнень ды купецень усадьбатнень ванкшноманть. Сынь дивавтыть лия ёнов а молиця архитектурасо. Туристтнэнень пек вечкеви Соборной дворось, ков совавтозь аволь ансяк кудот, истя жо храмонь комплекст. Сонзэ «жемчужинакс» ловови Успенской соборось.

* Фабрикатнень ванномась, косо раужкавтозь сиясто, истя жо лияназсто ды чувтосто тейнить ювелирной мазылгавтомапельть. Невтемга, «Северная чернь» заводстонть кияк а тукшны рамавкстомо.

* Од иень ярмункатнева ютамось, косо микшнить кедьчелькевтнень кедьсэ теезь кедьёнкст, истя жо лецямонь бальзамт ды тикшеведь.

* Од иень ды Роштовань налкшкень, Ине Устюгонь историянь, истя жо кезэрень искусствань музейтнес ардомась. Эйкакштне, невтемга, кадовить покш мельспаросо Од иень налкшкень музеенть ванномадонзо, косо колмо залс пурназь пек ламо экспонатт, кой-конатненень топодсть мик 70 иеть.

Туристэнь сехте вечкевикс маршрутокс ловови Якшаматянтень молемась. Кирдеде мельсэнк, телень волшебникенть кавто кудонзо. Вейкесь – ошонь Советской проспектсэнть. Тесэ тынк васттадызь ёвксонь персонажт. Аламодо веёно – Октябрьской переулкасонть – Якшаматянь Почтась. Тей эрьва иестэ сыть минек масторонь эйкакштнень пельде 400 тёжадо ламо сёрмат.

Ламо туристтнэ бажить понгомс Якшаматянь ошонть томбале аштиця резиденциянтень. Тесэ оймсицятнень учить волшебной персонажтнень марто Ёвксонь яннэтнева молемась, контактонь зоопаркось, телень садось, эйстэ теезь фигуратне, Якшаматянть марто вастовомась.

 

Новости

Комиссия «Единой России» по этике провела первое заседание
 Первое заседание утвержденной XVIII Съездом «Единой России» Комиссии
по   этике   прошло   16   января.   В   его   рамках   были   избраны   председатель
Комиссии, его заместитель и ответственный секретарь.
Подробнее ...
 
Россиянь Почтань 200 клиентт теевсть миллионерэкс

Государственной лотереянь статистиканть коряс, 2018 иестэ Россиянь Почтань отделенияс якицятне рамасть 68 миллиондо ламо лотерейной билетт. Вейке миллиондо ламо целковойть налксесть 206 ломанть. Те 2,4-ксть седе ламо икельце иенть коряс, сестэ миллионертнэде ульнесть 88 ломанть.

Подробнее ...
 
Управление Министерства юстиции Российской Федерации по Республике Мордовия напоминает порядок и сроки предоставления ежегодной отчетности некоммерческими организациями.

Законодательством Российской Федерации определена обязанность некоммерческих организаций ежегодно отчитываться перед уполномоченным органом. В частности, статьей 32 Федерального закона «О некоммерческих организациях», статьей 29 Федерального закона «Об общественных объединениях», статьей 25.1 Федерального закона «О свободе совести и о религиозных объединениях».

Подробнее ...
 
Крештениянтень анокстамот

Крештениянтень Саранскойсэ арсеви теемс экшелямонь туртов 11 тарка: «Старт» стадиононь эрькесэнть (2 таркат), Гончаровонь куросо, «Вирень эрьке», «Зелёная роща» эрькетнесэ, «Огни Саранска» кафенть маласо, Макаровкасо (Иоанн Богословской цёрань монастыренть вакссо), Куликовкасо Чапаевень куросо лисьмапрясонть, Полянки велень Юбилейной куросо аштиця лисьмапрясонть, Добровольной посёлкань Дачная куросонть, Иоанн Кронштадтскоень храмонь лисьмапрясонть ды Грузинской куросо аштиця эйкакшонь парконь эрькесэнть.

Подробнее ...
 
Конкурс на участие в образовательном модуле «Единой России» «Политический лидер» составил 43 человек на место

«Прием заявок на участие в образовательном модуле «Политический лидер» Высшей партийной школы «Единой России» завершен. К настоящему моменту поступило и уже обработано модераторами более 8,5 тыс. анкет, из них было одобрено 6,5 тыс. Таким образом, конкурс на участие в стартовом модуле проекта составил 43 человек на место», – сообщила первый заместитель секретаря Генерального совета «Единой России», депутат Госдумы Ольга Баталина, подводя итоги заявочной кампании, завершившейся 15 января. До 22 января пройдет следующий отборочный этап – запись трех видеорезюме и с 22 января по 1 февраля участники должны будут пройти отборочные тесты.

Подробнее ...