Рубрикатор

Культура Казизь сехте партнэнь
Казизь сехте партнэнь

Ютазь недлячистэ, декабрянь 10-це чистэ, ютась «Шумбрат, Мордовия!» раськень творчествань республикань XXI фестивалень гала-концертэсь. Тешкстама, тедеденсесь алтазель адмиралонтень Феодор Ушаковнень 200 иетнень топодемантень, Советской Союзонь Героентень Михаил Девятаевнень 100 иетнень топодемантень ды Ине Октябрянь революциянь сядо иетненень. Концертэнть ваномо сакшность пек ламо ломанть. Ушосо уш налксесть гармониясо, конань мельга моравсть весёла нурька морот. Ваныцятнестэ ламотне концертэв састь тешкстазь шкадонть икеле. Эдь эрявсь эштё ванкшномс раськень кедьчелькевтнень теевксэст. Ломантнень мельс тукшность ды сынь рамасть мазыйдеяк мазый сувенирт, инкрустировазь чувтонь ведьлазт, лембе кемть, сисем тюссо кодазь варьгат, конатнень кодыть Теньгушевань мастерицатне. Покш Березникстэ усксть тикшестэ ды ягодасто фиточайть, салтозь пангот ды медь. Кочкуровань райононь Вирь Тавлань керсицятнень теевксэст вакска ютамсто сельметь а саевить чувтонь тутушкатнень, ритуальной маскатнень, алашинетнень, салдырькстнэнь ды лия теевкстнэнь лангсто…

Тёжань таркас ваномань залось тыц пешксель ваныцятнеде. Те сень лангс апак вано, теде икеле ковдо ламо эрьва субутасто ды недлячистэ мольсть кочкамонь туртнэ, конатнень ваномо истя жо сакшность ламодояк ламо ломанть.

«Колоньгемень тёжадо ламо ваныцят содавтнизь концерттнэнь, – пачтясть ветицятне. – Кото тёжадо ламо самодеятельной морыцятне ды киштицятне невтизь те сценанть лангсо эсь ёрокчист. Жюрись путсь питне тёжадо ламо творческой номертнэнень».

Мордовия Республикань Прявтось Владимир Волков тешкстась, «Шумбрат, Мордовия!» республикань раськень творчествань XXI фестивальсэнть ёрокчинзэ невтизе региононь малав эрьва кавксоце эрицясь. Ды кецявты, 40 проценттнэ юткстост – те эйкакшт. Владимир Волков истя жо тешкстынзе ветерантнэньгак, конатне комсь иеде ламо невтнить лиятнень ёнов а молиця раськень искусстванть. Неть – Ташто Теризморгань хорось, «Рузонь моро» Чаунзань ансамблясь, Кочкуровань райононь Од Пурня велень «Гайги вайгель» фольклорной коллективесь, конась, теде башка, меельце иенть перть изнясь раськеютконь колмо фестивальтнесэ.

Концертэнть ушодовомадо икеле Владимир Волков казинзе вадрятнестэ сехте вадрятнень. «Мордовия Республикань культурань заслуженной важодиця» почётонь лемсэ казезельть: Темниковань райононь Культурань куншкакуронь самодеятельной любительской коллективень прявтось Пётр Баканов, Кочкуровань райононь Од Пурня велень клубонь художественной руководителесь Мария Бояркина, Орданьбуень 1 № эйкакшонь искусствань школань тонавтыцясь Галина Голубева, Республикань Раськень творчествань кудонь клубонь роботань ды культурань-досугонь тевтеемань отделэнь прявтось Татьяна Фирсова, Саранскоень Культурань дворецэнь рузонь раськень седямопелень оркестрань художественной руководителесь Игорь Шутов.

МР-нь Почётонь грамотат Владимир Волков макссь «Мокшаваня» раськень ансамблясонть морыцянтень, Ельникень райононь Каньгуша велень библиотекань библиотекарентень Лидия Кирдяеванень, Ромодановань РДК-нь  важодицянтень Николай Рудаковнень.

«Мордовия Республикань Государственной премиянь лауреат» лемесь максовсь Чаунзань РДК-нь «Рузонь моро» ансамблянтень, Кочкуровань райононь «Гайги вайгель» фольклорной ансамблянтень ды Рузаевкань райононь «Мокшаночка» фольклорной коллективентень.

Истя жо Мордовиянь Прявтонь премиясо тешкстазь Инсаронь райононь культурань отделэнь заведующеесь Елена Балятинская.

Лямбирень райононь «Умырзая» моронь ды киштемань ансамблянь хормейстерэсь Гюзель Казакова, Атюрьевань РДК-нь важодицясь Валентина Миркина, Ковылкинань райононь Рыбкина велень клубонь культорганизаторось Валентина Сурняева казезельть МР-нь Прявтонь Благодарностьсэ. Истямо жо казнесэ казезельть районтнэнь прявттнэ: Кочкуровань – Светлана Герасимова, Лямбирень – Шамиль Давыдов, Ицялонь – Валентина Дмитриева, Покш Игнатовань – Татьяна Полозова, Ковылкинань – Виктор Ташкин, Чаунзань – Вячеслав Цыбаков.

Истя жо казневтеме эзть кадово фестивалень сехте вишкине участниктне: Атюрьевасто – ниле иесэ Диана Тумпарова, Левжасто – ниле иесэ Арсений ды 10 ковсо Дарина Канаевтне. Лия участниктнененьгак казезельть казнеть.

Владимир Волковгак эзь кадово казневтеме. Ташто Шайговань райононь «Национальной культурань куншкакуронь» прявтось эрзя-мокшонь культуранть ванстоманзо ды виевгавтоманзо кис ды велетнесэ паро условиянь тееманть кис Мордовиянь Прявтонтень  казсь кедьсэ мазыйстэ викшнезь нардамо.

Ниле часто ламо РДК-нь покш сценанть лангсо мольсь «Шумбрат, Мордовия!» раськень творчествань фестивалень гала-концертэсь. Прядовомадонзо мейле МР-нь Правительствань Председателень полавтыцясь Галина Лотванова казинзе фестивалень призёртнэнь. Ледстясынек, тедеде жюрись башка-башка тешкстынзе муниципальной районтнэнь, конатнесэ эрить 10 тёжадо а седе ламо ломанть ды конатнесэ эрить 10 тёжадо ламо ломанть.

Истя, 10 тёжадо а седе ламо эрицят районтнэнь ютксо 1-це таркась ды 50 тёжат целковоень покшолмасо премиясь максовсь Ташто Шайговань раськень артисттнэнень. 2-це таркась ды 40 тёжат целковойть премиясь сатотсь Дубёнкань райононь киштицятненень-морыцятненень. 3-це таркась ды 30 тёжат целковоень покшолмасо премиясь казевсь Кадошкинань райононь творческой коллективтненень.

«Творческой программань режиссёронь креативной решениянть» кис башка призсэ ды 20 тёжат целковоень покшолмасо премиясо казевсть Покш Березникень ёроков артисттнэ.

10 тёжадо седе ламо эрицят районтнэнь ютксо 1-це таркась ды 50 тёжат целковоень премиясь сатотсь Чаунзань райононь творческой коллективтненень. 2-це таркась ды 40 тёжат целковоень покшолмасо премиясь казевсь Лямбирень райононь артисттнэнень. 3-це таркась ды 30 тёжат целковоень премиясь максовсь Инсаронь райононь киштицятненень-морыцятненень.

«Стремление к высоким стандартам и профессионализму» башка диплом ды 100 тёжат целковоень премиясь казевсь Саранскоень творческой коллективтненень.

Истя жо казневтеме эзть кадово «Мастерство земли мордовской» самодеятельной изобразительной ды декоративно-прикладной творчествань выставкань пурныцятне. «1-це степенень лауреат» лемесь ды 40 тёжат целковоень покшолмасо премиясь максовсь Рузаевкань райононтень. 2-це степенень лауреатокс ды 30 тёжань покшолмасо (эрьвась) премиянь саицякс кармасть Краснослободской ды Ицялонь районтнэ. «3-це степенень лауреат» лемесь ды 20 тёжат целковоень покшолмасо премиясь (эрьвантень) максовсь Ельникень, Ковылкинань ды Темниковань районтнэнень.

 

Новости

Комиссия «Единой России» по этике провела первое заседание
 Первое заседание утвержденной XVIII Съездом «Единой России» Комиссии
по   этике   прошло   16   января.   В   его   рамках   были   избраны   председатель
Комиссии, его заместитель и ответственный секретарь.
Подробнее ...
 
Россиянь Почтань 200 клиентт теевсть миллионерэкс

Государственной лотереянь статистиканть коряс, 2018 иестэ Россиянь Почтань отделенияс якицятне рамасть 68 миллиондо ламо лотерейной билетт. Вейке миллиондо ламо целковойть налксесть 206 ломанть. Те 2,4-ксть седе ламо икельце иенть коряс, сестэ миллионертнэде ульнесть 88 ломанть.

Подробнее ...
 
Управление Министерства юстиции Российской Федерации по Республике Мордовия напоминает порядок и сроки предоставления ежегодной отчетности некоммерческими организациями.

Законодательством Российской Федерации определена обязанность некоммерческих организаций ежегодно отчитываться перед уполномоченным органом. В частности, статьей 32 Федерального закона «О некоммерческих организациях», статьей 29 Федерального закона «Об общественных объединениях», статьей 25.1 Федерального закона «О свободе совести и о религиозных объединениях».

Подробнее ...
 
Крештениянтень анокстамот

Крештениянтень Саранскойсэ арсеви теемс экшелямонь туртов 11 тарка: «Старт» стадиононь эрькесэнть (2 таркат), Гончаровонь куросо, «Вирень эрьке», «Зелёная роща» эрькетнесэ, «Огни Саранска» кафенть маласо, Макаровкасо (Иоанн Богословской цёрань монастыренть вакссо), Куликовкасо Чапаевень куросо лисьмапрясонть, Полянки велень Юбилейной куросо аштиця лисьмапрясонть, Добровольной посёлкань Дачная куросонть, Иоанн Кронштадтскоень храмонь лисьмапрясонть ды Грузинской куросо аштиця эйкакшонь парконь эрькесэнть.

Подробнее ...
 
Конкурс на участие в образовательном модуле «Единой России» «Политический лидер» составил 43 человек на место

«Прием заявок на участие в образовательном модуле «Политический лидер» Высшей партийной школы «Единой России» завершен. К настоящему моменту поступило и уже обработано модераторами более 8,5 тыс. анкет, из них было одобрено 6,5 тыс. Таким образом, конкурс на участие в стартовом модуле проекта составил 43 человек на место», – сообщила первый заместитель секретаря Генерального совета «Единой России», депутат Госдумы Ольга Баталина, подводя итоги заявочной кампании, завершившейся 15 января. До 22 января пройдет следующий отборочный этап – запись трех видеорезюме и с 22 января по 1 февраля участники должны будут пройти отборочные тесты.

Подробнее ...