Рубрикатор

Культура «Литовантень» – 20 иеть
«Литовантень» – 20 иеть

Неть читнестэ А.С.Пушкин лемсэ Национальной библиотекасо ютась кенярксчи, кона алтавсь «Литова» эрзянь авань вейсэндявксонтень 20 иетнень топодемантень. Сонзэ прявтсо ламо иень перть ашти Р.Б.Щанкина. Васняяк эрзянь авань вейсэндявкстонть невтезель фильма. «Литовась» панжовсь 1997 иестэ. Сон вельмевтинзе кезэрень кенярксчитнень ютавтомаст. Истятнэнь, кода: «Роштовань кудо», «Тундонь ильтямот», «Ведявань налксемат», «Норовавань чи», «Пангонь чи», «Прякань чи» ды лият. Мельспаро улемс неть кенярксчитнесэ, косо гайги тиринь келесь, косо морыть седейс токиця морот. Аватне ютавтнить вастовомат республикань районтнэсэ ды Мордовиянь томбалеяк. Сынст паро мельсэ вастыть эйдень кужосо, школасо, библиотекасо, велень клубсо. Неень шкане «Литовасо» кавтосядто ламо ават.

Покш чинть ушодовомсто Раиса Борисовна сайсь вал, косо пачтинзе мелявксонзо:

– Комсь иетнень перть теинек аволь аламо, теевлинек седеяк ламо, бути улевельть лездыцянок. Раськень культурань кирдицякс, сонзэ виевгавтыцякс мон лован общественной вейсэндявкстнэнь. Сынст ютксо «Литоваськак». Зняро тев а топавтыть государствань структуратнеяк, конатнень кедьсэ ули весемесь. Токасынь сеть кевкстематнень, конат ризнэвтить. Минек ламо ушодкстнэ апак топавто. Паро бу поладомс «Новые песни древней земли» фестиваленть. Талновтыть эрзянь ды мокшонь журналтнэнь ды газетатнень неень шкань эрямост. Башка книгань нолдамодо мон а кортангак. Савкшны эсь ярмак лангс нолдамс, бути кинь улить. Кода улемс лиятненень? Мекс те шкас кадовсь ансяк кортамокс эйкакштнень туртов мультфильмань нолдамось? Ульнесть шкат, зярдо кой-кона рузонь мультфильматне гайгсть телевизорсто тиринь кельсэ.

Ули ломань, кинь путовксозо кадовсь апак редя. Те – Раиса Семёновна Анисимова. Сон важоди Саранскоень Л.П.Кирюков лемсэ музыкальной училищасо тонавтыцякс. Ней сонензэ 80-де ламо иеть. Те шкас тонавты ломанть морамо. Сонзэ кедьсэ тонавтнесть ламот, конат теевсть содавиксэкс Мордовиясо ды сонзэ томбалеяк. Истямо ломантнень парост эряви пандомс паросо. Те авантень те шкас апак максо  «Культурань заслуженной роботник» лемесь.

Мезе эряви миненек, «Литовантень»? Кудо эряви. Кемтяно, Раськетнень ояксчинь кудосо муеви тенек тарка. А косо ванстомс архивенек ды документтнэнь. Теде башка, вастневемс ды ютавтомс репетицият. Пек бажатано поладомс нолдамо «Ава» журналонть, кона меельцеде лиссь 2013 иестэ. Истя жо бажатано нолдамс экологиянь энциклопедия, эрзянь ды мокшонь авань лемтнень каталог, панжомс Интернетсэ сайт. Нама, весе тень туртов эрявить ярмакт.

Лембе валонь ёвтамо сакшность ламо инжеть. МР-нь Прявтонть, Правительстванть ды Госсобраниянть пельде лембе валт ёвтась Госсобраниянь Председателень полавтыцясь И.М.Москаев. МР-нь Прявтонь Благодарностьсэ ды МР-нь Государственной Собраниянь Почётной грамотасо казинзе «Литовань» аватнень: Р.С.Зорькинань, Т.С.Барговань, С.Н.Маскаевань, В.И. Алямкинань, О.В.Романовань, И.М. Смутинань.

Вал сайнесь Саранск ошонь мэрэсь, РФ-нь Финнэнь-угрань раськетнень ассоциациянь прявтось П.Н.Тултаев. «Литованть» сон парсте содасы. Тешкстызе, кодамо вий путыть аватне койтнень-кирдатнень, культуранть, келенть ванстомасо.

– Тынь аволь мельтеме ломанть, кепедтядо талновтыця кевкстематнень, ёвтатадо видечинть. Тынь алкукс мелявттадо минек культуранть кисэ, – кортась П.Н.Тултаев. Благодарностьсэ сон казинзе «Литовав» совицятнень: Р.Б.Щанкинань, О.Н.Черновань, Р.М.Пронькинань, Т.Т.Чекушовань, Е.Д.Полшковань, М.Н.Сураевань, Е.А.Слугинань.

Паро валт ды казнеть ульнесть МР-нь Культурань, национальной политикань, туризмань ды архивень тевень министерствань консультантонть Т.Т.Ширманкинань, Эрзянь ды мокшонь раськень Регионъютконь общественной вейсэндявксонь прявтонть Ю.А.Мишанинэнь, Равчирень финнэнь угрань раськень культурань центрань прявтонть Р.И.Акашкинань пельде.

Поздоровт ёвтась «Чилисема» журналонь прявтось Н.И. Ишуткин:

– Раськень тевтне кармить парсте молеме – зярс улить истят аванок. Эрзянь аватне свал икеле. Саемга, Алёна Арзамасская. Течи а виде ули а ледстямс Маризь Кемалень, кона ушодызе эрзянь авань движениянть. Кода а ледстямс С.М.Люлякинань? Зяро велева ды школава мартонзо ардтнинек! Паро, зярдо ули истямо вейсэндявкс, кона састыне вети раськень тевтнень.

Вал сайнесть «Литовав» совицятне: Покш Игнатбуестэ МР-нь Заслуженной учителесь Р.Д.Жегалина, Московсто сазь «Эрзянь вайгель» культурно-просветительской региональной обществанть пельде  Р.Е.Степанова.

Кодамо покш чи моровтомо? Морасть МР-нь народной артисткась Анна Атласова, МР-нь заслуженной артисткатне Елена Воронина ды Татьяна Ломакина, «Келу» ды «Толава» фольклоронь ансамблятне, Артем Мамаев. Паро инжекс ульнесь Пенза ёнксонь Бессоновской райононь Пазялго велень «Чевгелина» ансамблясь, кона кирди ялгаксчи «Литованть» марто. Нама, морот морась «Ламзуреськак», кона сови «Литовантень».

Т.Маторкина

 

 

Новости

Комиссия «Единой России» по этике провела первое заседание
 Первое заседание утвержденной XVIII Съездом «Единой России» Комиссии
по   этике   прошло   16   января.   В   его   рамках   были   избраны   председатель
Комиссии, его заместитель и ответственный секретарь.
Подробнее ...
 
Россиянь Почтань 200 клиентт теевсть миллионерэкс

Государственной лотереянь статистиканть коряс, 2018 иестэ Россиянь Почтань отделенияс якицятне рамасть 68 миллиондо ламо лотерейной билетт. Вейке миллиондо ламо целковойть налксесть 206 ломанть. Те 2,4-ксть седе ламо икельце иенть коряс, сестэ миллионертнэде ульнесть 88 ломанть.

Подробнее ...
 
Управление Министерства юстиции Российской Федерации по Республике Мордовия напоминает порядок и сроки предоставления ежегодной отчетности некоммерческими организациями.

Законодательством Российской Федерации определена обязанность некоммерческих организаций ежегодно отчитываться перед уполномоченным органом. В частности, статьей 32 Федерального закона «О некоммерческих организациях», статьей 29 Федерального закона «Об общественных объединениях», статьей 25.1 Федерального закона «О свободе совести и о религиозных объединениях».

Подробнее ...
 
Крештениянтень анокстамот

Крештениянтень Саранскойсэ арсеви теемс экшелямонь туртов 11 тарка: «Старт» стадиононь эрькесэнть (2 таркат), Гончаровонь куросо, «Вирень эрьке», «Зелёная роща» эрькетнесэ, «Огни Саранска» кафенть маласо, Макаровкасо (Иоанн Богословской цёрань монастыренть вакссо), Куликовкасо Чапаевень куросо лисьмапрясонть, Полянки велень Юбилейной куросо аштиця лисьмапрясонть, Добровольной посёлкань Дачная куросонть, Иоанн Кронштадтскоень храмонь лисьмапрясонть ды Грузинской куросо аштиця эйкакшонь парконь эрькесэнть.

Подробнее ...
 
Конкурс на участие в образовательном модуле «Единой России» «Политический лидер» составил 43 человек на место

«Прием заявок на участие в образовательном модуле «Политический лидер» Высшей партийной школы «Единой России» завершен. К настоящему моменту поступило и уже обработано модераторами более 8,5 тыс. анкет, из них было одобрено 6,5 тыс. Таким образом, конкурс на участие в стартовом модуле проекта составил 43 человек на место», – сообщила первый заместитель секретаря Генерального совета «Единой России», депутат Госдумы Ольга Баталина, подводя итоги заявочной кампании, завершившейся 15 января. До 22 января пройдет следующий отборочный этап – запись трех видеорезюме и с 22 января по 1 февраля участники должны будут пройти отборочные тесты.

Подробнее ...