Рубрикатор

Культура Московсо – Эрьзянь лемсэ ульця
Московсо – Эрьзянь лемсэ ульця

 

Ноябрянь 8-це чистэ Москов ошонь Щербинка ошонь округонь Культурань Кудонь Театрань-концертэнь залсо ютавтови торжественной мероприятия, конась алтави 20-це пингень эрзянь раськень Ине скульпторонть С.Д.Эрьзянь лемсэ ульцянь панжомантень.

Те кенярскчистэнть невтеви «Возвращение гения» киртязь документальной кинопоэма Степан Эрьзянь эрямодо-уцяскадо. Те фильманть авторось ды режиссерось Андрей Новоселов, кинопоэмась сайсь казне Раськеютконь кинофестивальсэнть Буэнос-Айрессэ. Истя жо кармить морамо од артистт. Мероприятиянть анокстыцятне – С.Д.Эрьзянь лемсэ Раськеютконь искусствань фондось ды Щербинка ошонь округонь администрациясь. Ине скульпторонть чачома чинтень  истя жо арсеви панжомс  «Эрьзя» од художественной галерея, косо невтневить мастерэнть произведениянзо.

М.Девятова

 

Новости

Путин казизе Волковонь Александр Невскоень орденсэ

Россиянь Президентэсь Владимир Путин тешкстась Указ «О награждении государственными наградами Российской Федерации». Зярыя кементь фамилиятнень ютксо Мордовиянь Прявтось Владимир Волков. Государствань руководителенть Указонзо коряс сонензэ максови Александр Невскоень орденэсь.

Подробнее ...
 
Кулят мэриясто

Ошонь Администрациясо ютась промкс, кона ушодовсь коммунальной техниканть телентень анокстамодо кевкстематнестэ. РФ-нь МЧС-нь ГУ-нь МР-нь представительтне пачтясть, маласо читнестэ Саранскойсэ температурась валги -5 градусос, чить термометрась невти +1, +2 градуст. Карми прамо начко лов. Ошонь прявтось Пётр Тултаев тешкстызе, машинань ветницятне чарыст зярс эзизь полавто. ГИБДД-нь важодицятне мерсть, ветницятненень ютавтыть профилактической кортамот. «Чуваронь-салонь почодыця машинатне телень шкане улест весе зыянов таркатнесэ, сэдтнень вакссо, пандопряв молиця килангтнесэ. Ошонь хозяйствань департаментэнь важодицятне кадык стувтсызь оймсема читнень. Субутась тынк туртов – важодемань чи», – мерсь Пётр Тултаев.

Подробнее ...
 
Литературанть марто вейсэ

А.С.Пушкин лемсэ республикань Национальной библиотекасо ютась «Литература и природа – рука об руку» эрьва иень акциясь. Сон юты колмоцеде ды тедеде алтавсь Экологиянь иентень. Сонзэ ютавтыцятне – Ицялбуень куншкакуронь библиотекась, «Смольный» национальной паркось ды А.С. Пушкин лемсэ библиотекась.

Подробнее ...
 
Сюкпрянь валт

Мордовия Республикань Прявтонть Владимир Волковонь лемс сась благодарность Адмирал Ушаков эскадрань миноносецэнь командирэнть Игорь Никитинэнь пельде. Мордовия Республикань подшефной миноносецэнь экипажонь прявтось республикань руководителентень ёвтась сюкпрянь валт военной моряктнень эрямост ды бытэст коряс мелявтоманть кисэ.

Подробнее ...
 
Сайсть медальть

Аволь умок Московсо ютавтозель «Сырнень сёксь» 19-це весероссиянь агропромышленной выставкась. Тосо эсь продукцияст невтизь Мордовиянь комсте ламо велень хозяйствань предприятиятне. Вана «Хорошее дело» агрогруппась тов усксесь «Мечта» ды «Юбилейное» кавто предприятиятнень продукцияст.

Подробнее ...