Рубрикатор

Культура «Умаринась» Сириясоль
«Умаринась» Сириясоль

Мордовиянь «Умарина» киштемань ды морамонь ансамблясь морси эрьва косо. Эсенек масторось а весть ардтнезь педе-пес. Ульнесть а весть омбо масторсояк. Ансамблянь коллективенть меельце гастролензэ лиятнень ёнов а молицят. «Умаринась» якась, седе видестэ карми мерезь, ливтнесь Сирияв. Весе содатано, кодат зыянов тевть молить меельце шкастонть те масторсонть.

Кода ёвтнесь ансамблянь художественной руководителесь Василий Четыркин, Московсо улемстэ оянзо пельде марякшнось куля, Россиянь содавикс артисттнэ невтнить сеедьстэ эсь программаст Сириясо минек военнослужащейтненень. Оборонань министерствань культурань отделэв кучозель сёрма-энялдома, штобу те проектэнтень совавтовлизь «Умаринантькак». Тосо ванызь ансамблянть репертуаронзо ды эзть отказа. Покш лезкс макссь Мордовиянь Прявтось В.Д.Волков.

Сирияв пачкодемась ульнесь аволь сэтьме. Чарькодеви, ульнесть седейризкст. Самолётсо ливтямось ульнесь веньберть ды светэнь апак кирвазтне. Ливтямонь кись таргавкшнось Ираконть велькска. Тосояк молить военной действият. Латакияс ливтямось мольсь 5 часонь перть. Весемесь удалась вадрясто. Мордовиянь артисттнэнь вастызь пек парсте, Тосо служицятнень ютксо ламо Мордовиянь представительть: Орданьбуестэ, Ташто Шайговасто. «Умаринань» артисттнэ эсь сельмсэ неизь кода эрить тосо минек военнослужащейтне.

Самодо мейле минек артисттнэнень теезель пек паро, лиятнень ёнов а молиця экскурсия, невтнизь тесэнь музеенть, косо ульнесь ИГИЛ-нть кедьстэ нельгезь вооружениясь. Мезть ансяк тесэ арасельть. Вооружениянь кой-кона образецтнэ ульнесть минек  масторсо 70-це иетнестэ.

Секе жо чистэнть «Умаринань» артисттнэ невтсть концерт блок-постонь ванстыцятненень. Ды, куш, концерттэнть икеле а весть гайгезевкшнесь тревогань сиренась, киньгак сон мель эзь кола. «Умаринань» киштематне ды морамотне весемень кепедекшнизь мелест.

Омбоце концертэсь невтезель базасо. Тесэ уш кенерсть стявтомс 500 ванома таркас покш зал. Ломантнеде ульнесть пек седе ламо, кой-кить вансть стядо. Мелест кепедевкшнесь весемень. Ютазь гастрольтнень кис «Умарина» киштемань ды морамонь ансамблянь коллективентень ёвтазь ламо шнамонь валт Россиянь оборонань министерстванть пельде. Ули кемема, истят гастрольтне аволь меельцеть.

Н.Евдокимов

 

Новости

Од иень ярмунка

Од иень кенярксчитнеде икеле, ацамковонь 22-це чистэ, Саранскойсэ ютавтови ярмунка, косо кармить микшневеме эрьва кодат товарт ды велень хозяйствань продукция.
Ярмункасонть кармить Мордовиянь микшнемань сферань, общественной питаниянь, перерабатывающей промышленностень ды велень хозяйствань предприятиятне.

Подробнее ...
 
Турчак: Власти компенсируют гражданам затраты на покупку приставок для цифрового ТВ

Правительство РФ и региональные власти предусмотрели исчерпывающий набор компенсирующих мероприятий при переходе с аналогового на цифровое телевещание для малозащищенных слоев населения. Также в региональных бюджетах предусмотрены денежные компенсации или закупка необходимого оборудования. Совет по развитию цифровой экономики при Совете Федерации представит на ПМЭФ-2019 свой рейтинг цифровизации регионов и предложит механизм поддержки лучших региональных практик. Об этом заявил вице-спикер Совета Федерации, секретарь Генерального совета «Единой России» Андрей Турчак по итогам второго заседания Совета по развитию цифровой экономики в Новосибирске.

Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...