Рубрикатор

Культура «Шумбрат, Мордовия!»
«Шумбрат, Мордовия!»

Неть оймсема читнестэ Республикань Культурань кудосо панжовсь «Шумбрат, Мордовия!» народной творчествань фестивалесь. Тедеде сон алтави ине флотоводецэнть, иневанькс праведной воинэнть Феодор Ушаковонь 200 иетненень, Советской Союзонь Героенть М.П.Девятаевень 100 иетненень ды Октябрянь революциянть 100 иетненень.

Концертэнть ушодызь Покш Игнатбуень артисттнэ. Сынст ваномо сакшность ламо ломанть: малавиксэст, ялгаст-ояст. Весе сынь мельспаросо вастсть эрьва номерэнть. Васняяк невтезельть Ушаковонь эрямосто саезь инсценированной пелькст, косо православной театрань студиянь вишка актёртнэ невтсть исторической персонажонь образт. Адмиралонть налксизе 8-це классо тонавтницясь Алексей Французов. Патриотизмань теманть поладызе велень церьковань настоятелесь Андрей Бублиенко. Сон гитара марто морызе «В русалочьем краю» эсензэ ладсевть моронзо.

Аволь весть сцена лангс лиснесь Россельхознадзоронь госинспекторось Евгений Куликов. Васня невтизе Михаил Девятаевень образонть, ловнось фашистэнь полонсто оргодемадо лётчикенть ледстнеманзо. Морась «Молодцы» цёрань ансамблясо. Сынь морызь «Интернационал» моронть, конань кунсоломсто ламот стякшность таркастост ды морасть весе вейсэ. Истя жо Евгений морась эрзянь моро.

Ламо цяпамот алтавсть «Иван-да-Марья» эйкакшонь ансамблянтень. Вишка артисттнэ морызь «Солдатушки, бравы ребятушки» моронть.

Покш Игнатбуень мастертнэ эсь теевксэст невтизь декоративно-прикладной творчествань выставкасонть. Од важодемат усксть Г.А.Белорукова, А.А.Наумов. Людмила Семенова педагогось сурестэ кодась венч, Ушаков адмиралонть! Надежда Федосеева аллукшсто теизе адмиралонть ды невтизе революциянть.

Теде мейле сцена лангс лиссть Рузаевка ёнксонь артисттнэ. Ваныцятнень токинзе оймест «Мокшаночка» фольклоронь ансамблясь. Сынь морызь «Петрунь Мишанесь» моронть, кона алтави М.П.Девятаевнень.

«Вдохновение» цёрынень хорось парсте морызе «Крейсер «Аврора» весенень содавикс моронть.

Рузаевкань райононь артисттнэ эрьва ие невтнить сюпав ды мельстуиця программа. Тедедеяк сынь кецявтызь ваныцятнень киштемасо ды морамосо. Эрявить тешкстамс Анастасия Коковань, Виктория Шебаловань, «Казачьи зори», «Рябинушка», «Околица», «Пайгонят» ансамблятнень, «Парафраз» народной инструментэнь оркестранть.

«Антре» киштемань коллективесь невтсь «Стряпухи» пек мазый номер, «Дивертисмент» хореографиянь коллективесь – «Пляс».

Башка валт эряви ёвтамс «Морай вайме» Левжа велень семиянь ансамблядонть. Сонзэ пурнызе Прасковья Канаева. Коллективсэнть морсить цёразо Алексей ды урьвазо Людмила, баянсо налкси нуцьказо Татьяна (сон тонавтни Нижегородской консерваториясо). Истя жо морыть Геннадий нуцьказо, Олеся нуцьказо ды мирдезэ Владимир Кустов, сынст кавто эйкакшост: 4 иесэ Арсений ды 9 ковонь Дарина. Те сехте вишка участница! Сонгак наряжазель раськень оршамопельсэ.

Выставкасо Рузаевка ёнксонь мастертнэ невтсть Ушаковонь ды Девятаевень картинаст. Сынст артызь эйкакшонь художественной школань тонавтницятне. Кода свал, Л.Н.Сарайкина анокстась ламо эрьва кодат някат. Кой-конатне сюжет марто. Саемга, вейке-вейкес нежедезь атят-бабат, кинь кедьсэ ярмакт, кинь – пенчть-вакант. Чамаст коряс невтеви обуцясткак! Сергей Глухов усксь ленгестэ кодазь карть ды паргот. Мазый баягинеть керамикасто тейсь А.С.Скворцова.

Недлячистэ эсь ёрокчист невтизь Торбеева ёнксонь ды Кочкурбуень артисттнэ.

Коень коряс Кочкурбуестэ «Шумбрат, Мордовия!» фестивалев сакшность фольклорной содавикс ансамблятне: Од Пурнясто – «Гайги вайгель», Ташто Мурзасто – «Норовава», Мураньстэ – «Сюлгамо». Сынь дивавтызь ваныцятнень эрзянь кезэрень моросо. Мордовиянь аволь эрьва районсо улить истят коллективть. Бабинетне сыреть, нама, сыненст стака печтямс килангонть, аштемс сцена лангсо. Весемесь стувтови, зярдо пешксе залось седейшкава тенст цяпи!

Кода кортыть концертэнь ваныцятне, мелень иенть коряс Кочкурбуесь анокстась виев, мазый ды мельстуиця концерт. Сцена лангсо ульнесть ламо од морыцят.

Сыця оймсема читнестэ концерт невтить Атюрьевань, Лямбирень, Темниковань ды Кадошкинань районтнэ.

 

 

Новости

Предложенный ЕР законопроект о зачислении в ПФР конфискованных средств коррупционеров принят Госдумой в первом чтении

Госдума приняла в первом чтении законопроект, позволяющий перечислять в Пенсионный фонд Российской Федерации средства от реализации конфискованного имущества коррупционеров. С данным предложением ранее, 20 августа, на совместном заседании Генерального совета Партии и Совета руководителей фракций «Единой России» выступил секретарь Генерального совета Партии, вице-спикер Совета Федерации Андрей Турчак.

Подробнее ...
 
А.С.Пушкин лемсэ библиотекась тешкстызе чачома чинзэ

Сентябрянь 14-це чистэ Мордовия Республикань А.С.Пушкин лемсэ Национальной библиотекантень топодсть 119 иеть. Кенярксчинть кувалма библиотекань важодицятненень поздоровт ёвтась МР-нь Культурань, национальной политикань, туризмань ды архивень тевень министрась Анатолий Чушкин. Сон ёвтась покш сюкпря топавтовиця важодеманть кисэ, арсесь библиотекантень ансяк касомс-кепетемс ды муемс седе ламо од ловныцят.

Подробнее ...
 
Госдума приняла в первом чтении президентский законопроект о защите людей предпенсионного возраста

Рассматриваемый в Госдуме президентский законопроект, которым устанавливается уголовная ответственность за необоснованный отказ в приеме на работу или необоснованное увольнение лица по мотивам достижения им предпенсионного возраста, призван изменить отношение работодателей к сотрудникам старшего возраста. Об этом заявил первый заместитель руководителя фракции «Единой России» Андрей Исаев в ходе рассмотрения Госдумой законопроекта в первом чтении 13 сентября.

Подробнее ...
 
Лиседе чиеме!

Сентябрянь 15-це чистэ Саранскойсэ, Советской площадьсэ, ютавтови «Кросс-нации – 2018» Чиемань весероссиянь чись. Те  мероприятиясь карми молеме «Спорт против терроризма» девизэнть ало. Те тердеманть ало шожда атлетикань стартс лисить малав 4500 ломанть, юткозост совить шабра регионтнэстэ сазь инжетнеяк.

Подробнее ...
 
Ванстынк прянк грипптенть

Республикасонть ушодовсь грипптенть иммунизациясь. Кода пачтясть Роспотребнадзоронь региональной управлениясо, неть тевтнес нолдавить минсенек масторсо нолдазь вакцинатне, конатне ванкшнозельть парочинть ды зыяновчинть коряс. Неть: «Совигрипп» покштнень туртов ды «Совигрипп», конасонть арасть консервантт, эйкакштнень ды пешксесэ аватнень туртов. Вакцинатнень составс совить гриппень вирустнэнь актуальной штаммтне.

Подробнее ...