Рубрикатор

Культура Эрзянь кельсэ васенце кино
Эрзянь кельсэ васенце кино

А.С.Пушкин лемсэ республикань Национальной библиотекасо ютась «Азор» эрзянь кельсэ васенце фильмань пекстазь невтема. Минек газетась икеле пачтякшнось кинонть снимамодо. Ды вана ней фильмань теицятне невтизь важодемаст. Истя жо тердевсть налксиця актёртнэ, ломантне, кить лездасть снимамосонть. Сеске мертяно, фильмась снимазь ломанень кедьстэ пурназь ярмак лангс. Весемезэ пурназельть малав 100 тёжат целковойть.

Сценариенть сёрмадызе эрзянь келень тонавтыцясь Александр Учеваткин. Виктор Чичайкин (Бакич Видяй) ульнесь режиссёрокс, композиторокс, важодсь монтажонть лангсо.

 Мезде жо «Азор» фильмась? Прявт героесь – Азор од цёрась. Сонзэ эрямонзо пачк невтеви шкась, зярдо эрзянь модатнень лангс сась а содавикс теде икеле вий – монголтнэ. Цёранть вельде невтезь эрзятнень сехте ванькс ды паро ёнксост: малавикс ломанень вечкемась, тиринь раськенть ды моданть кис педе-пес аштемась. Цёрась ёмавтсынзе малавиксэнзэ, велензэ-раськензэ пултасызь. Героенек сырги Пургазонь ушмантнэнь вешнеме. Тиринь раськенть кисэ сон анок максомс эрямонзо.

Азор героенть налксизе Национальной театрань актёрось Павел Михайлов. Кой-кона таркатнесэ сон макссь превть, тонавтсь, кода весементь теемс. Съёмкатне ютасть Покш Березникбуесэ, Кочкурбуесэ, Чаунзабуесэ, Отяжбуесэ, Орданьбуесэ, Дубёнка ёнкссо. Рамазель квадрокоптер. Невтеви иень эрьва кодамо шкась: кизэстэ саезь телес.

–Те фильмасонть невтеви XIII-це пингень шкась. Ваннынек ламо летописть. Кода карминек содамо, Батый ханось ютась Рязаненть лангс, сон лотксесь Сура чиресэ Золотаревка таркантень. Историктень валост коряс, эрзятне ды мокшотне тосо тюрсть монголтнэнь каршо. Пельчи ансяк анокстынек съёмкатнес, 5-6 част. Колмо минутатнень снимамс эряви ламо шка, – ёвтни В.Чичайкин. Виктор сёрмадызе музыканть, ладсинзе гайттнень, переозвучиваниянть коряс пшкалесь Москововгак. Эряви меремс, налксицятнень таго одс сермадызь вайгелест.

Умонь шкань оршамопельтнень мельга фильмань теицятне ардтнесть Пензав ды Казанев. Алашатнень муизь Орданьбуень Баеньбуестэ. Те велестэнть ламо цёрат явсть мель фильмантень. Лездасть покш мельсэ: макссть трактор, пила ды лия мезе. Паро лезкс сась Вирь Тавлань эрицятнень пельдеяк.

«Азоронть» ваномо сакшность Саратовастояк! Фильманть ванномадо мейле ушодовсть мелень-арсемань ёвтамотне. Вана мезе кортась Р.С.Кемайкина:

– Течи чачсь эрзянь кино! Чарькодеви, асатыкст улить. Ды кона сыненст а улемс? Сонзэ теизь аволь профессиональной режиссёрт ды операторт. Фильмась чачсь чаво таркасто. Косто неть цёратне сайсть вийть? Ансяк сынсь содыть. Саезь темась васоло шкань, кодаткак документт эзть ванстово, улить ансяк летописть. Мелезэнь тусть мазый пейзажтне. Ёвтаса, мезесь а истя. Маряви кой-косо кувалгавтозь, мекев-васов евтавить секеть валтнэ. Теке марто, мон мельспаросан, а содан, кода шнамс тынк. Фильманть эряви невтнемс эрзятненень.

Т.Мокшанова:

– Сюкпря те покш тевенть кисэ! Кие муи асатыкст, кадык теи эсензэ фильма ды варчи невтемс седеяк парсте. Мелезэнь тусть актёртнэнь налксемаст, оймем сыремтизе музыкась.

Истя жо лембе валт ёвтасть А.А.Дёмкин, П.В.Рябов ды лиятне.

– Те кинось киньгак каршо а моли. Сон – тиринь масторонтень, тиринь келентень вечкемадо. Арсетяно теемс рузонь, удмуртонь, эстэнь, финнэнь кельсэ титрат. Нама, максовлинек кинотеатрав прокатс. Тень туртов эряви прокатонь удостоверения. Содазь, сон аволь стякодо ды веши седеяк ламо анокстамот. Бажатано ардтнемс районга ды велева, невтемс фильманть ломантненень Культурань кудотнесэ, – кортась А.Учеваткин.

 

Т.Маторкина

 

Новости

Предложенный ЕР законопроект о зачислении в ПФР конфискованных средств коррупционеров принят Госдумой в первом чтении

Госдума приняла в первом чтении законопроект, позволяющий перечислять в Пенсионный фонд Российской Федерации средства от реализации конфискованного имущества коррупционеров. С данным предложением ранее, 20 августа, на совместном заседании Генерального совета Партии и Совета руководителей фракций «Единой России» выступил секретарь Генерального совета Партии, вице-спикер Совета Федерации Андрей Турчак.

Подробнее ...
 
А.С.Пушкин лемсэ библиотекась тешкстызе чачома чинзэ

Сентябрянь 14-це чистэ Мордовия Республикань А.С.Пушкин лемсэ Национальной библиотекантень топодсть 119 иеть. Кенярксчинть кувалма библиотекань важодицятненень поздоровт ёвтась МР-нь Культурань, национальной политикань, туризмань ды архивень тевень министрась Анатолий Чушкин. Сон ёвтась покш сюкпря топавтовиця важодеманть кисэ, арсесь библиотекантень ансяк касомс-кепетемс ды муемс седе ламо од ловныцят.

Подробнее ...
 
Госдума приняла в первом чтении президентский законопроект о защите людей предпенсионного возраста

Рассматриваемый в Госдуме президентский законопроект, которым устанавливается уголовная ответственность за необоснованный отказ в приеме на работу или необоснованное увольнение лица по мотивам достижения им предпенсионного возраста, призван изменить отношение работодателей к сотрудникам старшего возраста. Об этом заявил первый заместитель руководителя фракции «Единой России» Андрей Исаев в ходе рассмотрения Госдумой законопроекта в первом чтении 13 сентября.

Подробнее ...
 
Лиседе чиеме!

Сентябрянь 15-це чистэ Саранскойсэ, Советской площадьсэ, ютавтови «Кросс-нации – 2018» Чиемань весероссиянь чись. Те  мероприятиясь карми молеме «Спорт против терроризма» девизэнть ало. Те тердеманть ало шожда атлетикань стартс лисить малав 4500 ломанть, юткозост совить шабра регионтнэстэ сазь инжетнеяк.

Подробнее ...
 
Ванстынк прянк грипптенть

Республикасонть ушодовсь грипптенть иммунизациясь. Кода пачтясть Роспотребнадзоронь региональной управлениясо, неть тевтнес нолдавить минсенек масторсо нолдазь вакцинатне, конатне ванкшнозельть парочинть ды зыяновчинть коряс. Неть: «Совигрипп» покштнень туртов ды «Совигрипп», конасонть арасть консервантт, эйкакштнень ды пешксесэ аватнень туртов. Вакцинатнень составс совить гриппень вирустнэнь актуальной штаммтне.

Подробнее ...