Рубрикатор

Культура «Осетин» валось сась грузинэнь кельстэ
«Осетин» валось сась грузинэнь кельстэ

Осетинтнэ лововить аланонь потомкакс, конат эрить Кавказсо. Сынь Северэнь Осетия – Алания ды Югонь Осетия республикатнень прявт раське. Осетинтнэ истя жо эрить Грузиясо, Турциясо ды лия мастортнэсэ. Осетинэнь келесь кандови иранонь группантень. Масторлангсонть весемезэ эйстэст эрить малав 700 тёжат,  юткстост 528,5 тёжатне – Россиясо. «Осетинтнэ» этнонимесь теевсь «Осетия» лемстэнть, конась рузонь келентень совась грузинэнь «Осети» валстонть.

Кой-кона осетинтнэ бажить велявтомс тенст алан лементь. Те тевесь а весть ванкшнозель, ды примазель решения лемдемс пряст аланокс. 1992 иестэ «Хист ерты Ныхас» обществань промкссонть примазель решения лемдемс осетинтнэнь аланокс, Северэнь Осетиянть – Аланиякс. 2003 иестэ Грекень ташто стилень церьковань Аланонь епархиянь священниктне тердсть лемдемс Югонь Осетия Республиканть Алания Республикакс. 2007 иестэ осетиянь раськень VI съездсэнть Югонь Осетиянь  президентэсь Эдуард Кокойты тердинзе пурнавозтнень примамс вейкине гимна, велявтомс раськентень историянь лемензэ ды лемдемс Югонь Осетиянть Аланиякс.

Осетинэнь раськень этногенезэнь юрокс ашти аланонь плематнень кавказонь эрицятнень марто вейсэндявомась. Те ёнксось кемекстави кода келень ды мифологиянь, истя антропологиянь-археологиянь уликсчитнень коряс. Кезэрень шкатнестэ иранонь кельсэ кортыця кочевниктне эрясть Дунайстэ ды Востоконь Прибалтиканть эйстэ саезь Уралонть видьс, сынст масторост лемдезель Скифиякс, скифень раськень ламочинть коряс. Теде мейле Скифиясонть прявт роленть занизь сарматтнэ эли савроматтнэ. Минек пингеде икельксэнь II пингестэнть Птолемей лемди те территориянть Сарматиякс. Сарматтнэ, кода скифтнеяк, ульнесть аволь вейкине раськекс, а малавикс племань группакс. Хазартнэнь марто границямсто, алантнэ ульнесть каганатонть туртов покштояк покш тандавтомань виекс. Седе тов, хазартнэ тапазельть Киевень Русенть вийсэ ды педе-пев изнязельть половецтнэнь вельде. 1222 иестэ Северэнь Кавказонть лангс каявсть монголтнэ. Алантнэ воёвасть каршост половецтнэнь марто вейсэ, ансяк кияк эйстэст эзь изняво. 1235 иестэ Каракорум Монголонь империянь прявт ошонь курултайсэнть примазель решения таго каявомс Русенть ды Кавказонть лангс. Ушмонть прявтс путозель Батый ханось – Чингисханонь нуцькась. 1237 иестэ татартнэ-монголтнэ каявсть Северэнь-Западонь Кавказонть лангс. 1238 иень сёксестэнть ушодовсь Аланиянть саемазо. 1239 иестэ саезель Магасось – Аланиянь виензазь ошось. Теде мейле малав весе Аланиянь виде таркась аштесь татартнэнь-монголтнэнь кедьсэ, сонсь Аланиясь эрямодо лоткась. Те ульнесь Северэнь Кавказонть туртов покштояк покш катастрофакс, мезесь полавтызе регионсонть весе эрямонть.

1346-1350 иетнестэ Сырнень Ордасонть ды Северэнь Кавказсонть азаргадсь чумань эпидемиясь, конась нельгсь тёжат  ломанень эрямот. 1356 иестэнть Ордасонть ушодовсть феодалонь смутат ды эсь ютковань тюремат, мезесь ветясь сонзэ прамонтень. Востоксонть Тамерлан эмирэнть чачосо кассь од вий. Шкань ютазь Тамерлан (Тимур) каявсь Северэнь Осетиянть лангс, мезесь невтеви осетинэнь фольклорсонть. Алантнэ пряст ванстызь ансяк пандопрясо, косо сынь човорявсть  автохтононь плематнень марто ды максызь тенст эсест келест. Самай те шкастонть осетинэнь раськесь явозель ущелиянь обществас: Тагауронь, Куртатинэнь, Алагирэнь, Туалгом, Дигоронь.

1750 иень тундостонть Осетиясь ды Россиясь кармасть ветямо империянтень совамодо кортамот. Сынь ушодовсть Сенатонть аштемтаркасо. Тесэ Зураб Магкаев осетиянь ине дипломатось путсь прявт задачат, конат педе-пев ванкшнозельть неть кортамотнесэ. 1751 иень декабрястонть осетинэнь посольстванть примизе Елизавета Петровна инязоравась. Теде мейле Куншкакуронь Кавказонь Ардон, Фиагдон ды Терек леень бассейнатне яволявтозельть «олясо» аштиця модакс. Осетинтнэнь тов молемаст кирдезель Петербургонть вийсэнзэ.

Шкань ютазь Андрей (Алегуки) Цаликовонь кудосо пурназель Осетиянть Россиянтень совавтомадо советэсь. Аштемтаркасонть ульнесть Казыханов ротмистрась ды Афанасий Батырев. Советэнь аштемтаркадонть мейле осетинэнь старейшинатне сыргасть Моздоков кортамо губернаторонть марто. Тезэнь совасть 20 ломанть. Россиянтень совамось кандсь покштояк покш лезэ Осетиянтень.

Осетинтнэ лововить православноекс. Христианствась сась тей Византиясто IV-IX пингетнестэ. Седе тов православиясь вельмевтезель XVIII-XIX пингетнестэ. Неень шкастонть раськень религиясь ашти стака вановтсто ды культстэ, конат нежедить осетинэнь кезэрень мифологиянть лангс, конась невтеви вейкине Пазонть вельде, сонзэ эсензэ эпитетэнзэ: Ине ды Вейсэнь. Сонзэ вийсэ теезь весе Модамасторось ды менелень вийтне. Осетинэнь раськень календарьсэнть улить кенярксчить, конат тешкставить Ине Пазонть ды иневанькстнэнь лемс, конат ильтявить ярсамосо, озномасо-сюконямосо, жертвань максомасо, сынь молить иневанькс таркатнесэ. Истямо таркакс эрсекшнить культонь стявтовкстнэ, иневанькс рощатне, пандотне, пещератне, кезэрень часовнянь ды церьковань яжавкстнэ.

Россиядонть башка осетинэнь диаспорат улить Турциясо, Франциясо, Канадасо, США-со. Венгриясо XIII пингестэнть саезь эри ясы раськесь, конань улить осетинэнь ундоксонзо. Неень шкань ясытне ассимилировавсть венгратнень марто ды ютасть венгрань келентень. Тешкстасынек, меельце шкастонть сынст ютксо неяви национальной самосознаниянь кепедемась, ды кемекстыть ясытнень ды осетинтнэнь ютксо сюлмотне.

Осетинэнь раськень культурань кеврунгокс лововить кезэрень башнятне, замоктне, крепосттне, склепень некропольтне ды пирязь стенатне. Неть теевкстнэ ульнесть кеме гарантокс сынст олячист ды башкачист кемекстамосо.

Неень шкастонть осетинэнь костюмось ванстовсь кода кенярксчинь ютавтовиця, седе пек свадьбань элемент. Тейтерь-авань костюмось ашти панарсто, корсетстэ, кувака ожа марто валдо платиясто-черкескасто, теине конусонь шапочкасто ды фатасто-вуальстэ. Мештесэнзэ понгавтозельть ламодояк ламо застёжкат, конатнень лангсо артозельть нармунть. Цёратне кандтнильть папахат ды черкескат. Пек содавиксэкс ловови чопода-якстере тюсось, конань верьга викшнезель сырнень викшневкс. Тельня верце оршамопелекс ульнесь буркась.

 

Новости

«СЯТКО» ДЫ «МОКША» журналтнэнень – 90!

Неть читнестэ МР-нь Пресс-центрасо ютась промкс, кона алтавсь «Сятко» ды «Мокша» журналтнэнь 90 иень топодемантень. Мокшонь кельсэ «Валда ян» журналось лиссь Пензасо, эрзянь «Сяткось» – Самарасо. Самай неть изданиятнесэ лиснесть минек ушодыця поэттнэнь ды писательтнень произведенияст.

Подробнее ...
 
Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...