Рубрикатор

Культура Эрямонь шумбра лувонть ванстомга
Эрямонь шумбра лувонть ванстомга

Теевсь уш паро коекс минек «Эрзянь правда» газетанть редакциясо ютавтнемс шумбрачинь паролгавтомань чить. Весе содыть, журналисттнэнь ды газетань теицятнень важодема таркаст столь экшсэ.  Секскак рунгонтень эрявить санонь ды верень бойкасто якавтыця упражненият, конатне кандыть седеяк покш лезэ, зярдо сынь теевить ушосо. Нама, пароль бу, неть упражнениятнень тейнемс седе сеедьстэ ды ютазь пингень койтнень коряс ютавтнемс важодема таркатнесэ физкультурань «пятиминуткат». Ансяк арсемс теде шожда – теемс жо стака, кода корты валмеревксэсь.

 

Минь, редакциянь важодицятне, вейсэндинек шумбрачинь паролгавтомань ды газетань чачома читнень, эдь сентябрянь 24-це чистэ «Эрзянь правдантень» топодсть 96 иеть. Паро, минь кундынек ютазь недлянь меельце лембе чинть ды сыргинек оймсеме Саранскоень Вирень эрькенть чирес. Пертьпельксэсь кенярдовтымизь чипайсэ, виресь ансяк  кармась каямо эсензэ пиже тюсонзо ды оршамо ожо-якстере палясо. Эрькенть ды виренть ютксто минь муинек тарка, косо арсинекак ютавтомс васняяк физкультурань пелькске, мейле жо ушодынек спортонь пелькстамотнень. Тесэнь коштось дивавтсь эсензэ танстьсэ, тевелявтне ошонь ульцятнеде мейле лексесть весе вийсэ. Эрькесь макссь эсензэ летькечи, виресь – кекшсь эйсэнек варминеденть. Вана косто алкуксонь лезэ пурнат рунгонть туртов! Пертьпельксэсь эдь свал ульнесь ды карми минек шумбрачинь паролгавтомань ды седеень витемань таркакс. Берянь, чуросто савкшны оймсемс истямо паро таркасо.

Культурно-массовой ды спортонь секторонть кисэ минек редакциясо ответственноесь профкомонь прявтось, экономикань ды велень хозяйствань отделэнь корреспондентэсь Юлия Еремина. Юлия Ивановна невтнесь весенень, кода теемс разминка, мейле явимизь кавто командас ды ушодовсть кенярдовтыця, кой-зярдо пейдевтиця, пелькстамотне: чийнематне, кирнявтнематне, оска марто налксематне, эстафетатне. Сехте эрязакс невтизь пряст Эдуард Ретунский фотографось ды  Пётр Зиновьев журналистэсь. Сынст туртов явшезельть сехте эрявикс, профессиональной казнеть ­– ручкат ды блокнотт.

Мельспаросо минь те чистэнть ульнинек эрькенть эйстэ. Сонзэ чирева стявтозь а покш сэднеть ды сынст лангсто минь андынек идем яксяргот, конатне овсе эзть пеле ломанде ды эрязасто кундсесть кшипаморькстнэнь. Мезе дивавтымизь, лейчиресь ульнесь ванькс. Саранск ошонь прявтось Пётр Тултаев тедеде мерсь весе оймсема таркатнес аравтнемс столь марто скамикат ды мангалт.  Вирень эрькесь – содавикс оймсема тарка, тосояк тунда одкстомтозель рекреациянь зонась, ды мезе кенярдовты, ломантне, нать, тонадсть урядамо эсест мельга кадовозь шукшпрятнень. Тень туртов тосо ашти кшнинь покш контейнер, яксемс васов шукшпрятнень ёртомо а эряви. Паро тень неемс Экологиянь иестэнть, эдь, кода содатадо, 2017 иенть минек Президентэсь Россиясо яволявтызе Пертьпельксэнь ванстомань иекс.

М.Девятова

 

Новости

Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...
 
Чемпионатонть анокстамга

Мордовиянь Прявтось Владимир Волков декабрянь 16-це чистэ ютавтсь 2018 иень масторлангонь Футболонь чемпионатонтень анокстамга оргкомитетэнь промкс, конасонть важодсть МР-нь Госсобраниянь Председателесь Владимир Чибиркин, Правительствань Председателесь Владимир Сушков, Мордовиясо Главной федеральной инспекторось Михаил Сезганов, Саранск ошонь Администрациянь прявтось Пётр Тултаев, «Оргкомитет Россия – 2018» АНО-нь операционной директорось Дмитрий Годунов.

Подробнее ...
 
Прявтось Московсоль

Мордовиянь Прявтось Владимир Волков декабрянь 18-це чистэ Московсо важодемань коряс вастовкшнось Россиянь Финансонь министрань полавтыцянть Леонид Горнинэнь марто.

Подробнее ...