Рубрикатор

Культура Венгрань тейтересь корты эрзякс!
Венгрань тейтересь корты эрзякс!

Аволь умок Мордовияв сакшнось Марианн Бернхардт венгрань тейтересь. Тесэ сон седе домкасто ванкшнось-тонавтнесь эрзянь келенть. Лиякс меремс, тонавтнесь кортамо эрзякс. Кода а вастовомс истямо ломань марто? Мизолдыця од тейтересь паро мельсэ сакшнось тенек «Эрзянь правдань» редакцияв. Кортамстонок эзь кемезеве, истя парсте кортамо сон тонадсь ансяк иес!

Марианн, косо тон чачить-касыть ды тонавтнить?

– Мон чачинь Венгриянь Кёрни велесэ. Тосо эрить малав 5 тёжат ломанть. Веленть маласо улить покш ошт, косо сынь важодить. Сонсь прявт ошось, Будапештэсь, ашти маласо, 60 вайгельпень тарка. Велесэнть ансяк вейке школа – начальной. Сонзэ прядомадо мейле якинь кемень вайгельпень тарка гимназияв. Седе тов бакалавриатсо тонавтнинь Сегед ошонь покш университетсэ, филологиянь факультетэнь финнэнь-угрань кельтнень кафедрасо. Теде мейле туинь Финляндиянь Турку ошонь университетэв, косо поладыя тонавтнемам магистратурасо. Ушодынь сёрмадомо диссертация. Тосо тонавтнинь финнэнь-угрань кельть: финнэнь, эрзянь ды саамонь. Эрзянь келесь пек тусь мелезэнь. Секскак магистратурань диссертациянть карминь сёрмадомо эрзянь келень синтаксисэнть коряс. Ней мон – аспирант. Таго сёрмадан диссертация. Темась теке жо, синтаксис, ансяк ванкшнан седе домкасто. Кортыть, синтаксисэсь стака, ансяк монень те пек вечкеви.

Кие Финляндиясо тонавтсь тенк эрзянь келенть?

– Тосо минек тонавтсь Светлана Гаушева, сон чачсь Мордовиянь Кочкурбуесэ. Курсось моли вейке ие. Тонавтнинек грамматиканть, келень историянть, кортамо эзинь кенере тонадомо. Сон невтнесь тенек видеот, саемга, «Тораманть». Ловнось текстт, невтнесь фотот, ламо ёвтнесь эрзятнеде, оршамопельтнеде. Те курсонтень якасть 5-6 ломанть. Кортамо эзинь машто, сынь тей практика мельга. Ули мелем седе парсте кортамс эрзякс, неемс, кода эри те раськесь.

Косо ульнить Мордовиясо? Кодат мельть кадовсть сонзэ эрицятнеде?

– Ульнинь Кочкурбуень Мураньсэ. Ялгам эри тосо. Якинь «Торамань» концертэв, С.Д.Эрьзянь музеев, Нацтеатрав эрзянь спектаклянь ваномо, ульнинь этнодискотекасо. Саранск ошось пек мазый. Ансяк ошсонть чуросто марят эрзянь эли мокшонь кельть. Теде башка, ардтнинь Сыктывкаров Од ломанень форумов. Тевтеме эзинь аште. Тесэ вастовинь ламо пек паро ломань марто, конат лездасть эрьва мейсэ. Чарькодинь, тынк ломантне вечкить инжень вастомо. Университетсэ весе пек кенярдсть монь самонтень. Тесэ тынк улить ломанть, кить кортыть венгракс, студенттнэ ды тонавтыцятне. Башка ёвтавлинь Екатерина Кирдяшкинадо, «Вайгель» радионь важодицядонть. Сонзэ марто колмо кельсэ кортатано: венгрань, эрзянь ды мокшонь. Бути эряви, рузкскак кортан. Кавто иеть тонавтнинь Финляндиясо. Тосо рузонь кельтеме а кода. Ней мон чарькодян келенть седе парсте.

Зяро жо весемезэ кельть содат?

– Венгрань, англань, финнэнь кельтнень содасынь парсте. Аламодо содасынь саамонь, эрзянь ды рузонь, ней чарькодян мокшонь кельгак.   Н.П.Огарёв лемсэ университетсэ весень марто яксинь парав, косо тонавтнинь эрзянь синтаксисэнть, морфологиянть, лексикологиянть. Башка занятият ветясь тень филологиянь наукань кандидатось Н.А.Агафонова. Сонзэ марто ваннынек фонетиканть, диалектологиянть, ламо кортынек. Мокшонь келень занятияв яксинь. Сюкпря ёвтавлинь весе тонавтыцятнень туртов.

Ёвтнек семиядот. Сеедьстэ ардтнят кудов?

– Пек чуросто якан кудов, иезэнзэ весть, Роштованень. Тетям-авам эрить ды важодить велесэ. Ули лелям, сон семиянзо марто эри ошсо. Сазором тонавтни социальной важодицякс.

Мезе вечкат тееме юткошкасто?

– Вечкан артомо, кирякстнеме конькасо, сноубордсо, велосипедсэ. Пек вечкса пертьпельксэнть.

Т.Маторкина

 

Новости

В Рузаевке обсудили изменения пенсионной системы

В Рузаевском районе Республики Мордовия  состоялось обсуждение совершенствования пенсионной системы.  В дискуссии приняли участие депутаты, представители пенсионного фонда и профсоюзов, партийный актив района.

Подробнее ...
 
«Единая Россия» призвала агрегаторов к ответственности при оказании услуг гражданам


С принятием поправок в закон «О защите прав потребителей» в части усиления защиты прав потребителей, приобретающих товары и услуги через Интернет, будет сделан очередной шаг на пути к более цивилизованному рынку онлайн-торговли. Этот закон защитит граждан. Об этом заявил заместитель председателя комитета Государственной Думы по экономической политике, промышленности, инновационному развитию и предпринимательству, координатор проекта партии «Единая Россия» «Локомотивы роста» Денис Кравченко, комментируя соответствующий документ, принятый Госдумой во втором чтении. 

Подробнее ...
 
«Единая Россия» продолжит работу над совершенствованием механизмов обеспечения жильем детей-сирот

Государственная Дума 17 июля приняла в третьем чтении законопроект об изменении в порядке обеспечения жильем детей-сирот и детей, оставшихся без попечения родителей, которым законные представители детей-сирот наделяются возможностью самостоятельно подавать заявления о включении детей в соответствующий список. 
Следующим этапом станет подготовка и утверждение Правительством единого для всех регионов порядка учета детей-сирот, подлежащих обеспечению жилыми помещениями.

Подробнее ...
 
Елена Анюшина сайсь кавто «сырнеть»

Июлень 11-15-це читнестэ Московсо «Крылатское» каналсонть ютавтовсь байдаркасо ды каноэсэ греблянь коряс Россиянь чемпионат.
Елена Анюшина чачсь Орданьбуе ёнксонь Жабина велесэ, сайсь кавто сырнень медальть. Спортсменкась невтсь сехте вадря результатт 500 ды 200 метрань дистанциятнесэ.

 
В «Единой России» предлагают сделать 22 октября Днем российского футбола

Фракция «Единой России» в Государственной Думе предлагает установить в России новую памятную дату и сделать 22 октября Днем российского футбола. Как заявил сегодня на пленарном заседании член комитета Госдумы по контролю и регламенту Дмитрий Белик, соответствующий законопроект внесен в нижнюю палату парламента.

Подробнее ...