Рубрикатор

Культура «Книжная Сибирь» фестивалесь Новосибирскойсэль
«Книжная Сибирь» фестивалесь Новосибирскойсэль

Сентябрянь 15-17-це читнестэ Новосибирск ошсо ютась «Книжная Сибирь» Раськеютконь фестиваль. Малав 6,5 тёжат ломанть сакшность те кенярксчинтень, кона алтавсь Новосибирской областень 80 иетненень. Мордовиясто покш фестивалентень якась «Чилисема» журналонь отделэнь прявтось, РФ-нь Писателень союзонь членэсь Татьяна Мокшанова.

«Книжная Сибирь» промксось аштесь зярыя пельксстэ. Васняяк, нама, панжовсь книгань ярмунка, косо малав 80 издательстватне (эсенек ды омбо масторонь) невтизь эсь изданияст. Теде башка, ульнесь покш программа – малав 100 мероприятият: книгань презентацият, писательтнень марто вастовомат, концертт, литературань семинарт ды ламо мезе лия.

– Фестивалесь панжовсь РФ-нь Наукань Академиянь Сибирень отделениянь Новосибирскоень научно-технической библиотекасо. Ламо лембе валт ёвтась Новосибирской областень культурань министрась И.Н.Решетников. Сон мерсь, минек эйсэ учить ламо а стувтовиця вастовомат, конат алтавить эрьва кодамо иень ломантненень. Истя ульнеськак. Ве шкасто ютасть зярыя вастовомат. Эрьвась эсь мелензэ коряс кочкась ков молемс. Мон якинь кунсоломо издательствань тевтнеде, кой-кона содавикс писательтнень марто вастовомо, сынь ловность эсь произведенияст, кортасть ломантнень марто, – ёвтни Т.Мокшанова.

– Татьяна, арсетяно, тонгак сайнить вал?

– Истя. Монень мерсть ютавтомс мастер-класс, косо пурнавозтнень марто подстрочник вельде варчинек ютавтомс стихотвореният. Мейле ванкшнынек, кинь лиссь парсте. Пачтинь эрзянь ды мокшонь стихтнень рузонь кельс ды мекевланк ютавтомадо. Омбоце чистэнть эрявсь кортамс кавтонь таркава. Васняяк макссть вал «Живая этнография» пелькссэнть. Пачтинь минек раськеденть, эрзянь кельденть. Мартон сайнинь авань зярыя эрзянь оршамопельть, викшнезь нардамот, някат. Залстонть кавто ават паро мельсэ оршизь лангозост палятнень. Ёвтнинь пулайденть, пангодонть, викшневкстнэде, тюстнэде, кодамо смусть сынь кандыть. Кода седикеле тейтертне мирденень лисемадо икеле анокстыльть эстест эрямонь парь. Кунсоловтыя «Адя, адя, Оря патяй» моронть, ютавтыя тенст. Ёвтынь, минек ламо моротнесэ кортамось моли оршамонь викшнемадо. Макснесть ламо кевкстемат.

Мейле лия таркасо кортынь «Чилисема» эйкакшонь журналдонть. Сыненст мельс тусь писательтнень портретэст максомась. Пачтинь, неть портреттнэнь арты тенек художник. Школань тонавтыцятнеяк ёвтыть сюкпрянь валт, литературань уроктнесэ портреттнэ маштовить.

– Кодамо Новосибирск ошось? Ульнесь юткошка сонзэ ванномс?

– Юткошка пек арасель. Ды кода а шумбракстнемс ошонть марто?! Сон покш (эрицятнень коряс Московдо ды Санкт-Петербургто мейле колмоце таркасо ашти), улить ламо мазый таркат. Сеть читнестэ тешкстасть Новосибирской областень 80 иетнень, площадьсэ ютась Пелагея содавикс морыцянть концертэзэ, якинек ваномо.

Сонсь фестивалесь лиссь ёжонь витиця. Мельспаро тень ульнесь тосо ёвтнемс эрзянь кельденть, минек ломантнеде, журналтнэде, литературадонть, оршамопельтнеде, теевемс содавиксэкс од ломань марто, конатнень седеест каршонок панжадот.

 

Т.Маторкина

 

 

 

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...