Рубрикатор

Культура Театрась – эрямонь лувозо
Театрась – эрямонь лувозо

Республикань культурань ды политикань покш мероприятиятнень сеедьстэ вети МР-нь заслуженной артистэсь, Мордовиянь Прявтонь премиянь лауреатось, РФ-нь Театрань деятельтнень вейсэндявксонь членэсь Игорь Леонидович Дьячков. Сон чачсь васоло Краснодаронь ёнкссо. Мейле семиясь сась эрямо Саранскоев. Эсь шкасто тонавтнесь Ленинградонь государственной театрань, музыкань ды кинематографиянь институтсо.

 

Важодемань кинзэ  ушодызе 1979 иестэ Мордовиянь Рузонь драмань театрасо артистэкс. 2010 иестэ саезь сон – Н.П.Огарёв лемсэ МГУ-нь национальной культурань ды театрань искусствань профессор.

И.Л.Дьячков налксесь рольть истямо спектаклятнесэ, кода «Доходное место», «Дальше – тишина…», «Пришёл мужчина к женщине», «Дон Кихот», «Квадратура круга», «Блэз», «Веер леди Уиндермир», «Модели сезона», «Ящерица» ды ламо лият.

Те иень июлень 16-це чистэ Игорь Леонидович Дьячковнень топодсть кодгемень иеть, эйстэст малав ниленьгемень иетнень сон алтынзе вечкевикс тевентень. А лововияк, зяро концертэнь программат ветясь те ёроков ломанесь. А стяко правительствань покш мероприятиятнесэ минь свал марятано сонзэ кеме ды виев вайгеленть.

Весе содамочинзэ сон бажи максомс одтнэнень. Студенттнэ седейшкава якить актёрское мастерство ды сцена лангсо кортамонь лекциятнес ды семинартнэс. Валонзо коряс, сынст марто важодемась максы вийть ды мель седеяк виевстэ ушодомс од тевтнень. Сынст марто кортнемстэ сон лиякс кармась ваномо эсь профессиянть лангс.

Од порасто романтнэнь ловномсто Игорь Дьячков арсесь улемс морякокс. Весе полавтовсь сестэ, кода покш классо тонавтнемстэ сон сась «Строитель» кудосо се шкане уликс Игорь Пересленинэнь актёронь студияв. Сценась виздиця цёрыненть допрок полавтызе. «Женитьба» спектаклясонть сонензэ ве шкасто макссть кавто рольть – Анучкинэнь ды Степанонь. Се шкастонть саезь Игорь Леонидович  тунь эзь кавтолдо: сценась – те сонзэ тевезэ. Ледстневи, сеть иетнестэ Ленинградонь Театрань, музыкань ды кинематографиянь институтсо тонавтнемс бажасть Пересленинэнь весе воспитанниктне, ансяк тов понгозтне сурсо лововить, сынст ютксо ульнесь Игорь Дьячковгак. Вестькак сон эзь янксе од порасто кочказь эрямонь тевенть коряс.

Эрямонь вечкемась, ламос бажамось ютась тензэ  Леонид Дьячков тетянзо пельде. Эсь шкасто республикасонть сон ульнесь содавикс докторокс, кие лецясь сядот ломанть, менстясь алкоголизмань стака ормадонть.

И.Л.Дьячков аволь ансяк творчествасо пачкодсь тёкшс, истя жо машты парсте топавтомо ламо лия тевть. Невтемакс, сон тантейстэ пиди-пани, строителень тевскак аволь ансяк чарькоди, сонськак ламо эсь кедьсэ тейсь, а пели стакачиде. Койсэнзэ, цёрантень эрьва тевенть маштома топавтомо.

Уцяскав сон семиясояк, Анна Альбертовна нинзэ марто трить-кастыть кавто тейтерть-кавтаськеть – Мариянь ды Елизаветань, эрить сынст мелявкстнэсэ ды кеняркстнэсэ.

Игорь Леонидовичень малавиксэнзэ чарькодить сонзэ профессиянь а шожда ёнкстнэнь, од ушодкстнэнь вастыть мельспаросо ды эрьва разнэ кисэнзэ седейшкава ризныть, кенярдыть.

Ловныцятненень пачтятано, октябрянь 12-це чинь 18.00 чассто 30 минутасто Рузонь драмань театрасо ушодови И.Л. Дьячковонь шкинемань чокшнесь. Тердевить весе, кинь ули мелезэ вастовомс республикань келес содавикс, ёроков те ломаненть марто.

 

Новости

Сюкпрянь валт

Мордовия Республикань Прявтонть Владимир Волковонь лемс сась благодарность Адмирал Ушаков эскадрань миноносецэнь командирэнть Игорь Никитинэнь пельде. Мордовия Республикань подшефной миноносецэнь экипажонь прявтось республикань руководителентень ёвтась сюкпрянь валт военной моряктнень эрямост ды бытэст коряс мелявтоманть кисэ.

Подробнее ...
 
Сайсть медальть

Аволь умок Московсо ютавтозель «Сырнень сёксь» 19-це весероссиянь агропромышленной выставкась. Тосо эсь продукцияст невтизь Мордовиянь комсте ламо велень хозяйствань предприятиятне. Вана «Хорошее дело» агрогруппась тов усксесь «Мечта» ды «Юбилейное» кавто предприятиятнень продукцияст.

Подробнее ...
 
Апандыцятнень лангс – судс

Саранскойсэ поладовить важодематне жилищно-коммунальной услугатнень кис апандыцятнень марто. Сынст лангс каявить яволявтомат судс. Истя, ошонь Ленинской районсонть судс максозь 1160 искт 56 миллиондо ламо целковойс. Течинь чине эйстэст пандозь малав 2 миллионт целковойть. Кемекстазь 52 договорт долконь реструктуризациянть лангс. Теке марто 116 квартиратнесэ керязь электроэнергиясь.

Подробнее ...
 
Кода уштовить кудотне?

Саранскоень мэрэнть кедьсэ промкссонть кудотнень уштоманть коряс кевкстемась кармась сехте пштикс. Администрациянь прявтонь васень полавтыцянть, Ошонь хозяйствань департаментэнь директоронть Алексей Егорычевень валонзо коряс, Саранскойсэ ламо квартирас весе кудотнесэ ули лембесь. Ансяк улить мелявкст зярыя стояктнень коряс, кевкстемась решави.

Подробнее ...
 
Вадрятнень ютксо

Политикань ды экономикань коммуникациятнень агентствась нолдась РФ-нь субъекттнэнь прявттнэнь рейтинг. Сентябрянь цётамотнень коряс Мордовиянь Прявтось Владимир Волков совась вадря губернатортнэнь юткс ды саизе 19-це тарканть. Меельце ковонть перть сон кемекстызе те тарканть кавто пунктс.

Подробнее ...