Рубрикатор

Культура Дивеевань дивавтыця таркатне
Дивеевань дивавтыця таркатне

Мон свал мельспаросо учан Дивеевав ардоманть. Яксян тов кеветееде ламо иеть, ды эрьва молемась ялатеке маряви тень ёвксонь историякс. А ледстнян ве чияк, зярдо те иневанькс таркась вастовлимим бу берянь эли пиземев пертьпелькссэ. Маряви, тесэ свал чипай. Ютазь оймсема читнеяк удаласть, ушось лембелгадсь 25 градусос, ды мон семиям марто кенярдозь сыргинь машинасо те Пазонь ёнксонтень. Эряви тешкстамс, киланготне икелень шкатнень коряс пек паролгадсть кода Мордовиясо, истя Нижней Новгородонь ёнкссояк. Ардомс од асфальтканть пек паро. Малав весе кись юты вирь ды посадка потмова. Сёксесь артынзе чувтотнень эрьва тюсонь артовкссо, ды седеесь кенярды истямо мазычинтень. Кись юты Починка, Лукоянова, Лесогорск а покш оштнева ды велетнева. Малав колмо част, ды минь Дивеевасо.

 

 Васняяк, нама, молинек Иневанькс Троицянь Серафимо-Дивеевань монастырентень.  Пачкодинек обедтэ мейле, паломниктнеде ульнесть аволь ламо. Монастыренть перька пешксе цецят, тесэ коштось пешксе умарень, цецянь чинеде. Монастырень манашкатне кирдить умарень ды эмежень пиреть, кастыть эрьва кодамо тюсонь цецят. Истямо мазычи, а ёвтавияк! Куроксто совинек мазыйдеяк мазый пиже тюссо артозь Троицянь храмонтень, косо ванстовить иневанькс Серафим Саровскоень мощанзо. «Кулан, калмосо карман мадезь, ансяк тынь сакшнодо ваксозон, теке мон апак куло, ды ёвтнеде тень весементь, мезде арси ёвтамс седеенк, ды мон марятадызь тынк калмостонть», – кортыль те Ине ломанесь куломадонзо икеле. Тёжадо ламо ломанть эрьва чистэ ардыть ды ардыть Дивеевав сонзэ мощанзо ваксс седеень сэредькстнэнь панжомо. Мощатне аштить сырнестэ теезь пек мазый ракасо, конась эрьва ёндо мазылгавтозь ансяк сезезь цецясо. Те храмсонть истя жо ванстовить Серафим батюшканть курмонзо­-кармонзо: палкинезэ, карензэ, кемензэ, карксонзо.

Храмсонть ули Серафим Саровскоень сехте вечкевикс «Умиление» пазавась, конань икеле те Пазонь ломанесь пульзядо эрьва чистэ кучиль эсь молитванзо.

Дивеевань монастыренть потсо ашти эште вейке Иневанькс тарка – Пазонь Авань Канавкась, конанть чувомонзо кармакшнось Дивеевань обителень манашкатнень марто сонсь Серафим батюшкась. Ламо мезе ёвтнесь эрямо шкастонзо Серафим Саровский те Канавкадонть. Келя, те кияванть ютнесть сонсензэ Пазонь Аванть пильгинензэ, сонсь иневанькс Канавкась менельс пачкоди. А стяко Дивееванть ловить Пазонь Аванть нилеце Уделэкс. Тесэ ве таркасо пурнавсть Афонось, Иерусалимесь ды Киевесь! Кие ютасы Канавканть ды 150-ксть ловносы «Богородице Дево, радуйся» молитванть, сенень карми Пазонь лезкс. Те Канавканть эзга сонсь Антихристэсь а ютави, истяшка тосо Пазонь вий.

Канавканть ютамсто ламот кайсить карсемапелест ды ютыть эзганзо кепень пильгеть. Пазонь Аванть Успениянь чистэнть монастырень сазортнэ 777 метрань кувалмосо кинть весе пештясызь ансяк сезезь цецядо.

Канавканть ютамодо мейле весе паломниктненень явшевить Серафим батюшкань кошксинеть.

Дивеевась эште содавикс эсензэ иневанькс ведь марто лисьмапрятнесэ. Тесэ эйстэст зярыя. Мон вечкан яксеме иневанькс Пантелеймононь ды Казанень Пазаванть лисьмапрятнес, конатне аштить а васоло монастырденть. Тосо аволь ансяк ванькс ведте симат ды мартот саят, кинь ули мелезэ экшелямс, стявтозь чувтонь экшелямо таркат. Дивеевадонть 12 вайгельпеде васоло ашти Серафим Саровскоень лисьмапрясь.

Бути тынь сыде неть Пазонь таркатнес а вейке чис, сестэ муеде шка молемс Серафим батюшкань озномань кевтнень таркатнес. Тов ардомс сави вирьга, а весе машинатне ютавить, ялатеке алкуксонь кемицятне бажить неть кевтнень ваксс.

А покшке экскурсиясь неть дивань таркатнес прядовома лангсоль, ансяк монь оймесь пешксель а ёвтавиця кенярдомадо эште зярыя чить. Дивеевась – те Пазонь вий, потмоёжонь чамдома тарка, тосто свал сат теке одс чачозь ды кемезь – весе карми вадря!

 

Марина Девятова

 

Новости

Предложенный ЕР законопроект о зачислении в ПФР конфискованных средств коррупционеров принят Госдумой в первом чтении

Госдума приняла в первом чтении законопроект, позволяющий перечислять в Пенсионный фонд Российской Федерации средства от реализации конфискованного имущества коррупционеров. С данным предложением ранее, 20 августа, на совместном заседании Генерального совета Партии и Совета руководителей фракций «Единой России» выступил секретарь Генерального совета Партии, вице-спикер Совета Федерации Андрей Турчак.

Подробнее ...
 
А.С.Пушкин лемсэ библиотекась тешкстызе чачома чинзэ

Сентябрянь 14-це чистэ Мордовия Республикань А.С.Пушкин лемсэ Национальной библиотекантень топодсть 119 иеть. Кенярксчинть кувалма библиотекань важодицятненень поздоровт ёвтась МР-нь Культурань, национальной политикань, туризмань ды архивень тевень министрась Анатолий Чушкин. Сон ёвтась покш сюкпря топавтовиця важодеманть кисэ, арсесь библиотекантень ансяк касомс-кепетемс ды муемс седе ламо од ловныцят.

Подробнее ...
 
Госдума приняла в первом чтении президентский законопроект о защите людей предпенсионного возраста

Рассматриваемый в Госдуме президентский законопроект, которым устанавливается уголовная ответственность за необоснованный отказ в приеме на работу или необоснованное увольнение лица по мотивам достижения им предпенсионного возраста, призван изменить отношение работодателей к сотрудникам старшего возраста. Об этом заявил первый заместитель руководителя фракции «Единой России» Андрей Исаев в ходе рассмотрения Госдумой законопроекта в первом чтении 13 сентября.

Подробнее ...
 
Лиседе чиеме!

Сентябрянь 15-це чистэ Саранскойсэ, Советской площадьсэ, ютавтови «Кросс-нации – 2018» Чиемань весероссиянь чись. Те  мероприятиясь карми молеме «Спорт против терроризма» девизэнть ало. Те тердеманть ало шожда атлетикань стартс лисить малав 4500 ломанть, юткозост совить шабра регионтнэстэ сазь инжетнеяк.

Подробнее ...
 
Ванстынк прянк грипптенть

Республикасонть ушодовсь грипптенть иммунизациясь. Кода пачтясть Роспотребнадзоронь региональной управлениясо, неть тевтнес нолдавить минсенек масторсо нолдазь вакцинатне, конатне ванкшнозельть парочинть ды зыяновчинть коряс. Неть: «Совигрипп» покштнень туртов ды «Совигрипп», конасонть арасть консервантт, эйкакштнень ды пешксесэ аватнень туртов. Вакцинатнень составс совить гриппень вирустнэнь актуальной штаммтне.

Подробнее ...