Рубрикатор

Культура Раськень Ассамблея
Раськень Ассамблея

А.С.Пушкин лемсэ Национальной библиотекасо ютась промкс, кона алтавсь «Ассамблея народов Мордовии» республикань культурно-просветительской общественной вейсэндявксонь панжомантень. Тей пурнавкшность сонзэ учредительтне.

 

– Истямо вейсэндявкс арсевсь панжомс умок ды сон эряви. Ассамблеясь карми ветямо общественной вейсэндявкстнэнь ды государственной властень органтнэнь ютксо кевкстематнень. Истя жо карми явомо мель грантонь политикантень. Ансяк гранттнэнь вельде ютавтовить эрьва кодамо покш тевтне. Минек республикасо раськетнень ютксо аштиця тевтне ладязь парсте, паро ули, бути те ванстови седе товгак, эряви теемс весементь тень ванстомга, – кортась МР-нь Культурань ды национальной политикань министрась А.М.Чушкин.

– Мордовиясо эрить сядодо ламо эрьва кодамо раськеть. Тесэ ули весемесь, мезесь лезды раськень культуранть ды тиринь келенть ванстомантень. Истя, кода ладязь раськень политикань тевтне Россиясо, арась масторлангонь кодамояк лия ёнкссо. Ассамблеянь панжомась тееви сень туртов: ванстомс раськетнень культураст, коест-кирдаст ды келест, кемекстамс раськетнень ютксо ояксчинть ды сэтьмечинть, – кортась Н.П.Огарёв лемсэ МГУ-нь филологиянь факультетэнь деканось,  Эрзянь ды мокшонь раськень регионъютконь общественной вейсэндявксонь прявтось Ю.А.Мишанин.

Те промкссонть самай Юрий Александрович кочказель Мордовиянь раськетнень Ассамблеянь прявтокс. Истя жо кочказельть полавтыця, вейсэндявксонь советэнь прявт ды яволявтозельть ассамблеянтень совицятнень лемест.

Эряви меремс, республикасонок важодить 26 национально-культурной вейсэндявкст. Сынь весе совавтовить ассамблеянтень.

 

Т.Маторкина

 

Новости

Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...
 
Чемпионатонть анокстамга

Мордовиянь Прявтось Владимир Волков декабрянь 16-це чистэ ютавтсь 2018 иень масторлангонь Футболонь чемпионатонтень анокстамга оргкомитетэнь промкс, конасонть важодсть МР-нь Госсобраниянь Председателесь Владимир Чибиркин, Правительствань Председателесь Владимир Сушков, Мордовиясо Главной федеральной инспекторось Михаил Сезганов, Саранск ошонь Администрациянь прявтось Пётр Тултаев, «Оргкомитет Россия – 2018» АНО-нь операционной директорось Дмитрий Годунов.

Подробнее ...
 
Прявтось Московсоль

Мордовиянь Прявтось Владимир Волков декабрянь 18-це чистэ Московсо важодемань коряс вастовкшнось Россиянь Финансонь министрань полавтыцянть Леонид Горнинэнь марто.

Подробнее ...