Рубрикатор

Культура Нацтеатрась пекстызе сезононзо
Нацтеатрась пекстызе сезононзо

Маень 12-це чистэ Эрзянь ды мокшонь национальной драмань театрасо пекставсь сезонось. Васенцеде тесэ арсесть инжетнень туртов «Театральная бессонница» акция. Уш совамсто весень каванясть пачалкседе ды симдсть позадо. Сыцятнень мельспаросо вастсь театрань прявтось Светлана Дорогайкина. Кода алтазель, тесэ ютасть прическань, кенжень артомань мастер-класст, косметикань микшнема, эрьва кодамо налксемат, декоративно-прикладной творчествань выставка-ярмунка, кедьчелькев ломантнень теевксэст микшнема...

 

Актёртнэ явовсть куронь-куронь, сынь путнесть декорацият сеть спектаклятненень, косо налксить (К.Петровань «Ташто койсэ», Н.Гоголень «Урьвакстома», И.Тургеневень «Вешние воды»), оршизь сеть костюмтнень, конатнесэ лиснить сцена лангс – истя ютась сынст марто фотосессиясь. Теке шкане «Морденс» национальной оркестрась ютавтсь фойесэ концерт.

Теде мейле весе тердевсть А.Галинэнь «Ретро» эрзянь кельсэ спектаклянь ваномо. Режиссёрось – Ю.Хвостиков. Лирической комедиясь нусманя ды, теке марто неень шкань. Эйсэнзэ кепедевить эрямонь сеть кевкстематне, конат перьканок: тетятнень-аватнень ды эйкакштнень ютксо стакачитне, ськамочинь темась ды седе тов. Сюкпря эряви ёвтамс актёртнэнень, конат тевень содазь невтизь ваныцятненень сень, мезенть бажасть пачтямс. Те: МР-нь народной артистэсь В.Гудожников, МР-нь заслуженной артисткатне М.Аверкина, Н.Абросимова, МР-нь культурань заслуженной роботникесь В.Балаева, Г.Гришуткина ды П.Михайлов.

Путовксонть невтемадо мейле весе труппась лиссь сцена лангс ды ёвтась сюкпря вечкевикс ваныцятнень туртов. Миньгак ёвтатано тенст сюкпря мельёжонь кепедемань кисэ!

Театрасо важодемась поладови. Маень 21-24-це читнестэ вишка ваныцятнень туртов юты «Радуга сказок» театрань недлясь.

Т.Маторкина

 

Новости

Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...
 
Чемпионатонть анокстамга

Мордовиянь Прявтось Владимир Волков декабрянь 16-це чистэ ютавтсь 2018 иень масторлангонь Футболонь чемпионатонтень анокстамга оргкомитетэнь промкс, конасонть важодсть МР-нь Госсобраниянь Председателесь Владимир Чибиркин, Правительствань Председателесь Владимир Сушков, Мордовиясо Главной федеральной инспекторось Михаил Сезганов, Саранск ошонь Администрациянь прявтось Пётр Тултаев, «Оргкомитет Россия – 2018» АНО-нь операционной директорось Дмитрий Годунов.

Подробнее ...
 
Прявтось Московсоль

Мордовиянь Прявтось Владимир Волков декабрянь 18-це чистэ Московсо важодемань коряс вастовкшнось Россиянь Финансонь министрань полавтыцянть Леонид Горнинэнь марто.

Подробнее ...