Рубрикатор

Культура Оперань ды балетэнь театрась - Мордовиянь культруранть туртов покш эскелькс"
Оперань ды балетэнь театрась - Мордовиянь культруранть туртов покш эскелькс"

Мордовиясь ульнесь сеть аволь ламо регионтнэнь ютксо, конатнесэ зярс арась оперань ды балетэнь театра. Искусствань вечкицятне покш мельсэ учить сонзэ панжоманзо. Артистэнь коллективесь уш ней ушодсь арсеме, мейсэ ды кода кармить кенярдовтомо ваныцятнень од сцена лангсо. Теде башка, сезононть ушодомадо икеле музыкальной театрас саезель од главной дирижер. Зярыятнень ютксто кочказель Московонь консерваториянь (Г.Н.Рождественскиень классонь) выпускникесь Сергей Кисс. Тей самодо икеле малав ниле иеть сон ульнесь Коминь оперань ды балетэнь государственной театрань оркестрань прявтокс. Теде икеле эште важодсь Московсо Г.Чихачевонь эйкакшонь музыкально-драмань театрасо, К.С.Станиславскоень ды Немирович-Данченконь лемсэ театрасо, ютась стажировка «Од операсо» ды Россиянь Национальной филармонической оркестрасо. Профессиональной опытэнь пурназь, сон мельспаросо кундась минек театрасо важодеме, куш тердематкак лия таркав ульнесть зярыя.

– Сергей Яковлевич, мекс лия таркав важодеме тердематнень ютксто Тынь кочкинк Саранскоенть?

– Койсэнь, тесэ сась истямо шка, зярдо культурась кармась касомо-кепетеме. Ды, сень лангс ванозь, кода куроксто моли оперань ды балетэнь театранть стявтомазо, покш мель культурантень карми явовомо седе товгак. Те зданиясь, арсян, тееви Мордовиянть эште вейке «визитной карточкакс». Ансяк тень туртов эште ламо мезе эряви теемс. Васняяк, штатонтень эрявить пурнамс вадря специалистт, мезесь кодаяк а тееви республикань прявтнэнь лезкстэме. Театранть панжомазо – те од статус республиканть туртов.

Тесэ кувать вешнесть главной дирижер. Малав иеде икеле тердимизь Саранскоев. Кизна мон сынь, варчия важодемс коллективенть марто. Бажицятнеде те таркантень ламольть. Кенярдан, ломантне кемсть лангозон ды конкурсто мейле кочкимизь монь. Мерян, профессиям аволь шождатнестэ. Дирижерось – те аволь ломань, конась лиси ваныцятнень икелев ды мазыйстэ аволи кедьсэнзэ. Сон отвечи спектаклянть лувонзо кисэ. Эдь секе жо музыкась эрьва дирижеронтень маряви лиякс. Вейке дирижеронть мельспаросо ванат спектаклянзо, омбоценть аволь. Ламо мезесь ашти коллективенть эйстэяк, ютксонок чарькодемасонть. Теке марто, паро важодеманть туртов эряви ярмаконь лезкскак, театральной искусствантень свал эрявить инвестицият. Культурасо те пек «питней» отраслясь. Масторсонок аламонь-аламонь сы чарькодема: нациянть сюпавчизэ – культурасо.

– Мекс эрямонк сюлминк театрань искусстванть марто?

– Стака евтамс… Зярдо ледстнян ютазь шканть, эйкакшпингем, кода-бути весемесь ветясь эйсэнь театрав. Прядынь музыкальной школа. Мейле получинь колмо средней образованият, конат истя жо сюлмазь музыканть марто. Седе тов тонавтнемам поладыя Московонь консерваториясо кода симфонической дирижер. Васенце важодема таркакс ульнесь театрась, конась монь туртов теевсь алкуксонь творческой мастерскоекс. Зярыя шкань перть важодинь эрьва кодат оркестра марто. Уцясказон, роботамо ушодынь искусствань сеть жанратнестэ, конатне икеле ульнесть аволь пек вешевикст – мюзиклась, опереттась, балетэсь. Весемесь те вастовкшнось ким лангсо. Балетэнь дирижерокс роботынь малав кавто иеть ды весе ютко шкам ютнесь театрасо. Эдь музыкантень эряви «валовомс» вейс ломаненть движениянзо марто. А эрьвантень те тееви. (тешксты балетэнь дирижерось – те призвания).

– Сергей Яковлевич, кода арсетядо, оперань ды балетэнь театранть панжомазо кепедьсы минек республикань эрицятнень культураст?

– Тевесь аволь ансяк театрасо, целанек культурантень мелень явомасо. Арсян, театрантень эряви кастомс ваныцятнесэ вечкема классической искусствантень. Тень туртов эряви анокстамс паро рекламаяк. Талновты, меельце 20 иетнень перть масторсонок культурань уровнясь пек прась. Бути ледстямс советэнь шкатнень, сестэ вишка пингстэ саезь покш тарка явовсь ломаненть духовной воспитаниянтень. Тень лангсо важодсть эйдень кужотнесэ, школатнесэ, вузтнэсэ. Ды бути ломанесь оперной искусствасо мезеяк эзь чарькодеяк, молемс театрав лововсь престижнойкс. Минь класснэк яксинек концертэнь ваномо. Маштылинек вадрянть явомс беряненть эйстэ. Ломанесь сась театрав, шканть ютавтылизе лезэ марто, аволь косояк симсь эли тюрсь. Течи пек эряви вельмевтемс государственной те политиканть, косо покш тарка явовсь культурантень, Россиянь гражданинэнь кастомантень. Покш таликазо теньсэ ульнесь театранть. Сон нейгак кадовсь истямо таркакс, косо кепедеви обществанть интеллектуальной содамочизэ.

– Кодамо репертуарозо карми од театранть?

– Теде эште рана кортамс. Ламо мезе сайтяно неень репертуарстонть, од спектакляткак кармить аволь аламо. Репертуаронтень эряви совавтомс масторлангонь музыкань классика. Ды арсян, театрантень пек эрявикст улить национальной оперась ды балетэсь, конат нежедить народной эпосонть ды исторической сюжетэнть лангс.

– Тынь ломанесь творческой, кода ютавтадо ютко шканть?

– Васняяк мерян, вечкевикс тевем – те профессияс. Важодемстэ а марян сиземаяк. Мекевланк, театрась максы тень вийть. Эсь прям лован уцяскав ломанекс, секс мекс важодеме эрьва чистэ молян мелсьпаросо. Ютко шкасто вечкан снимсеме. Зярыя иеть фотоаппаратонть кедьстэньгак эзия нолдтне. Натой ульнесь мелем панжомс а покш студия. Нейгак, зярдо понган кодамояк од таркас, сниман пейзажт, исторической таркат. Теке марто, ламо шка савкшны ютавтомс роботасо, конась свал канды тень ансяк кеняркс.

Л.Адмайкина

 

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...