Рубрикатор

Культура «КОЕСЬ» ЛУКОЯНОВАСОЛЬ
«КОЕСЬ» ЛУКОЯНОВАСОЛЬ

Равчирень финнэнь-угрань раськетнень культурань куншкакурось поладызе «Кой» этношколань проектэнть. Неть читнестэ Саранскойстэ покш делегация якась Нижней ёнксонь Лукоянова ошов. Вастовомась ютась райононь Культурань кудосо. Тей сакшность тесэ эриця эрзятне, ошонь школань тонавтницятне, тонавтыцятне. Лукояновабуесь ашти Мордовиянть маласо. Тесэ зярыя эрзянь ды мокшонь велеть.

 

– Минь покш мельсэ тынк эйсэ васттано. Теевсь паро коекс ютавтнемс истямо вейсэнь вастовомат. Икеле сынь ульнесть велень хозяйствань техникумсо, ней тесэ. Минек школатнень ламо прядыцятне кочкить тонавтнема таркакс Мордовиянь вузтнэнь. Сынст прядомадо мейле кой-кить кадовить тоско, лиятне жо велявтыть мекев тиринь ёнксов. Нама, республикасонть улить весе условиятне: ансяк тонавтнек ды эряк, – кортась Лукояновабуень Образованиянь управлениянь прявтось М.П.Майоров.

Лембе валт истя жо ёвтась «Ялгат» Нижней ёнксонь эрзя-мокшонь общественной вейсэндявксонь прявтось М.И.Безаев. Минек делегациянь ветицясь, Равчирень финнэнь-угрань раськетнень культурань куншкакуронь важодицясь Т.Т.Чекушова ледстизе, Лукояновабуесь – эрзятнень ды мокшотнень кезэрень эрямо тарка. Тесэ ванстыть раськень койтнень-кирдатнень. Кода а ледстямс «Эрзянь Лисьмапря» фестиваленть? Те районсонть

сон ютни эрьва кизна. Иеде иес тей пуромить ламо инжеть, сакшныть морыцят аволь ансяк Нижней ёнкссто, истя жо лия регионстояк. Кенярксчинь ютавтома таркась – этнопаркось, кона пешксе эрьва кодамо скульптурадо. Сонзэ арсицясь-теицясь – Н.И.Аношкин. Этнопаркось – оймсема тарка. Тесэ ули кезэрень лисьмапря, сонзэ вакссо ламо озамо таркат, пиземеде кекшема лато марто таркат. Эрьва иестэ этнопаркось сюпалгады од скульптурасо. Тесэ стявтозь «Память предков» кеврунго, эрзянь геройтнень мемориалонь лаз, Ведявань, Вирявань, Масторавань, Толавань, Норовавань фольклоронь персонажтненень скульптурат, Кудоатя ды Иненармунь теевкст, Алёна Арзамасскаянь, Несмеян Васильевень, Кузьма Алексеевень, Пургаз Инязоронь скульптурат. Башка тарка явозь эйкакштненень: чувтосто теезь нурямот, лишмине, гном, панго (ломанень чачо марто). Те вастовомасонть Н.И.Аношкин казезель Благодарностьсэ.

Теде мейле вал сайнесь Н.П.Огарёв лемсэ МГУ-нь приёмной комиссиянь секретаресь О.О.Томилин. Сон пачтясь, минек вузонть ули башка статусозо, Россиясо ансяк 29 истямо вузт. Студенттнэнь туртов улить 1257 очной таркат. Эрямо таркань коряс кодаткак стакачить а улить. Тесэ 16 общежитият, ламот юткстост одт. Пандомс кисэст аволь ламо, ковозонзо 600 целковойть. Теде башка, кие парсте тонавтни, сетненень пандови стипендия, улить стипендиянь 14 пандомат.

М.Е.Евсевьев лемсэ МГПИ-нь физикань-математикань факультетэнь педагогической наукань кандидатось, математикань тонавтомань методикань кафедрань доцентэсь Ж.А.Спасова ёвтнесь пединституттонть. Тесэ эрьванть учить кавксо факультетсэ.

«Россиянь Минюстонь РПА-нь» Средневолжской институтонь тонавтомань ды воспитательной тевтнень коряс прявтонь полавтыцясь, философской наукань кандидатось О.Н. Замотаева ёвтнесь эсест вуздонть. Сон тердсь весень, кинень эряви юристэнь образования. Учовить 9-11-це классонь прядыцятне.

И.Д.Воронин лемсэ республикань краеведениянь музеень неень шкань историянь отделэнь прявтось Н.Н.Носарева анокстась «Жизнь-легенда» электронной выставка. Сон алтавсь Советской Союзонь Героенть, лётчикенть М.П.Девятаевень 100 иень юбилеентень. Весе паро мельсэ кунсолость, кода Девятаев салызе самолётонть ды оргодсь немецень концлагерьстэ.

Меельцекс Национальной культурань институтонь студенттнэ невтсть пародояк паро концерт. Теде башка, эйкакштнень туртов ютавтозельть морамонь, киштемань, декоративно-прикладной творчествань коряс мастер-класст.

Т.МАТОРКИНА

 

Новости

Путин казизе Волковонь Александр Невскоень орденсэ

Россиянь Президентэсь Владимир Путин тешкстась Указ «О награждении государственными наградами Российской Федерации». Зярыя кементь фамилиятнень ютксо Мордовиянь Прявтось Владимир Волков. Государствань руководителенть Указонзо коряс сонензэ максови Александр Невскоень орденэсь.

Подробнее ...
 
Кулят мэриясто

Ошонь Администрациясо ютась промкс, кона ушодовсь коммунальной техниканть телентень анокстамодо кевкстематнестэ. РФ-нь МЧС-нь ГУ-нь МР-нь представительтне пачтясть, маласо читнестэ Саранскойсэ температурась валги -5 градусос, чить термометрась невти +1, +2 градуст. Карми прамо начко лов. Ошонь прявтось Пётр Тултаев тешкстызе, машинань ветницятне чарыст зярс эзизь полавто. ГИБДД-нь важодицятне мерсть, ветницятненень ютавтыть профилактической кортамот. «Чуваронь-салонь почодыця машинатне телень шкане улест весе зыянов таркатнесэ, сэдтнень вакссо, пандопряв молиця килангтнесэ. Ошонь хозяйствань департаментэнь важодицятне кадык стувтсызь оймсема читнень. Субутась тынк туртов – важодемань чи», – мерсь Пётр Тултаев.

Подробнее ...
 
Литературанть марто вейсэ

А.С.Пушкин лемсэ республикань Национальной библиотекасо ютась «Литература и природа – рука об руку» эрьва иень акциясь. Сон юты колмоцеде ды тедеде алтавсь Экологиянь иентень. Сонзэ ютавтыцятне – Ицялбуень куншкакуронь библиотекась, «Смольный» национальной паркось ды А.С. Пушкин лемсэ библиотекась.

Подробнее ...
 
Сюкпрянь валт

Мордовия Республикань Прявтонть Владимир Волковонь лемс сась благодарность Адмирал Ушаков эскадрань миноносецэнь командирэнть Игорь Никитинэнь пельде. Мордовия Республикань подшефной миноносецэнь экипажонь прявтось республикань руководителентень ёвтась сюкпрянь валт военной моряктнень эрямост ды бытэст коряс мелявтоманть кисэ.

Подробнее ...
 
Сайсть медальть

Аволь умок Московсо ютавтозель «Сырнень сёксь» 19-це весероссиянь агропромышленной выставкась. Тосо эсь продукцияст невтизь Мордовиянь комсте ламо велень хозяйствань предприятиятне. Вана «Хорошее дело» агрогруппась тов усксесь «Мечта» ды «Юбилейное» кавто предприятиятнень продукцияст.

Подробнее ...