Рубрикатор

Культура Этноконфессиональной тематикась минек СМИ-тнесэ
Этноконфессиональной тематикась минек СМИ-тнесэ

Ютазь недлясто Феодор Ушаковонь лемсэ Кафедральной соборсонть Межэтнической журналистикань школань тонавтницятнень марто вастовкшнось Саранскоень епархиянь управлениянь протоиереесь Виктор Хохлов. Кортамось мольсь СМИ-тнесэ этноконфессиональной тематикадонть, Мордовиянь православиядонть. Тешкстазель, кода видестэ панжомс неть кевкстематнень СМИ-тнесэ, кодамо ильведькст а эряви нолдамс ды истя седе тов.

 

Коень коряс, вастовоманть панжизе курсатнень ветицясь – «Эрзянь правда» газетань прявт редакторось Н.И.Петрушкин. Николай Иванович покш мель марто ёвтнесь ине флотоводецэнть Фёдор Ушаковонь ды сонзэ лелянзо иневанькс Феодор Санаксарскоень эрямодост:

– Россиянь флотоводецэнть весе эрямозо, вишкапингстэ саезь куломас,  ютась тиринь лелянзо преподобной Феодор Санаксарскоень – Рузонь Православиянь Церьковань иневаньксэнть вановтонзо ало. Преподобной Феодор Санаксарский, кода ине флотоводецэськак, чачсь Бурнаково велесэнть, конась ашти Ярославлянть ало. Тестэ сон тусь тонавтнеме Преображенской полков, бажась улемс военноекс. Ансяк эрямосонть весемесь лиссь лиякс. Сельмензэ икеле кулось мартонзо служицясь, овсе од цёрыне, ды Фёдор сайсь мель туемс монастырев.

Ине флотоводецэсь Фёдор Фёдорович Ушаков иневедень тюрематнесэ эзь ёмавто вейкеяк корабля, вейкеяк подчинённоезэ эзь понго полонс. Эрямонь меельце иетнень ютавтынзе Мордовиясо, калмазь Санаксарской монастырьсэнть. 2001 иестэ Рузонь Православиянь Церьковась совавтызе иневанькстнэнь юткс.

– Минек регионсонть, – тешкстызе Саранскоень епархиянь управлениянь протоиереесь Виктор Хохлов, – Пазонь лезксэнть ды тевест вадрясто содыця журналисттнэнь содамочист вельде ладязь важодемань кеме сюлмот. Монень а ледстяви вейкеяк тев, зярдо ютксонок лиснесть кодаткак ачарькодемат. Неень шкане Саранскоень ды Мордовиянь митрополиянть прявтсо Зиновий владыкась. Сон свал мельспаросо вастневи СМИ-нь важодицятнень марто, максы интервьют ды эрявикс толковамот те эли тона кевкстеманть коряс.

Отец Виктор мерсь, келя, ней минь эрятано аволь шожда шкасто. Секе-тев лиснить эрьва кодамо стакачить. Ды журналисттнэнень покш мель марто важодема кулятнень марто, видестэ сынст пачтяма ловныцятненень, кунсолыцятненень ды ваныцятненень.

– Лиясто ацирьгадат сень эйстэ, кода кулянть вельде ломантне кепедевить вейкест-вейкест покордамос, тюремас ды истя седе тов. Неень шкань технологиятнень вельде миненек эряви аравтомс од ломантнень виде кинтень, – тешкстызе отец Виктор. – Прявт лездыцякс тесэ кармить улеме СМИ-тне.

Вастовомасонть Виктор Хохлов мерсь, ламо иень перть Мордовиясь ловови истямо регионокс, косо властень органтнэнь, духовенстванть, СМИ-тнень ды весе эрицятнень вейсэнь вийсэст вельмевтевить ды кемекставить духовно-нравственной питнейчитне ды койтне. Самай те ашти весе Россиянть ды тиринь Мордовиянть вадря эрямо лувокс.

Т.Аксенова

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...