Рубрикатор

Культура Авань чинтень морась «Масторавась»
Авань чинтень морась «Масторавась»


Мартонь 12-це чистэ Самара ошонь Раськень ояксчинь кудосо ютась «Масторава» эрзянь ды мокшонь народной хоронь концертэсь. Сон алтавсь Авань раськеютконь чинтень. «Масторава» хорось ушодызе кинзэ 1996 иестэ Региональной национально-культурной куншкакуронть юрсо, конань лемезэ истя жо «Масторава». Морамонь коллективесь эрси ошонь ды областень кенярксчитнесэ, раськеютконь фестивальтнесэ, сакшны Мордовиявгак.

2002 иестэ саезь «Масторавась» важоди Раськень ояксчинь кудосо. 2009 иестэ «Масторава» хоронтень максозель «Народный самодеятельный коллектив» лемесь, 2016 иестэ те лемесь кемекстазель одс. Неень шкане хоронть вети художественной руководителесь Людмила Петровна Абрамова. 

Залось пешксель инжеде, те покшчинтень ломантне сакшность семиянек. Мельспаро, ваныцятнень ютксо ульнесть цёраткак. 
«Масторавань» солисткась Нина Черных морынзе весенень вечкевикс «Мама», «Пиже лугине», «Ташто велесэ», «Зярдояк» моронзо. Сцена лангс морамо лиснесь Ангелина нуцькинезэяк. 

Лембестэ вастозель сонсь хорось. Сонзэ вечксызь. Морась «Вияна» вокальной группась. Истя жо ёрокчинзэ невтизе Максим Трифонов од морыцясь. Цёрынесь вишкинестэ саезь морси эрзянь морот. Нейгак сон казинзе «Спасибо, мама», «Чиньжарамо», «Саночки» моротнень. Кенярксчисэнть ульнесь «Килейне» ансамблясь. 

Авань чись прядовсь паро койсэ – весе артисттнэ ды инжетне вейсэ морызь «Вирев молян» моронть, кона теевсь весе эрзятнень туртов алкуксонь гимнакс. «Масторава» эрзянь ды мокшонь национально-культурной куншкакуронь прявтось Любовь Колесникова тердинзе весе ваныцятнень «Масторавань тундо» фестивалев, кона карми 2017 иень июлень 1-це чистэ Самарасо. 

В.АЛЕКСЕЕВА 

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...