Рубрикатор

Культура «Ретро» – эрзянь кельсэ
«Ретро» – эрзянь кельсэ

 

Эрзя-мокшонь драмань театрасо ютась А.Галинэнь пьесанзо коряс «Ретро» спектаклянь премьера. Режиссёрось – Ю.Хвостиков. Эрзянь кельс ютавтызе МР-нь заслуженной артисткась Галина Самаркина. «Ретро» – те лирической комедия, косо пачтяви ськамост эриця сыре ломантнеде. Те путовкссонть налксить: МР-нь народной артистэсь В.Гудожников, МР-нь заслуженной артисткась Т.Весеньева, МР-нь культурань заслуженной роботникесь В.Балаева, Н.Абросимова, Г.Гришуткина, П.Михайлов (омбоце составсонть – МР-нь заслуженной артисткась М.Аверкина, А.Егранов, Д.Мишечкин, Е.Исайчева, В.Ермошкина ды лият). Покш мельспаро ваномс спектакля эрзянь кельсэ. Театрань неень сезонстонть те уш омбоце путовкс, кона моли тиринь кельсэ.

 

Спектаклясонть тевесь моли ошонь сюпав-паро кудосо, кона пештязь кезэрень эрьва кодамо питней мебельде. Самай тей понгсь эрямо главной героесь Чмутин Николай Михайлович (Виктор Гудожников). Нинзэ куломадо мейле сон ней эри ошсо тейтерензэ-содамонзо кедьсэ. Покш квартирасонть сон а муи эстензэ тарка, а соды, мезе теемс, а соды, мезде кортамс малавиксэнзэ марто, конат свал тевсэть ды чинь-чоп важодить. Атясь кортни гулькатнень марто, конат ливтнить тензэ вальма лангс, ризны, сюпавчи ули, нуцькат арасть.

Шкань ютазь содамозо Леонид (Павел Михайлов) ды тейтерезэ Людмила (Галина Гришуткина) сыть мельс – урьвакстомс атянть. Истя, алужонть содавтомо сынст кудов сыть колмо ават. Вейкесь эйстэст, Нина Ивановна (Нина Абросимова), сы шкадо икеле ды талакавтсынзе кудазортнэнь. Авась важодсь психбольницясо медсестракс, секс прянь ветямозояк аволь лиятнень кондямо. Ваныцятне весе спектаклянть перть пштистэ вансть сонзэ налксеманть мельга.

Теде мейле совамо кенкшес гайневти Роза Александровна (Тамара Весеньева). Пингензэ перть авась ульнесь балеринакс, тонадсь мазый эрямонтень. Вестькак эзь лисне мирденень, ней вана сыречисэ стака тензэ улемс ськамонзо, секскак эряволь бу тензэ атине. Авась парсте оршазь-наряжазь, прясонзо шляпа. Сон тарги, а отказы симемс шампанскойде, ве валсо, алкуксонь актриса.

Седе мейле шожда эскелькссэ сови «од урьва» – Диана Владимировна (Вера Балаева), кона важоди вахтёрокс. Весе сынь содыть, мезекс састь. Ансяк а чарькоди Николай Михайлович. Сон чийни ды пижни, туевель эрямо мекев велев, веши килангс ярмакт. Людмила ды Леонид оймавтыть сонзэ. Сынь а содыть, кода панемс аватнень кудостонть.

Спектаклянь омбоце пелькссэнть невтеви теке квартирась. Зярс одтнэ кудосо арасть, атянтень вейке-омбоце мельга таго сыть аватне. Вейкесь канды мартонзо килангс ярмакт, омбоцесь стувтызе сумканзо, колмоцесь мезе-бути лангс кемезь сась. Чмутин ды аватне озыть ве столь экшс, атясь сынст кавани. Тесэ эрьвась ёвтни эсензэ аволь шожда ськамочинь эрямодонзо. Аватне а потыть мирденень лисемадонть. Роза Александровна натой анок туемс эрямо велев, панжомс киштемань-морамонь куро… Николай Михайлович видьксты, саевлинзе никс сеске колмонест!

Мейле велявтыть кудов Леонид марто Людмила ды дивазевить, аволь ли свадьба юты сынст квартирасо? Спектаклясь прядови истя, Николай Михайлович чемодан марто туи велев, эйсэнзэ ильтить колмо аватне.

«Ретро» путовксось нусманя ды, теке марто, неень шкань. Эйсэнзэ невтевить эрямонь сеть кевкстематне, конат перьканок: тетятнень-аватнень ды эйкакштнень ютксо стакачитне, ськамочинь темась ды седе тов. Койсэнек, актёртнэ тевень содазь невтизь ваныцятненень сень, мезенть бажасть пачтямс. А стяко сынст туртов алтавсть ламо цяпамот ды казевсть цецят.

Т.Маторкина

 

Новости

Предложенный ЕР законопроект о зачислении в ПФР конфискованных средств коррупционеров принят Госдумой в первом чтении

Госдума приняла в первом чтении законопроект, позволяющий перечислять в Пенсионный фонд Российской Федерации средства от реализации конфискованного имущества коррупционеров. С данным предложением ранее, 20 августа, на совместном заседании Генерального совета Партии и Совета руководителей фракций «Единой России» выступил секретарь Генерального совета Партии, вице-спикер Совета Федерации Андрей Турчак.

Подробнее ...
 
А.С.Пушкин лемсэ библиотекась тешкстызе чачома чинзэ

Сентябрянь 14-це чистэ Мордовия Республикань А.С.Пушкин лемсэ Национальной библиотекантень топодсть 119 иеть. Кенярксчинть кувалма библиотекань важодицятненень поздоровт ёвтась МР-нь Культурань, национальной политикань, туризмань ды архивень тевень министрась Анатолий Чушкин. Сон ёвтась покш сюкпря топавтовиця важодеманть кисэ, арсесь библиотекантень ансяк касомс-кепетемс ды муемс седе ламо од ловныцят.

Подробнее ...
 
Госдума приняла в первом чтении президентский законопроект о защите людей предпенсионного возраста

Рассматриваемый в Госдуме президентский законопроект, которым устанавливается уголовная ответственность за необоснованный отказ в приеме на работу или необоснованное увольнение лица по мотивам достижения им предпенсионного возраста, призван изменить отношение работодателей к сотрудникам старшего возраста. Об этом заявил первый заместитель руководителя фракции «Единой России» Андрей Исаев в ходе рассмотрения Госдумой законопроекта в первом чтении 13 сентября.

Подробнее ...
 
Лиседе чиеме!

Сентябрянь 15-це чистэ Саранскойсэ, Советской площадьсэ, ютавтови «Кросс-нации – 2018» Чиемань весероссиянь чись. Те  мероприятиясь карми молеме «Спорт против терроризма» девизэнть ало. Те тердеманть ало шожда атлетикань стартс лисить малав 4500 ломанть, юткозост совить шабра регионтнэстэ сазь инжетнеяк.

Подробнее ...
 
Ванстынк прянк грипптенть

Республикасонть ушодовсь грипптенть иммунизациясь. Кода пачтясть Роспотребнадзоронь региональной управлениясо, неть тевтнес нолдавить минсенек масторсо нолдазь вакцинатне, конатне ванкшнозельть парочинть ды зыяновчинть коряс. Неть: «Совигрипп» покштнень туртов ды «Совигрипп», конасонть арасть консервантт, эйкакштнень ды пешксесэ аватнень туртов. Вакцинатнень составс совить гриппень вирустнэнь актуальной штаммтне.

Подробнее ...