Рубрикатор

Культура Коллекциясонзо ванстови "Эрзянь правдась"
Коллекциясонзо ванстови "Эрзянь правдась"

Аволь умок минек редакцияс сась серма Новосибирскойстэ. Кучизе тосонь эрицясь Александр Васильевич Лутковский. Сон пшкадсь энялдома марто: кучомс тензэ «Эрзянь правдань» зярыя экземплярт. Тевесь сеньсэ, сон пурны газетат, конатнень лемсэст ули «правда» валось. Коллекциясонзо ванстовить «Эрзянь правданьгак» кавто экземплярт, ансяк сынь пек умонь. Шкась жо моли, полавтови газетаськак. Минь кучинек Александр Васильевичнень газетанок ды максынек зярыя кевкстемат коллекциянзо коряс.

– Александр Васильевич, зярдо кармиде пурнамо те коллекциянть?

– Коллекциям саи ушодксонзо 1987 иень маень 5-це чистэнть, зярдо «Правда» газетась тешкстась 75 иень юбилеензэ. Сестэ жо пачтязель «Правдань» васенце номерэнть репринтэзэ. Се чистэнть саезь мон истя жо ванстан «Комсомольская правда» ды «Пионерская правда» газетатнень номерэст. Мон уш теде икеле арсезевинь, кода ламо масторсонок лиснить областной, районной, многотиражной газетат, конатнень лемсэст ули «правда» валось. Ды карминь эйсэст пурнамо. Тенень истя жо лездась историянть вечкемась. 1995 иестэ прядынь историянь факультет. Газетатне жо пек вадрясто невтить те эли тона шканть, эйсэст ванстови историясь.

– Зяро весемезэ газетат коллекциясонк ды конатне сехте умонь?

– Течис коллекциясон газетань 600 лемть, экземпляртнэде жо зярыя тежат. Сехте умонь газетась – «Truth» («Правда»). Сон лиссь Нью-Йорксо 1880-це иестэ ды пек вадрясто ванстовсь. Вена ошсто «Правда» газетась (1910 ие) овсе невти теке од. Сон печатазель ашо конев лангсо, 100 иеть уш ашти ды эзь ожолгадо.

Коллекциясон Россиянь сехте умонь газетатне – 1908-це иень «Правда», 1917-це иень «Правда», Гражданской войнань шкань газетатне – «Петербургская правда», «Тверская правда» (1919 ие), «Вятская правда» (1920 ие) ды лият.

– Кода ды косто вешнетядо газетатнень?

– Васенце шкатнестэ монень пек лездасть СССР-нь эрьва кодамо регионсто газетань коллекционертнэ, ялган ды содавиксэнь. Те ульнесь зярс эзь каладо СССР-сь, теде мейле сюлмотне сезевсть. Ломантненень эрявсь арсемс лиядо. Неень шкань газетатнень лездыть пурнамс «правдатнестэ» журналисттнэ. Умонь изданиятнень вешнян интернетсэ. Кие-бути ванстынзе, ней жо микшни эйсэст. 1990-це иенть самс СССР-сэ лисиця газетатнень малав весе пурнынь, эзть сатно ансяк комсешка. Те косо- бути 350 газетат. Весемезэ жо СССР-сэ эрьва кодамо шкасто лиснесть тежадо ламо «правдат». Ней жо ансяк Россиясо регистрировазь 400 ламо газетат, конатнень лемсэ ули «правда» валось. Зярс пурнынь аволь весе. Кой-кона редакциятнестэ а кучить тень, лиясто серман велявтыть мекев.

«Эрзянь правданть» монень кучизе кие-бути коллекционертнэнь ютксто. Монь улить 1987 ды 1994 иетнестэ лисезь кавто номерэнь. Улить «Мокшень правдань» экземпляронгак. Вейкесь мик 1932-це иень.

Кодат ансяк газетат эзть лисне. Улить сатирическойтькак: «Дурацкая правда», «Правдюшка» ды лият. «Колбасная правда» ды «Сырная правда» – те сывелень ды ловцонь комбинатнэнь ламо тиражонь газетаст. «Кошкина правда» ды «Собачья правда» – кискатнень ды каткатнень вечкицятнень клубтнень газетаст. «Обнаженная правда» ды «Голая правда» – те эротической газетат. Истя жо лиятнень енов а молицят – «Правда-матка», «Вовочкина правда», «Правда Жириновского», «Неправда», «Антисоветская правда», «Свадебная правда» ды лия газетатне.

– Россиядо башка кодамо масторонь газетат улить коллекциясонк?

– Омбо масторонь газетатнеде коллекциясон истя жо ламо. Те Англиясто, США-сто, Шри-Ланкасто, Афганистансто, Австралиясто, Болгариясто, Монголиясто, Румыниясто, Израильстэ, Германиясто, Нидерландыстэ, Австриясто ды лия масторсто газетатне. Чарькодеви, соцлагерень мастортнэсэ истят газетатне лисильть СССР-нть влияниянзо вельде. Невтемга, Монголиясо лиснесть овсе истят жо газетат, кода СССР-сэ. Тесэ лиснесть «Правда», «Молодежная правда», «Пионерская правда» газетатне.

Капиталистической мастортнэсэ «правдатне» нолдавильть лия тематикань коряс. Неть ульнесть христианской газетат, или мекевланк, бульварной пресса, ютксост вастневсть мик нацизмань газетаткак.

Коллекциядон ней уш ламот содыть. 1993-це иестэ сон совавтозель «Гиннесэнь рекордонь книгань» рузонь изданиянтень.

– Александр Васильевич, мейсэ явовить икелень «правдатне» неенсетнень эйстэ?

– Мон пек вечкан ловномо эрьва кодамо иень газетатнень, эйсэст вадрясто неяви те эли тона шкась. Невтемга, Гражданской войнань шкатнестэ газетатне печатавильть эль неявиця краскасо, лиясто пек берянь конев лангсо. 1920-це иень сентябрянь 23-це чинь Челябинскоень «Советской правдась» нолдазель папиросань конев лангсо. Се шкастонть газетатнесэ печатавильть фронтсто кулятне, вачочиде ды тифтэ информациясь. Ине Отечественной войнань иетнестэ эрьва газетась – те фронтсо ды тылсэ ломантнень подвигтест вишка история. Вадрясто тень невти 1941-це иень ноябрянь 14-це чинь «Ленинградской правдась». Ошонть эрьва ендо лепштизь фашисттнэ, ансяк эрямось мольсь ды газетась сермадсь тосонь эрямодонть, кона пештязель сэредькстэ ды теке шкасто изнямонтень кемемасо. «Правдась» сестэ ульнесь прявт газетакс, секс фашисттнэяк оккупировазь таркатнесэ пропаганданть туртов кармасть нолдамо истямо жо лем марто газета.

Пек тукшныть мелезэнь Юрий Гагаринэнь 1961 иень апрелень 12-це чистэ космосов лиявтямодонзо мейле лисезь газетатне. Сынь пештязь а евтавикс кеняркссо ды каштанчисэ минек масторонть кис. 1960-це иетнень газетатнесэ кода зярдояк маряви вандынь чинтень кемемась, раськетнень ютксо ояксчись. Истямо валдо ойме ежонь кандыця газетат лия шкатнестэ уш а вастневить. Газетатне – те эрьва масторонть эрямонзо тешкс. Ней Россиясь таго печти а шожда шкатнень. Мон арсян «Правда» валось газетань лемсэнть седеяк ламонтень кармавты журналистэнть. Бути те алкуксонь журналист, сон свал бажи евтнемс видечинть, правданть.

– Александр Васильевич, ламо кадовсть газетат, конатне зярс арасть коллекциясонк?

– Икеле СССР-сэ эрямось ульнесь седе стабильной, коллекционированиясь ульнесь ламотнень вечкевикс тевекс, газетань пурныця ломантнедеяк ламольть. Ней эйстэдест ков седе аламо, секскак газетатнень вешнемс кармась седе стака.

Мон содан, СССР-нь эрьва кодамо регионсо лиснесть 60 «Ленинской правдат», эйстэдест ансяк 29. Ламот газетатнень мон зярс вешнян. Кодаяк а понгить тень «New Zealand Truth» Новой Зеландиясо лисиця ды Бразилиянь «Verdade» газетатне. Ансяк эряви видькстамс, седе сеедьстэ газетатне муевить. Вана «Эрзянь правдаськак» эзизе кадо мельтеме энялдомам ды ней монь улить газетанк од номертнэ. Кеман, коллекциям карми келейгадомо седе товгак.

Ю.Камаева

 

Новости

Партийцы провели мониторинг реконструкции здания детсада и парковой зоны в селе Большие Березники
Ремонтные работы проходят в рамках партийных проектов «Новая
школа» и «Городская среда»
В 2019 году на ремонтные работы и строительство дополнительного
корпуса к Большеберезниковскому детсткому саду «Теремок» выделено
около 53 миллионов рублей в рамках партийного и национального
проектов. Всего в районе 424 ребенка дошкольного возраста, в райцентре
Большие Березники проживает 326 детей. В электронной очереди на
получение мест в дошкольном учреждении стоят 77 ребят. В Больших
Березниках ждут открытия реконструированного детского сада с
нетерпением. Окончание работ запланировано на 31 октября. Депутат
Государственного Собрания республики Александр Акайкин,
представители районной администрации ,местного отделения партии
остались довольны качеством проведенных работ. Строящийся новый
корпус детского сада рассчитан на 60 мест. Здесь будут размещены
ясельные группы. Уже практически закончены строительно-монтажные
работы.
Подробнее ...
 
В День физкультурника в спортивных сооружениях Мордовии прошли Дни открытых дверей
День физкультурника широко отпраздновали в Саранске и районах республики. В этот день в физкультурно-оздоровительных комплексах и бассейнах, построенных в рамках реализации федерального партийного проекта «Строительство физкультурно-оздоровительных комплексов» в Республике Мордовия прошли спортивные праздники.


 
Подробнее ...
 
«Почти половина россиян готова проголосовать за "Единую Россию"
По сообщению  информационного агенства  ИНТЕРФАКС - "Единая 
Россия", КПРФ и ЛДПР прошли бы в Госдуму нового созыва в случае, если 
бы парламентские выборы проводились в ближайшее воскресенье, 
свидетельствуют данные опроса "Левада-центра", поступившие в 
"Интерфакс".
Согласно результатам социологического исследования, среди 
участников опроса, готовых отправиться в этот день на избирательные 
участки и определиться с партией, за которую хотят голосовать, 44% 
респондентов отдали бы предпочтение партии власти.
Подробнее ...
 
«Единая Россия» поддержала создание в каждом федеральном округе учебных центров для волонтеров
В каждом федеральном округе России при поддержке «Единой России», МЧС
России и Министерства просвещения появятся учебные центры для волонтеров.
Они помогут им получить необходимые знания и умения для оказания
эффективной помощи людям во время чрезвычайных ситуаций (ЧС). Об этом
заявил секретарь Генсовета «Единой России», вице-спикер Совета Федерации
Андрей Турчак во время посещения учебного центра Всероссийского
студенческого корпуса спасателей (ВСКС) в Москве.
Подробнее ...
 
Локомотивы роста: В ходе семинара обсудили расширение доступа субъектов малого предпринимательства к закупкам крупнейших заказчиков
В Торгово-промышленной палате при поддержке рабочей группы проекта
«Единой России« «Локомотивы роста» состоялось заседание, в ходе которого
обсуждались возможности расширения предпринимательства к закупкам крупнейших заказчиков. На встрече обсудили
меры финансовой поддержки субъектов МСП, способы их участия в закупках,
систему информационного обеспечения и контроль деятельностью.
«Сейчас для нас одной из главных задач является развитие промышленного и
высокотехнологичного малого и среднего бизнеса. Для этого нужно помочь
предпринимателям участвовать в закупках, в том числе и через механизм
лизинга», - сказал координатор партийного проекта «Локомотивы роста» в
республике Юрий Левашкин.