Рубрикатор

Культура "Корты ды невти Мордовиясь"
"Корты ды невти Мордовиясь"

Мордовиясо телевидениянть касомазо ушодовсь 1956 иестэ любительской телецентранть панжомаднзо мейле. Февралень 24-це чистэ ютавтовсь васенце ТВ-трансляция Саранскойсэ, Рузаевкасо, Ромодановасо. Вете иень ютазь, 1961 иестэ, Саранскойсэ стявтозель антенна марто 198 метрань сэрьсэ васенце ретранслятор ды макетно-дикторской студия. Се шкастонть саезь кармасть невтневеме телепередачат, конат 50 иеде ламо кенярдовтыть ваныцятнень эрьва кодат программасо. Те одксчись куроксто совась эрямос. Ансяк телевизорось сестэ ульнесь чуросто вастневицякс, питнеекс ды аволь эрьвантень сон рамавиль. Аламонь-аламонь телевидениясо появакшнось од техника, редакциясо паролгавтовсть важодемань условиятне. 1963 иестэ саезь республикань эрицятне кармасть ваномо центральной телевидениянь 1-це программань передачатнень. 1965 иестэ ушодовсь прямой трансляциянь ветямось. Ламот оштнес ды велетнес сась телевидения. Ды 60-це иетнень прядовомсто телевизор ульнесь малав эрьва кудосо. 80-це иетнень самс Саранскоень ТВ-центрас кармасть пачкодеме Московсто 3-це ды 4-це телеканалтнэнь передачатне.

1978 иестэ телевидениянь ды радиовещаниянь коряс Комитетэсь лемдязель МАССР-нь Государственной комитетэкс, 1992 иестэ сонзэ лувсо панжозель «Мордовия» ГТРК-сь. 1979 иестэ тевс нолдазель аппаратно-студийной од комплекс, конань вельде кармасть теевеме эрьва кодамо тюсонь передачат ды программатне сермалевсть пленка лангс. Ноябрянь 5-це чистэ республикасо ютась эрьва кодамо тюсонь васенце передачась.

Ламот программатне алтазельть масторонть ды республиканть эрямосо покш событиятненень, литературань ды искусствань деятельтненень, трудонь ды войнань геройтненень. ТВ-со снимасть фильмат ды киноочеркть, путнесть спектаклят эрзя-мокшонь сермадыцятнень произведенияст коряс. Ваныцятне пек вечкилизь истят программатнень, кода: «Вечерний час», «Высота», «Сельские зори», «Ровесники, ровесницы», «Песни Суры и Мокши», «Земля родная», «Искусство». «Мне люди песню подарили», «Чудак из Подлесной Тавлы» фильматнень, конатнень снимизь режиссерось И.Ф.Кузьмин ды операторось В.А.Иванов.

Неень шкане малав весе Мордовиянть келес важоди кабельной телевидения. 2002 иестэ республикасо панжовсь «Телесеть Мордовии» каналось. Покш мель явовсь информационной вещаниянтень. Чизэнзэ эфирсэ зярыяксть невтевить «Мордовиянь кулятне». Ламо иеть сынст ветясь И.В.Долгова.

Покш путовкс телевидениянь касомантень путсть радиотелецентрань прявттнэ Н.С.Федотов, Б.Н.Федотов; главной режиссертнэ В.И. Карпов, В.С.Брыжинский; режиссертнэ А.И.Переслеин, И.Ф.Кузьмин; диктортнэ В.М.Живаев, А.П. Исаева ды лият. Сынь ламо иеть важодсть телевидениясо ды эсь содамочист ды опытэст макссть одтнэнень, конат неень шкане поладызь тевест. Ламо иеть «Мордовия» ГТРК-нь прявтсо важоди С.И.Десяев. Телерадиокомпаниясонть ули «Сияжар» редакция, конась аноксты передачат эрзянь ды мокшонь кельсэ. И.Д. Воронин лемсэ краеведениянь музеесь свал кирди кеме сюлмот телевизионщиктнень марто.

Н.Зараева,

И.Д.Воронин лемсэ музеень секторонь прявт

 

Новости

Кудотнень перька таркатне паролгавтовить

Пондельникстэ ошонь прявтось П.Н.Тултаев ютавтсь Саранскоень районтнэнь прявттнэнь марто промкс, косо кортамось мольсь кудо вакссо таркатнень паролгавтомадо. Ленинской районсо 32 кудотнень перька тевтне топавтозь весе. Экономиянть вельде паролгавтозель эштё С.Разинэнь куросо 33№ кудонть вакссо таркась.

Подробнее ...
 
Кулят ошонь Администрациясто

Саранскоень мэрэнтень пшкалить ошонь эрицятне, конат ацирьгалить гаражтнень ды утомтнень яжамост коряс. «Весе утомтне-гаражтне стявтозь аволь закононь коряс, каладот, наксадот, сынст эрявить калавтомс! Неть таркатнесэ антисанитария. Веенст энялдыть яжамс сынст, лиятне – молить каршо. Саемга, 20№ гимназиянть вакссто кармасть усксеме аволь закононь коряс стявтозь гаражтнень. Ломантне кортыть, гаражтнень сайсынк ды тарказост стявттадо ламо этажонь кудо. Кодаткак кудот те таркасонть а улить! Гаражтнень таркас ладить эйкакшонь налксемань таркат ды парковкат. Ней прядови 20№ гимназиянть вакссо стадиононь стявтомась, перьканзо таркась истя жо паролгавтови», – мерсь Петр Тултаев.

Подробнее ...
 
Плотников: Фермеры смогут жить на своей земле, а не ездить каждый день туда как на работу

 Госдума приняла в первом чтении законопроект, который разрешает фермерам строить дом для себя на своей земле сельскохозяйственного назначения. Законопроект меняет порядок строительства жилых домов в КФХ. Такое заявление сделал координатор партпроекта «Единой России» «Российское село», депутат Государственной Думы Владимир Плотников.

Подробнее ...
 
Андрей Макаров: Проект бюджета гарантирует выполнение государством всех социальных обязательств

    Внесенный Правительством РФ проект бюджета гарантирует выполнение государством всех социальных обязательств. Об этом заявил председатель комитета Госдумы по бюджету и налогам Андрей Макаров в ходе выступления от фракции «Единой России» на пленарном заседании нижней палаты парламента. 

     - Гарантированное выполнение государством всех социальных обязательств - это важнейшая задача бюджета, которую внесенный Правительством проект, безусловно, решает», - заявил Макаров, отметив, что «Единая Россия» вместе с Правительством РФ в рамках нулевого чтения прорабатывала проект бюджета, чтобы решить задачи, поставленные Президентом России Владимиром Путиным. 

        Он обратил внимание на то, что фактические доходы в 2019 году составили 19,969 трлн рублей, превысив прогноз на 22%. «Это показатель того, в каком состоянии находится наша экономика», - отметил парламентарий. 

Подробнее ...
 
Валдонть кисэ – социальной норма

Россиясо тагояк электричестванть кисэ арсеви совавтомс социальной норманть, зярдо кемекстазь лимитэнть велькска ютавтоматнень сави пандомс седе покш тарифень коряс. Минэнергонь ды Минэкономикань сентябрянь 19-це чистэ ютавтозь промкссонть те схеманть кемекстызе вице-премьерэсь Дмитрий Козак. Ведомстватненень жо документэнь проекттнэнь анокстамат 2019 иень якшамковонтень.

Подробнее ...