Рубрикатор

Культура Тиринь раськень искусствань содыця
Тиринь раськень искусствань содыця

Меельце шкастонть аламо кие корты ды сермады сетнеде, кить алтызь эрямост Мордовиянь народной театральной искусствань тонавтнемантень ды сонзэ виевгавтомантень. Эрзянь ды мокшонь раськенть Россиянь лия раськетнень марто вейсэндявомань 1000 иетнень топодемадонть икеле ули меленек евтнемс ломанденть, кона 40 иеде ламо важоди эрзя-мокшонь раськень культуранть, искусстванть, образованиянть лезэс. Те – Василий Сергеевич Брыжинский. Те ломаньсэнть вейсэндяви весемесь: драматург, фольклорист, театровед, режиссер, педагог, искусствоведениянь кандидат, доцент, культурань заслуженной роботник.

Сон анокстась 150 ламо научной важодемат, ютксост монографият ды учебной пособият. Седе ламотне алтавить эрзя-мокшонь раськень искусствантень.

Чачсь Василий Сергеевич 1934 иестэ Кочкурбуе енксонь Новая Тягловка велесэ. Школань прядомадо мейле тонавтнесь Мордовской учительской институтсо. Прядомадонзо мейле важодсь велень школасо. 1958 иестэ аравтозель ВЛКСМ-нь Мордовской обкомонь школань отделэнь инструкторокс.

1964 иестэнть саезь эрямозо тусь лия киява – Василий Сергеевич сюлмизе важодеманзо раськень искусстванть марто. Сон роботась Мордовиянь гостелерадионь режиссерокс, 1973 иестэ кармась гостелерадионь прявт режиссерокс. Василий Сергеевич ульнесь сетнень ютксо, кить тейсть Мордовиясо профессиональной телевидениянть, национальной театранть, конасонть путозельть эрзя-мокшонь писательтнень произведенияст коряс спектаклят. Те ульнесь редявикс событиякс республиканть культурной эрямосо. В.С.Брыжинский ульнесь малав весе неть постановкатнень сценаристэкс. Теде башка, сон – искусствань кевкстематненень алтазь документальной фильматнень режиссер. Ютксост – «Край родной, Мордовия моя», «Академик живописи И.Макаров», «Родные напевы» ды ламот лият. Сценариензэ коряс путозельть «Умарина» ансамблянь концертной программат. Весе тенень лездасть содамочитне, конатнень сон саинзе театрань, музыкань ды кинематографиянь Ленинградской институтсто. Тесэ В.С.Брыжинский тонавтнесь театроведениянь факультетсэ.

1984 иестэнть саезь сон важодсь Н.П.Огарев лемсэ МГУ-нь этикань ды эстетикань кафедрань старшей преподавателекс. В.С.Брыжинский – университетэнь национальной культурань факультетэнь теицятнень ютксто вейкесь. 1991 иестэ кармась те факультетэнть деканокс. В.С.Брыжинский – ламо публикациянь ды книгань автор. «Народный театр мордвы» монографиязо пек лезды раськень кенярксчитнень анокстамсто. Истя жо сермадсь эрзя-мокшонь хореографиянтень ды раськень налксематненень алтазь книгат.

Василий Сергеевич – Мордовиянь Театральной деятелень союзонь член, МР-нь Государственной премиянь лауреат. Истя жо «Масторава» вейсэндявксонь член. Нейгак кирди кеме сюлмот театрань важодицятнень, национальной культурань институтонь ученойтнень, И.Д.Воронин лемсэ краеведениянь музеень важодицятнень марто. Лезды пурнамс ды тонавтнемс эрзя-мокшонь раськень театральной искусстванть коряс материалонть.

Н.Зараева,

И.Д.Воронин лемсэ

МРОКМ-нь секторонь

заведующей.

 

Новости

Комиссия «Единой России» по этике провела первое заседание
 Первое заседание утвержденной XVIII Съездом «Единой России» Комиссии
по   этике   прошло   16   января.   В   его   рамках   были   избраны   председатель
Комиссии, его заместитель и ответственный секретарь.
Подробнее ...
 
Россиянь Почтань 200 клиентт теевсть миллионерэкс

Государственной лотереянь статистиканть коряс, 2018 иестэ Россиянь Почтань отделенияс якицятне рамасть 68 миллиондо ламо лотерейной билетт. Вейке миллиондо ламо целковойть налксесть 206 ломанть. Те 2,4-ксть седе ламо икельце иенть коряс, сестэ миллионертнэде ульнесть 88 ломанть.

Подробнее ...
 
Управление Министерства юстиции Российской Федерации по Республике Мордовия напоминает порядок и сроки предоставления ежегодной отчетности некоммерческими организациями.

Законодательством Российской Федерации определена обязанность некоммерческих организаций ежегодно отчитываться перед уполномоченным органом. В частности, статьей 32 Федерального закона «О некоммерческих организациях», статьей 29 Федерального закона «Об общественных объединениях», статьей 25.1 Федерального закона «О свободе совести и о религиозных объединениях».

Подробнее ...
 
Крештениянтень анокстамот

Крештениянтень Саранскойсэ арсеви теемс экшелямонь туртов 11 тарка: «Старт» стадиононь эрькесэнть (2 таркат), Гончаровонь куросо, «Вирень эрьке», «Зелёная роща» эрькетнесэ, «Огни Саранска» кафенть маласо, Макаровкасо (Иоанн Богословской цёрань монастыренть вакссо), Куликовкасо Чапаевень куросо лисьмапрясонть, Полянки велень Юбилейной куросо аштиця лисьмапрясонть, Добровольной посёлкань Дачная куросонть, Иоанн Кронштадтскоень храмонь лисьмапрясонть ды Грузинской куросо аштиця эйкакшонь парконь эрькесэнть.

Подробнее ...
 
Конкурс на участие в образовательном модуле «Единой России» «Политический лидер» составил 43 человек на место

«Прием заявок на участие в образовательном модуле «Политический лидер» Высшей партийной школы «Единой России» завершен. К настоящему моменту поступило и уже обработано модераторами более 8,5 тыс. анкет, из них было одобрено 6,5 тыс. Таким образом, конкурс на участие в стартовом модуле проекта составил 43 человек на место», – сообщила первый заместитель секретаря Генерального совета «Единой России», депутат Госдумы Ольга Баталина, подводя итоги заявочной кампании, завершившейся 15 января. До 22 января пройдет следующий отборочный этап – запись трех видеорезюме и с 22 января по 1 февраля участники должны будут пройти отборочные тесты.

Подробнее ...