Рубрикатор

Культура Кемемань кизэ эрьванть эсензэ
Кемемань кизэ эрьванть эсензэ

Исяк, январень 19 чистэ, тешкставсь православиянь покшчитнестэ вейкесь – Крещениясь. Те кенярксчистэнть Иоанн Креститель (Предтеча) лемдизе Иисусонь Иордан лейсэнть. Мордовиянь весе храмтнесэ ютавтовсть покшчинтень алтазь службатне. Течи ловныцянок туртов евтнетяно Феодор Санаксарскоень храмдонть, косо вень службась истя жо прядовсь светязь лисьмапрясо экшелямосо.

…Эрьва ломаненть эсензэ кизэ Пазонтень кемеме ушодомастонть. Кинь-бути оймес те валдо тештесь кирвази эрямосонзо зыянонть лисемстэ, кажос понгомсто, малавиксэнзэ емавтомсто. Храмс ламот юткстонок совить сестэ, зярдо тенек пек стака, ознотано, энялдтано Пазонть икеле, тевенек лисемадо мейле таго сондензэ стувтано…

Но улить ютксонок ломанть, конат уш чачить мастор лангс кемема марто. Истятнэнь ютксо Саран ошонь Феодор Санаксарскоень лемсэ храмонь настоятелесь, протоиереесь отец Георгий. Сон чачсь-кассь Торбеевань енксонь Салазгорь велесэ, Пазнэнь кемиця семиясо. Кавонест покштятнень тетяст, Борис ды Павел, ульнесть протоиерейть. Сынст малавиксэст Иоанн Сельманов репрессиянь иетнестэ маштозель Антоний попонтень штатолонь теемань кисэ. Пазнэнь кемеманть ды чумовтомо маштоманзо кис сон совавтозель святойтнень юткс. Ликензэ марто Пазавась ванстови отец Георгиень семиясо ды Ушаковонь лемсэ соборсонть.

Отец Георгиень эйкакш пингень весе ледстнеманзо сюлмавозь храмов якамонть, молитвань кунсоломанть марто.

Аванзо ендо Ольга бабазо пек кемицяль, храмсо ульнесь приходской советэнь старостакс. Сон сеедьстэ сайнесь службас нуцьканзо. Церынесь вишка пингстэ тонадсь храмсо тевень топавтомо, кода маштсь лездась храмонь настоятелентень отец Дмитрийнень (малавикс раськензэ туртов).

Шкань ютазь Варсонофий Владыканть баславамонзо коряс сыргась тонавтнеме Саратовань духовной училищав, конань прядызе якстере диплом марто. Седе тов заочна тонавтнесь Московонь академиясо, кона теезь Троице-Сергиевской лавранть юрсо. Вана уш кавксо иеть тонавты древнегреческой келентень духовной училищасо. Сон парсте содасынзе греческой ды немецень кельтнень.

Саран ошонь «Ремзавод» поселкань куншкакуросо аш тиця Феодор Санаксарскоень лемсэ храмонть теемензо ушодсть кемень иеде икеле. Те таркась кочказь а стяко, ванстовозь умонь документтнэнь коряс те енксонь эрицятнень ульнесь эсест храмост. Масторонть туртов стака шкатнестэ сон нардазель тиринь моданть лангсто, кода ламо лия церьковатне. Советской шкатнестэ те зданиясонть ульнесь шлямонь-муськемань комбинат. Вейксэньгеменце иетнестэ сон теевсь киненьгак а эрявиксэкс. Паряк, ловныцятнень ютксто кияк мери, кода истя, икеле тесэ ульнесь баня, а ней храм. Тень коряс виде толковамо макссь ламонь содыця старецэсь отец Иероним: «Икеле тесэ ломантне ванськавтсть рунготнень, ней – ойметнень…»

Те храмонть теемс-кепедемс Саранскоень ды Мордовиянь Митрополитэсь Варсонофий баславизе 23 иесэ отец Георгиень (мирсэ Георгий Коченовонь).

Ушодксось а шождаль. Кавто этажсо кадозь зданиясь ульнесь вальмавтомо-кенкштеме, вельтявкстомо-киякстомо. Ярмакт арасельть, савсь ламонть теемс эсь вийсэ. Васняяк эрявсь ванськавтомс икелень азортнэнь мельга кадовозь стака оборудованиядонть. Паро, батюшкантень васень читнестэ муевсть лездыцят: неть И.С.Красновид, А.С.Пичуричкина, А.Н.Шишонкова, Л.П.Пискунова, З.И.Селезнева, З.В.Кафтайкина, А.Д.

Суровой, А.Я.Краснова. Сынь отец Георгий марто вейсэ шкань, виень апак вансто сайсть кедезэст ломт, кувалдат ды ушодсть важодеме. Седе тов штукатурясть, артсть, кодат строителень тевть ансяк эзть топавто. Кода кортыть, масторлангось паро ломанде пешксе. Церьковав сакшныцясь Виктор лездась храмонтень ведень, газонь ветямосо. Потмонть мазылгавтомасо покш путовксозо эште вейке сырнень кедь ломаненть. Те кедьчелькев ломанесь мазылгавтызе эрьва Пазаванть, иконостасонть. Отец Георгиень валонзо коряс, храмсо уликс весе Пазаватнень рамизь тов якицятне, секс эрьванть удало коневс сермадозь сонзэ азоронть лемесь.

Вишкинетнень ды школасо тонавтницятнень туртов тесэ ули недлячинь школа. Эрьва недлячистэ школань прявтонть ды церьковань хоронь регентэнть А.И.Родькина марто эйкакштне тонавтнить рузонь православной церьковань историянть, церьковасо моравтомо.

Неень шкане масторсонок ламо кортави семиятненень, эйкакштненень мелень явомадо, алкуксонь ломанень кастомадо. Ули кемема, сеть эйкакштне, конат течи тонавтнить Пазонть кармавтоматнень, зыянс пряст а каясызь.

Валентина Юдина

 

Новости

«Единая Россия» будет добиваться придания захоронениям участников боевых действий статуса «воинских захоронений»

Партия «Единая Россия» займется созданием реестра захоронений ветеранов боевых действий и придания им статуса «воинских захоронений». Это позволит сохранить память о тех, кто защищал интересы нашей страны в ходе боевых действий, не допустить повторного захоронения в этих местах. Об этом заявил секретарь Генерального совета Партии Андрей Турчак на встрече с членами Всероссийской общественной организации ветеранов «Боевое братство», которые обратились к нему с соответствующей просьбой.

Подробнее ...
 
Турчак об ответственности членов «Единой России», обновлении рядов и партийной учебе

Люди ждут от власти взвешенной и справедливой позиции, а самое главное – конкретных действий и решения проблем и честных поступков. Бездумно сказанное слово воспринимается людьми как оскорбление и бьет по репутации власти в целом, заявил секретарь Генерального совета «Единой России» Андрей Турчак в своем интервью «Известиям».

Подробнее ...
 
Терминалтнэ кармасть «кортамо» эрзякс

Ютазь иень декабрянь меельце читнестэ Сбербанконь Мордовиянь отделениянь офистнэс совицятне дивавтозельть вейке ёнкссонть: терминалтнэсэ, конатне максыть обслуживаниянь талонт, информациясь кармась невтевеме аволь ансяк рузонь кельсэ – эрзянь кельсэяк. Лямбирь велень Сбербанконь офиссэ жо панжовсь приложения татаронь кельсэ. Минек республикань эрицятненень истямо од лувось пек вечкевсь. Кода кортыть банконь сотрудниктне, те оштё вейке вишка эскелькс Сбербанконь социальной проектэнть топавтомасо, конась бажи ванстомс Россиянь раськетнень ёмиця кельтнень.

Подробнее ...
 
«Школа грамотного потребителя» поможет жителям Мордовии обезопасить себя при использовании бытового газа

Партийный проект «Единой России» «Школа грамотного потребителя» подготовил комплекс мер по безопасному использованию газа в быту. Об этом рассказал координатор проекта, руководитель «Центра общественного контроля в сфере ЖКХ Республики Мордовия» Алексей Кливер. 

Подробнее ...
 
«Единая Россия» привлечет депутатов к контролю за каждым объектом в рамках реализации нацпроекта «Безопасные и качественные автомобильные дороги»

«Единая Россия» закрепит за каждым объектом, на котором ведутся работы в рамках реализации национального проекта «Безопасные и качественные автомобильные дороги», конкретного депутата, чтобы отслеживать выполнение работ и расходование выделенных на них средств. Об этом сообщил в рамках правчаса в Государственной Думе зампредседателя комитета Госдумы по транспорту и строительству, координатор партийного проекта «Безопасные дороги» Владимир Афонский.

Подробнее ...