Рубрикатор

Культура Н.Зорков: «Бажан снимамс эсень фильма»
Н.Зорков: «Бажан снимамс эсень фильма»

Мордовиясо сон – аволь ве ендонь сазь инже. Николай Зорков тескень, лиссь эрзянь раськестэ, чачсь Отяжбуень Ламбаське велесэ. Истя лиссь, овсе вишкинель, зярдо семияст сась эрямо Саранскоев. Тонавтнесь 13 № школасо. Сестэ уш седейсэнзэ сыремсь театрантень вечкемась. Налксесь спектаклясо, сценкасо, ловнось стихть, пелькстась творческой эрьва кодамо смотрасо, фестивальсэ.

Те ерокчинть редизь кода школасо, истя кудосояк. Эсензэ туртовгак кевкстемась, ков туемс школадо мейле, эзь аште пштистэ. Умок уш эсензэ превс саизе, мезекс карми улеме, ды сеске школадо мейле тусь Московов. Ней Николай Зорков содавикс кода писатель, драматург, сценарист, кинорежиссер. Киносояк снимсевсь. Маласо шкасто Армен Джигарханянонь театрасо арси путомс эсензэ пьесанть коряс «Каждому свое» спектакля. Те васенце покш роботазо, конасонть сон режиссергак, авторгак.

 

Аволь умок Николай Федорович сакшнось Саранскоев. Минь вастовинек мартонзо ды сон покш мельсэ евтнесь эрямодонзо, творчествасо бажамодонзо.

– Николай Федорович, школань прядомадо мейле пек покшоль бажамонк молемс тонавтнеме Щепкинэнь театральной училищав? Эдь сеть шкатнестэ стакаль тозонь понгомс?

– Видьстэ мерян, васенце снартомась эзь лезда. Пирявтокс тень аштесь рузонь келесь, конань мон, комиссиянть ловоманзо коряс, содылия пек беряньстэ. Олег Табаков (сон сестэ ульнесь комиссиянь члентнэнь ютксо) экзаменэнь максомадо мейле кевкстимим натой, тон, келя, кодамо масторсто сыть? Теке тувталонть коряс эзинь юта театральной лия вузтнэскак.

Велявтынь мекев Мордовияв. Васня таго-зярс тонавтнинь Орданьбуень культпросветучилищасо, мейле прядынь курсат ДОСААФ-со. Ветнинь машинат васня Саранскойсэ, мейле – армиясо. Служинь Серпухов ды Ульяновск оштнесэ.

Служамодо мейле эринь Серпуховасо, косо поладокшныя машинань ветницянь тевенть вейке строительной организациясо.

Зярдо оймесэнть палы творческой сяткине, сон зярдо а зярдо кирвази седеяк пек. Истя ульнесь мартонгак. Седеем бажась улемс тосо, косо весемесь тень марявсь малавиксэкс ды вечкевиксэкс. Мезес ансяк эзинь кундсе – ансяк бу малавгадомс сценантень. Ве шкане натой яксинь киштемань студиявгак. Секе шкасто сермадстыя прям Химкисэ культурань институтонь режиссерской факультетсэ подготовительной курсатнес. Курок саимизь театральной вейке вузонь чинь отделенияс. Бажамон, окойники, топавтовсть.

– А кода ушодыде киносо снимавомо?

– Васенце ролем ульнесь «Серебряное ревю» фильмасонть. Налксинь истят артисттнэнь марто, кода Ольга Битюкова, Александр Ширвиндт, Константин Кошкин, Евгений Герасимов.

Мейле седеем педясь истят фильматненень, косо тейнить эрьва кодат трюкт. Текень кисэ карминь яксеме каратэнь секцияв. Курок карминь снимсевеме трюковой фильмасо. Эряви меремс, те тевесь аволь шождатнестэ. Эрьва трюконтень эряви анокстамс аволь вейке чи. Сестэяк аволь свал тевесь лиси сеске ды парсте. Зярдояк а стувтса, кода весть (те ульнесь «Не ставь лешему капкан» фильманть снимамсто) лишме лангсо ласте савсь кирнявтомс сэрей пандо прясто ведьс. Терявтнинь тень теемс кавксть. Монь марто мезеяк эзь лисе, алашанть жо савсь калмамс.

Вере текшсто таго савкшнось тень «кукольдемс», зярдо снимасть Ю.Гусманонь «Не бойся, я с тобой!» фильманзо (те ульнесь Азербайджансо). Тосо налксинь тюрьмасо аштицянь роль. Сехте покш ролесь максозель Лев Дуровнень.

Эрямосо лиякстоматне полавтызь моньгак уцясканть. Лиятнень лангс ванозь, прям эция предпринимателень тевентень. Фирмасонть, косо важодинь, весемесь васня мольсь а беряньстэ. Ансяк истя ульнесь а кувать. Курок фирмась «каладсь».

Теде мейле кувать эзинь са ежос. Паро, ялгатне эзимизь кадо. Вейкесь тердимим Прагав. Кувать апак арсе, туинь.

Тосояк эрямось аволь сеске тусь валанясто. Васня вейке ресторансо пенчть-вакант шлинь, мейле путымизь залонь администраторокс. Лангс ваномс, эрямом совась эсензэ лувс. Ансяк теньсэ мелем эзь витеве. Седеесь таго тердсь киноискусствантень. Таго лездасть ялгатне. Евтасть тень мель варчамс вием Прагань вейке киностудиясо. Режиссертнэ редизь ерокчим ды кармасть тердтнеме фильмасо снимамо. Вейке истямо ролесь нейгак кармавты талномо седеем. Те – Юрку Милановичень (сон серб, но ловови германской режиссерокс) фильмасо церанть-югославонть рольсэ налксемась.

Чехиясо налксинь ниле картинасо. Актеронь тевтнеде башка, тонавтнинь искусствань Прагань академиясо. Тосо тонавтсть эйсэнь истят содавикс режиссертнэ, кода Иржи Дворежек ды Милош Форман.

Теде башка, снимсевинь 40 сериясо «Возвращение Мухтара» картинасонть (налкси 13 сериясонть, конань лемезэ «Троянский конь»). Оли Масарыгинэнь «Жена Сталина» фильмасонть налксинь немецень докторонь рольсэнть.

– Кинорежиссеронь тевсэнтькак варчинк эсь виенк?

– Эште Прагасо покшоль мелем снимамс эсень фильма. Весемесь уш аноколь, лемезэяк арсезель – «Лихорадка свободы». Эйсэнзэ евтнемась моли кавто церадо, конатненень савсь печтямс ламодояк ламо стакачить. Сценариень сюжетэсь саезь эрямосто. Весть Стокгольмсо кафесэ аштемстэ неинь цера, кедьсэнзэ кирдсь газета, конань лемезэ сермадозель латинэнь буквасо – «Кудо». Теевинь мартонзо содавиксэкс. Сон эрзяль. Седейшкава кортамсто евтнизеяк те историянть кавто цератнеде.

Меленть, снимамс фильма, шнызь Прагань вейке киностудиясо, алтасть тень лезкс. Тевесь сыргамо лангсоль. Тесэ вейке кинофестивальсэ вастовинь «Кинотавр» студиянь президентэнть Марк Рудинштейнэнь марто. Вейсэ улемстэ евтнинь тензэ эсь бажамодон. Сень мельс тусь проектэсь ды сон тердимим Россияв. Тесэ жо кияк эйсэнь эзь учо. Эсь валонзо стувтынзе алтыцяськак. Истя бажамом кадовсь апак топавто. Мейле зярыя иеть «Южное Подмосковье» телевидениянь диктортнэнь туртов ветинь занятият, кода эряви путомс вайгеленть.

Арсян, паро бу Мордовиясо панжомс киностудия. Те пек вадря тевесь. Ансяк топавтови сон те тевсэнть парсте чарькодиця ломаннень. Шабра республикатнесэ умок уш моли важодема те енкссонть.

– Кодат арсеманк сы шкантень?

– Мон сермадынь «Каждому свое» пьеса. Арсян корязонзо путомс спектакля. Те меленть кирдизе содавикс режиссерось Армен Джигарханян. Маласо шкасто сермадстан мартонзо контракт ды те постановканть путсынек сонзэ театрасонть.

Л.Адмайкина

 

Новости

В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...
 
В Лямбирском районе поздравили старейшего члена Партии Николая Парамонова
 
Сегодня старейшему члену Партии «Единая Россия», жителю Лямбирского района Николаю
Андреевичу Парамонову исполнилось 88 лет. В Лямбирском местном отделении Партии
собрались гости, чтобы поздравить партийца с праздником.
Первый заместитель руководителя Мордовского регионального исполнительного комитета
Партии «Единая Россия» Евгений Миронов горячо поздравил Николая Андреевича и вручил
партийцу памятный подарок.


В этот день прозвучали поздравления в адрес Николая Парамонова от Секретаря Лямбирского
местного отделения – Александра Сесорова, члена республиканского политического совета –
Татьяны Терентьевой.
Подробнее ...
 
В Саранске проходит акция «Теплые окна»


Акция организована Региональным отделением «Единой
России» и активистами Молодой Гвардии. Она проходит
ежегодно в рамках месячники пожилых людей.
С начала октября представители молодежного крыла Партии
посетили более 10 адресов, утеплили окна, провели уборку. 90
летняя Аза Мельник живет в частном доме, она была очень рада
молодым активистам и общению с ними. Более 50 лет Аза
Кузьминична отдала преподавательской работе в Мордовском
государственном университете. Ребята вымыли окна, убрались в
доме и в саду, получив удовольствие от проделанной работы.


Подробнее ...
 
Единороссы на дискуссионной площадке обсудили реформирование лесного хозяйства
На очередном
заседании Региональной дискуссионной площадки
Всероссийской политической Партии «Единая Россия» 3 октября
единороссы обсудили вопрос «Реформирования лесного хозяйства и
создания эффективной системы борьбы с лесными пожарами».
Первый заместитель Руководителя Регионального исполнительного комитета
Партии Евгений Миронов рассказал собравшимся, что предложение
пересмотреть нормативные правовые акты в сфере тушения пожаров в
регионах, в том числе по зонам контроля, прозвучало от Председателя
Партии, Председателя Правительства Дмитрия Медведева на совещании по
ситуации с лесными пожарами в Сибирском Федеральном округе и Партия
«ЕДИНАЯ РОССИЯ» поддержала данное решение.
Подробнее ...