Рубрикатор

Культура Пряст ловить пертьпельксэнь эйдекс
Пряст ловить пертьпельксэнь эйдекс

Якуттнэ лововить Якутиянь коренной раськекс. Якутонь келесь кандови тюркань кельтненень. Тень лангс апак вано, кельсэнть ламо монголизмат (малав 25 процентт), улить 10 процентэнь туросо валт, конатнеде кияк а соды косто сынь саевсть; седе тов келентень вейсэндявсть русизматне. 2010 иень сёрмадстоманть коряс Россиясо эрить 478,1 тёжа якутт, конатнень эйстэ 466,5 тёжатне эрить Якутиясо, истя жо Иркутскоень, Магаданонь областтнесэ, Хабаровскоень ды Красноярскоень крайтнесэ. Якутиясо якуттнэ лововить сехте покш раськекс (49,9 %), рузтнэде – 37,8 %.
Якуттнэ эсь пряст лемдить сахакс. Ули эштё сынст кезэрень лемест – уранхайть. Те лемесь седе сеедьстэ вастневи моротнесэ, торжественной кортамотнесэ ды олонхосо. Меельцесь ловови якутонь кезэрень эпической искусствакс. Сон зани прявт тарка якутонь фольклоронь системасонть. 2005 иестэнть ЮНЕСКО-сь яволявтызе олонхонть «ломанень устной ды аволь материальной наследиянь шедевракс».
Поэматнень, конатнень кувалмост 10 000-15 000 стихотворной строчкат, ёвтнить раськень ёвтницятне. Ёвтницятнень талантост эрьва ёндонь. Актёронь ды морамонь мастерствадонть башка, ёвтницятнень ули импровизациянь ды ораторонь искусствань талантост. Олонхось налксеви музыкань ильтямовтомо. Персонажонь кортамотне моравить эрьванть туртов башка тональностьсэ, меельце текстэсь ёвтневи нурька кортамосо. Олонхосуттнэнь валост коряс, сехте покш олонхотне моравсть сисем суткань перть (чить ды веть).
Ламот учёнойтне кортыть, келя, VIII-XII пингетнестэ якуттнэ састь Байкал эрькенть чирестэ Лена, Алдан ды Вилюй лейтнень чирес, косо сынь кой-кува ассимилировавсть, кой-кува панизь эвенктнень ды юкагиртнэнь, конат эрясть тесэ теде икеле. Якуттнэ коень коряс трясть-кастсть ракшат, сынст ульнесь покштояк покш опытэст стакадояк стака северэнь условиятнесэ трямс алашат, кундсемс калт, яксемс охотямо, виензамс ­­­­­­­­­­­­­­­­­­­­­­­­­миемань, кузнецень ды военной тевенть.
Кезэрень легендатнень коряс, якуттнэнь покштяст уильть ракшаст марто плот лангсо Ленаванть алов. Самай тестэ муизьгак сынь Туймаада долинанть, конась пек мольсь скалонь, ревень, букань трямонть туртов. Течи те таркасонть ашти неень Якутск ошось. Те таркасонть эрить сехте ламо ломанть. Долинанть лангсо ламодояк ламо эрькеть. Туймаадань западонь пелькссэнть ашти Чочур Муран пандось. Климатось тесэ континентальной. Легендатнень коряс долинасонть эрясть Эллэй Боотур ды Омогой Баай якуттнэнь сыре покштяст.
Археологиянь ды этнографиянь даннойтнень коряс, якуттнэ формировавсть югонь тюркань кельсэ кортыця переселенецтнэнь вийсэст. Арсить, келя, меельце якутонь покштятне састь Средней Ленантень XIV-XV пингетнестэ. Расань коряс якуттнэ кандовить азиатонь куншкакуронь антропологиянь типентень. Тюркань кельсэ кортыця Сибирень лия раськетнень коряс, сынь седе пек токазь монголоидэнь комплексэнть эйсэ, конась педе-пев формировавсь Ленанть лангсо минек пингень омбоце тёжань куншка видьгань иетнестэ. Кортыть, келя, якутонь вейсэнь покштясь эрясь тесэ 1300 иетнеде теде икеле. Арсить, келя, кой-кона якутонь группатне теевсть аволь пек умок, зярдо сынь човорявсть эвенктнень марто. Восточной Сибирентень молемстэ, якуттнэ кармасть эрямо Анабар, Оленёк, Ян, Индигирка, Колыма лейтнень чирева. Якуттнэ модифицировизь тунгустнэнь оленеводстванть ды теизь тунгусонь-якутонь оленень кильдемань типенть.
1620-1630 иетнестэ якуттнэ саезельть Рузонь государстванть алов. Xvii-xix пингетнестэ якуттнэнь прявт тевест – ракшань трямось, седе тов сынь кармасть сокамо-видеме; охотямо ды калонь кундамо. Эрясть якуттнэ чувтонь балагансо, кизна – урасасо. Оршамопелест стылизь ракшань кедьстэ ды понасто. XVIII пингестэнть якуттнэнь совавтызь христианствантень, тень лангс апак вано, ванстозель шаманизмаськак. Рузтнэнь вакссо эрямонь лувось ветинзе якуттнэнь христианонь лемтненень. Теде мейле якутонь кезэрень лемтне ёмавтозельть педе-пев.
Вилюйскойсэ ссылкасо аштемстэ Чернышевский якуттнэде сёрмадсь: «Ломантне парт ды аволь чаволат, паряк, натой европеецтнэдеяк превейть…» «Ломантне тесэ пек чевте седейть, малав весе сынь видечинь вечкицят: кой-конатне, ламос мезес ачарькодемачист ды асодамочист лангс апак вано, пек благороднойть».
Якуттнэнь хозяйствань ветямост, материальной культураст пек моли Куншкакуронь Азиянь ракшань трицятнень культураст лангс. Средней Ленанть лангсо эриця якуттнэнь хозяйствань моделест, калонь кундамонь, охотямонь лувост пек парсте адаптировазь Восточной Сибирень климатонтень. Теньсэ пек явовить мезеньгак лангс а молиця якутонь скалтнэ ды алашатне, конат пек парсте тонадсть эрямо кежейдеяк кежей, якшамодояк якшамо климатонь условиятнесэ. Якутиянь северсэнть пек келейстэ тевс нолдави кильдемань оленеводствась. Кезэрень шкатнестэ Якутиянь северэнь раськетне ливтизь кискань «породанть», конась лемдезель «Якутонь лайкакс». Истя жо келейстэ тевс нолдавить якутонь покш породань кискатне, конат явовить аксунтомочисэ.
Содазь, якутонь раськень морыцятне морыть кирьгапарьсэ. Музыкань седямопельтнестэ сехте содавиксэкс лововить хомусось – якутонь варганонь вариантось ды кырыымпась – струнань седямопелесь. Якутонь пеелесь ловови мезеньгак ёнов а молиця культурань феноменэкс.
Рузтнэнь самодост икеле, якуттнэ кемильть Айыы ламо пазтнэнень ды культивировасть шаманизманть. Якуттнэ пряст ловить пертьпельксэнь эйкакшокс. Якуттнэ эштё аваст потсо окружавить Иччисэ (духтнесэ) ды Айыытнесэ (пазтнэсэ), конатнень кедест ало сынь аштить. Те невтеви истямо аспектсэнть, кода эрьва чистэ якамонь костюмсонть. Якуттнэ пек ванстыть иневанькс таркатнень, пандотнень, чувтотнень, лейтнень. Кезэрень шкатнестэ якуттнэ калмсилизь эсест кулозтнень истямо лувсо: понгавтылизь кулозенть рунгонзо коштонтень секс, мекс бажильть максомс сонзэ коштонтень, духонтень, валдонтень, чувтонтень ды истя седе тов.
Якуттнэ эрьва иестэ тешкстыть «Ысыах» религиозной праздникест, лиякс меремс, кизэнь самонь кенярксчинть. Охотямсто эли калонь кундамсто якуттнэ андыть «Байанаенть» – пертьпельксэнь азоронть, толонть, путнить «Сэргэ», кунсолыть «Олонхо» ды «Хомусонть» гайгеманзо.
А.Е.Кулаковский якутонь сёрмадеесь ловсь, якутонь религиясь ульнесь прядозекс, идолтнэнень сюконямонть ды шаманизманть эйстэ аштесь ве ёно. Неень шкастонть Аар Айыы якутонь коень религиясь официальна регистрировазь Саха Республикава (Якутиява) РФ-нь Юстициянь министерствань Управлениясонть.
Тешкстасынек, православияс совавтомадонть мейле якуттнэнь появась эсест сёрмадомаст ды литератураст. XVIII пингестэнть малав весе якуттнэ теевсть православноекс. Ледстясынек, якуттнэнь христианизациясь налксесь формальной ёнкс; эйзэнзэ совамодонзо мейле ломантне куватьс эзть сода, мезе те истямось православиясь, христианстванть жо васняяк примилизь секс, штобу седе тов лавшомгавтомс ясаконть. Сетненень, кить совильть христианствантень, максовильть редявикс льготат.
Якуттнэнь национальной оршамопелест пек лади полярной климатонтень. Якутонь костюмось кемекставсь XVIII пингестэнть. Оршамопелентень совить эрьва кодат элементт. Пек мазыекс ловови верьга оршамопелесь, козонь совить эрьва кодат материалт: пона, сукна, парсей, ровдуга, кедь. Костюмось мазылгавтови орнаментэнь ставкссо, човалясо, кшнинь мазыйкасо ды понгавтомасо.
XVII-XVIII пингетнестэ якутонь оршамопельтне анокставильть кедьстэ, замшсто, понасто (кода алашань, истя скалоньгак). Понань кавто полосатне ставильть крайга, теевксэнть алга ды кедень ожатнева. Парсеень, понань материятне тевс нолдавильть отделканть туртов. «Дабы» китаень хлопкань-конёвонь коцтось тевс нолдавиль штапо рунгонь туртов оршамопельтнень стамост лангс. Нужачисэ эриця ломантне жо стыльть эстест панарт човине замшонь кедьстэ.
Якутонь оршамопелень сехте сеедьстэ тевс нолдавиця ставксокс лововить «оноолоох ды бууктаах» вельтявкстнэ, конат зярдо-бути саезельть рузонь военнойтнень ды масторланга якицятнень пельде. Истят ставкстнэнь улить эсест вакска аштиця пурнавксост-сормсевксэст. Неть пальтотнень кандтнильть кода цёратне, истя тейтерьаватнеяк. Цёрань пальтотнень стылизь кедьстэ эли дабыстэ. Неть пальтотнес путовильть бархатонь воротник ды манжетт.


 

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...