Рубрикатор

Культура РУЗТНЭДЕ МЕЙЛЕ ОМБОЦЕТЬ
РУЗТНЭДЕ МЕЙЛЕ ОМБОЦЕТЬ

Татартнэ – тюркань группань кельсэ кортыця раське, эрить Поволжьясо, Приуральясо, Сибирьсэ, Казахстансо, Средней Азиясо, Китаень СУАР-со ды Дальней Востоксо. 2010 иень сёрмадстоманть коряс Россиясо эрить 5310,6 тёжат татарт. Минек масторсонть ламочинь коряс рузтнэде мейле татартнэ аштить  омбоце таркасонть. Татарстансо эрицянь вейсэнь ламочинть эйстэ татартнэ саить 53,13 процентт. Татартнэ явовить колмо группас: равонь-уралонь, сибирень ды астраханень (кой-зярдо явить польшань-литвань татартнэнь).

Татаронь келесь кандови алтаень семиянь тюркань группань кыпчаконь подгруппантень ды явови колмо диалекттс: западонь (мишаронсесь), казанень (среднеенсесь) ды востоконь (сибиренсесь). Малав весе сынь мусульмант-суннитт, улить ютксост православнойть ды атеистт.

Ламо пингень историянть перть «татартнэ» валось а весть ёмавтокшнызе эсензэ этнонимензэ. Васенцеде «татарт» этнонимесь теевсь монголонь-тунгусонь-маньчжуронь плематнень кельсэ, конат VI-IX пингетнестэ якасть таркадо таркас – югонь-востоконть эйстэ Байкалонть видьс. XIII пингестэнть монголтнэнь-татартнэнь кедест алов саемадост мейле «татарт» лементь кармасть содамо Европасонть. XIII-XIV пингетнестэ те лемесь срадсь Евразиянь кой-кона народтнэнь лангс, конат совсесть сестэ Сырнень Ордантень.

Научной литературасонть улить татаронь этногенезэнь колмо теорият: тюркань-татаронсесь, булгаронь-татаронсесь, татаронь-монголонсесь. Сехте содавиксэкс пек куватьс лововсь булгаронь-татаронь теориясь. Неень шкастонть покш мельсаема терди тюркань-татаронсесь.

Тюркань-татаронь теориянть явить зярыя этапс. Васенцентень кандови этнической компонентэнь теевемась. Тесэ прявт талика налксить Равонь Булгариясь, Хазаронь каганатось ды половецтнэ. Те шкастонть самай теевитькак прявт компоненттнэ. Покштояк покш талика налксесь Равонь Булгариясь исламонь койтнень, ошонь культуранть ды арабонь графиканть юрсо сёрмадомань лувонть теемасо, конась полавтызе тюркань руниканть – кезэрень сёрмадомань лувонть. Татаронь келенть теемасо покш талика налксесть половецтнэ.

Омбоце этапось ушодовсь куншкапингень шкатнестэ, зярдо вейсэндявсть компоненттнэ, конат теевсть васенце этапстонть. Куншкапингетнестэ татартнэ теизь эсест государстваст, кемекстызь этнополитикань идеологияст, культураст ды эсест вейсэндявксонь символост. Весемесь те ветясь Сырнень Ордань аристократиянть, мусульманонь духовенстванть этнокультурань консолидациянтень ды XIV пингестэнть татаронь этнополитикань вейсэндявомантень. Те этапстонть Сырнень Ордасонть кыпчаконь келенть юрсо кемекставсть кезэрень татаронь келесь ды литературань келень норматне.  Этапось прядовсь Сырнень Орданть каладомадонзо мейле (XV пингестэнть). Татаронь ханстватнесэ уставасть кемекстамо од субэтносонь вейсэндявкст: казанень татартнэ, мишартнэ, астраханень татартнэ, сибирень татартнэ ды лиятне.

Ушодовсь колмоце этапось, зярдо татаронь этногруппатне кармасть консолидировавомо Рузонь государстванть юрсо. Рузонь государстванть алов Поволжьянть, Приуральянть ды Сибиренть саемадост мейле татаронь миграциясь кармась виевгадомо. Окастонть татартнэ кармасть туеме Закамьянтень ды Самарань-Оренбургонь линиянтень, Кубаньстэ – Астраханев ды Оренбургов.

Татартнэ аштить зярыя субэтностнэстэ. Сехте покшокс юткстост лововить Казанень татартнэ, кортыть татаронь келень средней диалектсэнть. Мишартнэ кортыть татаронь келень западонь диалектсэнть. Касимень татартнэнь этногенезэст сюлмавозь Касимень ханстванть марто, кортыть татаронь келень средней диалектсэнть. Сибирень татартнэ кортыть татаронь келень востоконь диалектсэнть. Астраханень татартнэ педе-пев теевсть Астраханень ханстванть юрсо. Тептяртне социальной группась теевсь Башкортостансо XVII пингестэнть. Кряшентнэ этноконфессиянь группась совась равонь ды уралонь региононь составонтень, кемить православиянтень. Польшань-литвань татартнэ лововить татаронь башка группакс, сынь – мусульмант-суннитт, улить ютксост христианткак. Татаронь кельсэ овсе а кортыть. Пермень татартнэ – татаронь этногруппа, конатнень этногенезэст кемекставсь Пермень ёнкссонть. Нагайбактне – истя жо татаронь этногруппа, сови казачествантень, эри Челябань областьсэнть. Кемить православиянтень. Россиянь законодательстванть коряс лововить вишкине башка раськекс.

X пингестэнть саезь 1927 иенть видьс татартнэ сёрмадсть арабонь графикань юронть лангс нежедезь. 1928 иестэнть саезь 1931 иенть видьс тевс нолдазель латинэнь графикась (яналифесь). 1936 иестэнть саезь течинь чис татартнэ сёрмадыть кириллицань графикасонть. Улить аравтлувт ютавтомс сёрмадоманть латиницантень.

Школасо тонавтнемась юты татаронь кельсэ – моли россиянь программанть ды учебниктнень лангс нежедезь. Истя жо Татарстанонь кой-кона вузтнэсэ ды эйдень кужотнесэ тонавтомась педе-пев моли татаронь кельсэ.

Татартнэнь туртов, кода Поволжьянь ды Приуральянь лия раськетнень туртовгак, коень эрямо таркакс ульнесть чувтонь кудотне, конат куринкатнень ёндо пирязельть пирявкссо. Кудонь фасадтнэ мазылгавтовильть эрьва кодамо тюсонь артовкссо.

Тейтерьаватне ды цёратне яксильть шароварасо ды панарсо. Ланга оршамокс аштильть казакинэсь, бешметэсь эли шубась. Цёратне тонгильть тюбетейкат, верьганзо оршильть понань эли войлоконь шапка. Карсемапелекс ульнесть кедень ичигтне, ушова якильть колошасо. Тейтерьаватнень туртов мазылгавтомапелекс аштесть кшнинь мазылгавтоматне.

Кода лия раськетненьгак, татартнэнь коест ды кенярксчист ламосо мейсэ аштесть велень хозяйствань важодематнень эйстэ. Истя теевсь татаронь сехте содавикс кенярксчись – Сабантуесь (татаронь «сабан» валось – «тундо»). Ламот этнографтне явить татаронь койтнень-кирдатнень кавто группас: тундонь-кизэнь ды телень-сёксень. Тундонь-кизэнь кенярксчитненень кандовить Сабантуесь ды Джиенэсь. Сёксень-телень цикланть арась истямо неявикс явовксозо секс, мекс сон апак сюлма раськень календаренть марто. Те шкастонть татартнэ тейнильть помочт, вейкень-вейкень туртов лездамот, ков тердевильть сетнеяк, конат пек эзть эрявкшнояк. Кряшентнэ ды мишартнэ тейнильть святкат. Неть праздниктнень башка элементэкс ульнесть орожиямотне. Од ие праздникесь вастневиль ансяк тия-тува. Мастянть пек келейстэ праздновильть кряшентнэ.

Неень шкастонть Татарстансо татартнэнь вейсэнь ламочинть эйстэ эрить 36 процентт татарт, меельцетне сралесть весе Россиянть келес. Сехте аламо татарт эрить Ингушетиясо – весемезэ 151 ломань. Малав 1 млн. татарт эрить Башкириясо, Челябасо эрить 205087 тёжат татарт, Ульяновской областьсэ – 168766 тёжат, Свердловонь областьсэ – 168143 тёжат, Московсо – 166083 тёжат, Оренбургонь областьсэ – 165967 тёжат, Пермень крайсэ – 136597 тёжат, Самарань областьсэ – 127931 тёжа ды истя седе тов.

Ютазь пингень 80-це иетнестэ Татарстансо кармась кепедевеме татаронь общественно-политической движениянь касомась. Самай неть шкатнестэ теезель Весетатаронь вейсэнь куншкакурось, конань васень президентэкс кочказель Марат Абдрасулович Мулюков – Татарстанонь политической деятелесь ды учёноесь. Мулюков чачсь Тюменень областень Ялуторонь райононь Исят татаронь велесэнть. 1944 иестэнть сон поступась Тоболень педагогической училищантень. Колмо иень ютазь туи тонавтнеме Казанень педагогической институтонь историянь факультетэнтень. 1951 иестэнть туи важодеме историянь учителекс Татариянь  Пестречинань райононь Шалинь средней школантень. 1972 иестэнть саезь куломазонзо важоди Казанень государственной университетэнь преподавателекс. Кочказель Татарстанонь Госсоветэнь депутатокс. Мулюковонь мелензэ-арсеманзо кувалт теезельть «Магариф» ды «Маданият» беженецтнэнь туртов лездамонь фондтнэ, «Солдатонь ават» республикань комитетэсь, крымень татартнэнь туртов лездамонь комитетэсь ды истя седе тов. 1997 иестэнть Марат Абдрасуловичень пек чавокшнызь асодавикс ломанть. Курок теде мейле сон кулось. Неень шкастонть Мулюковонь лемензэ кандтни Весетатаронь вейсэнь куншкакурось.

 

Татартнэнь сюпавдояк сюпав кухняст, косо анокставить азусь, айранось, баурсакось, катыкесь, маханось, пахлавась, шурпась, чак-чакось, эчпочмакось ды лия блидятне.

 

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...