Рубрикатор

Культура Н.Л.Храмов:«Россиянь культуранть эряви виевгавтомс»
Н.Л.Храмов:«Россиянь культуранть эряви виевгавтомс»

Сентябрянь 16-17 читнестэ Воронеж ошсо ютась РФ-нь Культурань министерстванть юрсо культурань коряс Координационной советэнь XII заседания. Шкась кемекстызе истят вастовоматнень эрявиксчинть. Сынст ютавтомсто Российской Федерациянь весе субъекттнэнь культурань органтнэнь прявттнэ, федеральной министерстватнень ды законодательной властень представительтне аволь ансяк теевить содавиксэкс лиятнень опытэст марто, истя жо ванныть ды решить культурань енкссо талновтыця кевкстематнень.

Мордовиянть пельде тов ардтнесь МР-нь культурань министранть полавтыцязо Николай Леонидович Храмов. Сон евтнесь тенек те заседаниянть итогтнеде.

 

Васняяк мерян, а стяко Координационной советэнть ютавтома таркакс кочказель Воронежесь. Сон ловови минек масторонть сехте покш культурань центратнестэ вейкекс. Тосо чачсть истят ине сермадыцятне, кода А.В.Кольцов, И.А.Бунин, С.Я.Маршак, А.П.Платонов, А.В.Куприн, Г.Н.Ге, Л.Г.Соловьев, А.И.Афанасьев. Тосо пек ламо музейть, библиотекат, кинозалт, вадрят музыкань ды театрань коллективест, сеедьстэ ютавтневить покш фестивальть ды форумт. Тешкстама, Воронежень областьсэ покш лезкс государстванть пельде максови региононь культурантень, кеместэ ветяви робота отраслевой учреждениятнень материально-технической базанть кемекстамга.

Координационной советэнь васенце чись ютась областной Думасо. Эрьва регионсто сакшность культурань министратне эли сынст полавтыцяст. Заседаниянть лувсо ванновсть зярыя кевкстемат. Васенцесь – Воронежень областьсэ велень культуранть ванстомадо ды кастомадо. Аволь умок областень правительствась кемекстась программа велень культуранть кепетеманзо коряс. Те пек покш тев Воронежентень, кода аграрной региононть туртов. Седе тов те ули невтевксэкс лия енкстнэненьгак.

Истя жо кортнинек «О культуре» федеральной закононь проектэнть анокстамодонзо. Воронежень областной культурань управлениянь прявтонть Иван Образцовонь арсеманзо коряс, культурадо одкстомтовиця законодательствасонть эрявить кемекстамс ломантнень культурань праваст, толковамс эрицятненень правадост, невтнемс эсь пряст эрямосонть.

Неень шкане эряви анокстамс паро условият культурань учреждениятнесэ важодеманть туртов. Явомс ярмакт информационной политиканть лангс, мезесь бу лездаволь ванстомс культурань сюпавчинь объекттнэнь, келейгавтомс учреждениятнень услугаст, явовтомс мель одтнэнь пельде культурань эрямонтень. Ансяк весемесь те тееви государстванть лезксэнзэ вельде.

Заседаниясонть меельце кевкстемась алтазель культурань ды искусствань енкссонть важодицятнень квалификациянь кастомань ды анокстамонь системанть виевгавтомантень. Те кевкстемась ванновсь эште РФ-нь Культурань министерствань Координационной советэнь президиумсо, конась ютась мартсто Саранскойсэ. Россиянь содавикс политикесь Рамазан Абдулатипов евтась мель – кадратнень одс анокстамонть ветямс культурань институтонть юрсо.

Тешкстама, промкссонть пурнавозь министерстватнень прявттнэ састь пек паро мельс, яволявтомс Россиянь Правительстванть икеле 2012 иенть теемс «Культурань иекс». Койсэнь, те ули покш лезксэкс культуранть виевгавтомасонть. Ваннынек истя жо стакачитненьгак, конатне сюлмавозь регионтнэсэ национальной культуранть ванстоманзо марто. Эрьва прявтось тейсь тень коряс а покш доклад.

Официальной пельксэнть прядомадо мейле инжетнень содавтызь Воронежень культурань эрямонть марто. Миненек невтезель «Народный. Нарядный. Обрядовый» раськень оршамопелень выставка. Экспозициянтень анокстазельть 45 костюмт, конатнень кандтнесть Воронежень губерниянь эрицятне XIX-XX пингетнестэ. Теде башка, А.Кольцовонь лемсэ драмань академической театрасо ютась театрализованной представления.

Васенце чись прядовсь Воронежень областень губернаторонть А.В.Гордеевень марто вастовомасонть. Аволь весть ледстязель Саранскоеськак. Ульнесь мельспаро марямс лембе валт минек республикадонть.

Омбоце чистэнть заседаниянь участниктнень туртов анокстазель культурань программа. Минь якинек Лиски ошов, косо содавтымизь культурань ды спортонь учреждениятнень марто. Тосо важодить художественной, музыкальной школат, музейть, культурань дворецт, оймсемань паркт. Ушонь куротнень мазылгавтыть фонтант, цецянь клумбат, эйкакшонь площадкат. Весемезэ районсонть важодить 85 культурань учрежденият.

Нама, весемеде пек дивавтымизь Средней Икорецсэ школась, косо 600 тонавтнема таркат. Велень 7000 эрицятнень туртов те теевсь покштояк покш тешксэкс. Школасонть ули радиоузел, музыкань студия, картинань галерея, спортонь кавто залт, хореографиянь кабинет, бассейна. Вакссонзо стявтозь футболонь пакся марто стадион.

Меельцекс ютавтовсь промкс, косо евтазельть Координационной советэнь XII заседаниянь итогтне. Арсян, яволявтозь мельтне-арсематне невтьсызь лезэвчист практикасояк.

Л.Адмайкина

 

Новости

«Единая Россия» возьмет на контроль реализацию закона о паллиативной помощи

Партия «Единая Россия» поддержит парламентский мониторинг за реализацией закона о паллиативной помощи. Об этом заявил член общественного совета партпроекта «Единой России» «Здоровое будущее», член комитета Государственной Думы по охране здоровья Юрий Кобзев. 

Подробнее ...
 
150 человек пройдут обучение в рамках модуля «Политический лидер» Высшей партийной школы «Единой России»

Первые занятия стартуют 25 февраля

Экспертной группой первого модуля Высшей партийной школы «Единой России» «Политический лидер» по итогам всех испытаний из более чем 6,6 тысяч участников были отобраны 150 слушателей. Из них 50 приступят к учебе уже с 25 февраля, еще 100 пройдут обучение в Высшей партийной школе в следующих потоках в марте-апреле. Конкурс на участие в проекте составил 44 человека на место.

Подробнее ...
 
Республикадонть – социальной сетьсэ

Печатень кудонь Пресс-центрасо аволь умок ютавтовсь мероприятия, конанть лувсо невтевсь социальной сеттнесэ Мордовия Республикань официальной аккаунтось. Пилотной нолдамось ульнесь уш даволковонь 1-це чистэ, секскак васень подписчиктне уш ванызь контентэнть вадрячинзэ.

Подробнее ...
 
Ловонть ускома шкастонзо

Неть читнестэ Саранскоень Администрациясо ютавтозь промкссонть башка мель явовсь ошсонть эйсюротнень, эенть ды ловонть урядамонь кевкстемантень. Ленинской райононь прявтось Александр Юткин ёвтнесь, управляющей компаниятне тагояк рамасть сал китнень ды ютамо таркатнень почодомс. «Эйсюротнень урядамонь коряс роботатне ветявить эрьва чистэ. Тевенть топавтыть верьга якицят ды специализированой техника», – пачтясь Александр Юткин.

Подробнее ...
 
Автобусонь од маршрут

Ошонь прявтось сонсь ловны эрицятнень сёрмаст, конат кучовить сонзэ лемс. Мэрэнть кедьсэ промкссонть Пётр Тултаев пшкадсь Транспортонь управлениянь прявтонь полавтыцянтень Елена Потапованень: «Сась пеняцямо, конасонть тешкстави, автобуссо эли троллейбуссо ардоманть кис карточкасо пандомадонть мейле ярмактне саевить аволь сеске эли аволь зняро эряви. Ломантне арсить те «Горэлектротранс» муниципальной предприятиянть вановтост ало. Ёвтадо: кие чумось ды ков пшкадема?»

Подробнее ...