Рубрикатор

Культура Писателень Союзось тешкстынзе 80 иензэ
Писателень Союзось тешкстынзе 80 иензэ

Неть читнестэ Печатень кудосо ютась торжественной промкс. Сон алтавсь Мордовия Республикань Писателень союзонь 80 иень юбилеентень. Вастовомантень сакшность покш инжеть, поэтт ды писательть. Промксонть ветясь Союзонь председателесь Александр Макарович Доронин.

МР-нь Печатень ды информациянь министрась В.В.Маресьев ловнынзе МР-нь Прявтонть В.Д.Волковонь ды Правительствань Председателенть В.Ф.Сушковонь пельде поздоровтнень. Истя жо лембе валт ёвтась МР-нь Национальной политикань коряс министрась А.М. Чушкин. Паро валсо сон тешкстызе Союзонь прявтонть А.М.Доронинэнь важодеманзо.

Теде мейле ушодовсь сехте мельстуиця тевесь – казнень максомась. «МР-нь заслуженной поэт» лемесь максовсь мокшонь содавикс поэтэнтень ды писателентень В.Н.Корчегановнень. Владимир Николаевич, теде башка, – МР-нь культурань заслуженной роботник, СССР-нь Писателень союзонь член. Ёвтатано сонензэ седейшкавань поздоровт! Промкссонть В.Н.Корчеганов седейшкава ловнызе «Я – мокшанин» стихенть.

МР-нь Прявтонть пельде Благодарностьсэ казевсть А.Бажанов, Н.Рузанкина. Теевезь коень коряс, МР-нь Прявтонь премиясо казевсть од автортнэ. Сынст ютксо: Е.Щукина-Ямашкина, А.Музалев ды эрзянь од сёрмадыцясь А.Подгорнова.

МР-нь Национальной политикань коряс министерстванть пельде Почетной грамотасо казевсть М.Брыжинский, В.Юдина ды лиятне. «Межнациональной согласиянь кисэ» медальсэ казевсть Р.С.Кемайкина (сон истя жо казевсь МР-нь Государственной Собраниянь Почетной грамотасо), В.М.Лобанов, А.М.Доронин ды лиятне.

80 иеть – те кувака эрямо. Союзонь прявтось А.М.Доронин ловнось доклад, конасонть пачтясь Союзонтень совицятнеде, книгатнеде ды целанек литературадонть.

Неень шкане МР-нь Писателень союзсо 56 писательть, поэтт, драматургт ды литературоведт. Сынст ютксо колмо народной писательть, кавто народной поэтт, вете заслуженной писательть, сисем заслуженной поэтт, вейксэ культурань заслуженной роботникть ды Мордовия Республикань Государственной премиянь 13 лауреатт.

Меельце вете иетнень перть лиссть ламо эрьва кодат книгат. Те: Александр Доронинэнь вете томсо кочказь произведениянзо, Виктор Гадаевень, Анатолий Тяпаевень ды Алексей Громыхинэнь колмо томсо, Михаил Брыжинскоень кавто томсо произведенияст. Лиссть Николай Ишуткинэнь кочказь произведениянь кавто томтне (карми колмоцеяк), Надежда Мирскаянь ёвтнемань книганзо, Андрей Семёновонь романозо, Маризь Кемалень, Рая Орловань поэтической сборникест ды лият.

Неть ды лия книгатнень презентациятне ютасть Национальной театрасо, Печатень кудонь Пресс-центрасо, библиотекатнесэ. Теде башка, ютавтовить творческой чокшнеть. Истят чокшнеть ютавтсть А.Громыхин, Н.Ишуткин.

Меельце вете иетнень перть Писателень вейсэндявксонтень совасть од лемть. Россиянь Писателень союзонь членэкс кармасть 12 литераторт. Те: Николай Мокшин, Андрей Семёнов, Анатолий Столяров, Анатолий Дюков, Анатолий Ганчин, Ольга Щукина, Людмила Рябова-Ломшина, Мария Ерёмина-Левщанова, Татьяна Мокшанова-Швецова, Сергей Гурьянов. Алина Подгорнова саезь Союзонтень 22 иесэ. Истя одсто Вейсэндявксонтень 80 иетнень перть киньгак эзть сайне. Сетне, кинень максовсть писателень билетт, малав весе важодить поэзиянь жанрасо. Сынст ютксо улить, нама, прозаиктькак. Ютазь вете иетнень перть тусь эрямосто 11 писатель…

Писателень союзось иезэнзэ кавксть ютавтни од сёрмадыцянь семинарт. Те теевсь паро коекс. Саемга, лия ёнкстнэсэ истят семинарт эрсить кавто-колмо иес весть.

Сёрмадеень вейсэндявксонть мелензэ коряс Атюрьева ёнксонь Кишалы велень средней школанть ваксс путозь бюст мокшонь литературань классикентень А.С. Малькиннэнь, мемориальной лазт путозь Народной писателентень М.Л.Сайгиннэнь, Я.М.Пинясовнень. Тедедень ноябрясто мемориальной лаз путови МР-нь Заслуженной писателентень Г.И.Пинясовнень.

Меельце иетнень перть народной писательтнень ды поэттнэнь юткс совасть Анатолий Тяпаев, Александр Доронин, Виктор Гадаев, Сергей Кинякин. Республикань Государственной премиянь лауреатокс теевсть Раиса Орлова, Николай Ишуткин, Николай Голенков. «Имперская культура» Раськеютконь премиянь лауреатокс лиссь Алексей Громыхин, Россиянь Покш Литературань премиянь лауреатокс лиссь Александр Доронин.

Минь кецятано, писателенек, кить ней уш пенсиясот, важодить, сёрмадыть, сынст ламо творческой мелест-арсемаст. Тонавтыть эйсэнек, кода эряви сёрмадомс. Пельдест алкукс ули мезес тонавтнемс, – кортась А.М.Доронин.

А.М.Доронин ёвтась сюкпрянь валт МР-нь Прявтонтень В.Д.Волковнень ды МР-нь Правительствань Председателентень В.Ф.Сушковнень. Сынь свал лездыть нолдамс книгат, максомс почётонь лемть, каземс од автортнэнь литературань премиясо. М.А.Кастрен лемсэ финнэнь вейсэндявксось 15 иень перть лезды ютавтомс эрзянь ды мокшонь кельсэ од сёрмадыцянь семинарт.

Александр Макарович МР-нь Госсобраниянтень ёвтась мель – нолдамс тевс «О социальном статусе писателя в Республике Мордовия» Закон, конань вельде писательтнень туртов максовольть социальной льготат, субсидият квартирань рамамс, пандовольть творческой отпуск (истя тейнить Комисэ, Татарстансо, Орловской, Саратовской ды лия ёнкстнэсэ). Икеле сёрмадыцятнень кучнесть тонавтнеме Московонь А.М. Горький лемсэ Литературной институтов. Ней тевесь лепамсь. Тосо тонавтнеманть кисэ эряви пандомс ярмакт. Паро улевель, бути Правительствась максоволь квотат од литератортнэнень тосо тонавтнемс.

Т.Маторкина

 

 

 

Новости

43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...
 
Ёвтасть поздоровт Геройтнень аватненень

Мартонь 8-це чистэ од ломантне содавтызь ды ёвтасть поздоровт Мордовия Республикань чавовозь Геройтнень сядо аватненень. Те паро тевенть кармасть топавтомо «Россия – страна возможностей» панжадо платформантень совиця Росмолодежень од ломанень инициативань Грантонь конкурссонть «Не бывает чужих матерей» проектэнть изнямонзо вельде.
Активисттнэ ульнесть республикань 22 районсо ды казсть Героень аватненень цецят ды казнеть. Мероприятиянть прявт тевезэ – од ломантнесэ нравственно-патриотической воспитаниянть кемекстамось ды Геройтнень аватненень лаздамось, конат ёмавтызь эсь цёраст Афганистанонь, Чечнянь ды лия локальной конфликттнэсэ воинской долгонь топавтомсто.
Проектэсь тевс нолдави 2016 иестэ саезь Мордовия Республикань Ковылкинань районсо, а 2018 иень ноябрясто саезь – республиканть келес. Од ломантне ютавтнить вастовомат чавовозь геройтнень аваст марто. Ёвтыть тенст поздоровт Мартонь 8-це чинть, Авань чинть кувалма. Лездыть тенст энялдомаст коряс.