Рубрикатор

Культура Эряк, эряк, тиринь кель!
Эряк, эряк, тиринь кель!

Краснослободской райононь «Сивинь» оймсема таркасонть тедеде таго панжинзе кенкшензэ «Эряк, тиринь кель!» лементь ало этнолагересь. Сон важоди 2003-це иестэнть саезь эрьва кизна. Этнолагеренть пурны МР-нь Образованиянь министерствась. Тей тердевить эрзянь, мокшонь ды татаронь раськень эйкакшт. Ансяк аволь весе. Сетне, кить пелькстасть ды изнясть тиринь келень регионъютконь ды республикань олимпиадатнесэ, кить морсить фольклоронь коллективсэ. Истя жо тесэ паро мельсэ вастызь республикань томбальде сазь эйкакштнень.
Тедеде лагерентень састь оймсеме 87 эйкакшт, кинень 8-17 иеть. Улить, нама, лия регионстояк: Пенза, Ульяновск, Н.Новгород, Оренбург, Москов ёнкссто, Татарстансто. А вана Самара ёндо – косо эрить сехте ламо эрзят ды мокшот, – арасть…
Эйкакштнень марто важодить колмо педагогт ды колмо вожатойть. Меельцетне ютасть университетсэ вожатоень школа. Весень лангсо тесэ прявтось – Саранскоень 19-це гимназиянь мокшонь келень тонавтыцясь М.Н.Миронова. Сон уш зяроце ие важоди этнолагерьсэ, содасы эсь тевензэ педе-пес. Эйкакштнень машты куроксто оймавтомо ды, мекевлангт, сыргозтеме. Тесэ мокшонь келень кавто тонавтыцят ды вейке татаронь.
Эрьва иестэ этнолагерьсэнть арсеви программа. Эйкакштненень ютавтовить мастер-класст, творческой лабораторият, тиринь келень коряс налксемат, тонавтницятне анокстыть тиринь келень, культурань коряс исследовательской важодемат. Чись весе явшезь минутань пес. Эйкакштне явить мель спортонтень. Теде башка, морсить, тонавтнить киштемат.
Эряви тешкстамс, «Сивиньсэ» теке жо шкане оймси Московонь «САДКО» рузонь музыкань ды киштемань государственной ансамблянь морсицясь Вера Прохорова. (Минек газетась аволь весть сёрмалесь те эрзянь авадонть). Вера Ивановна апак кармавто, апак энялдо, сонсь пурнынзе перьканзо тейтерькатнень ды кармась ёвтнеме морамонь салавачитнеде. Тонавтсь, кодат ильведевкст а нолдамс, мезентень явомс башка мель, кода морамс эрзянь ды мокшонь кезэрень моротнень. Эйкакштне кадовсть мельспаросо.
Лагересь, содазь, весе явшезь отрядга. Улить «Нумолкайть», «Баягинеть» ды «Непоседат». Эйкакштне арсесть девизт тиринь кельсэ. «Сивиньсэ» оймсить эйкакшонь кудонь-интернатонь тонавтницятнеяк. Те седеяк кемекстасы сынст ютксо ялгаксчинть.
Эрьва чи тей сакшныть инжеть. Саемга, ней ульнесь вастовома эрзянь ды мокшонь журналонь, газетань важодицятнень марто. Мокшонь Заслуженной поэтэсь Рая Орлова ёвтнесь эсь творчествадонзо, сонзэ поладызе Вера Брындина «Якстерь тяштенясто». «Чилисемадонть» пачтясь Татьяна Мокшанова, сон энялдсь кучомс журналов произведеният, бути кинь улить (эйкакштне туемадонок икеле алкукс макссть сёрмадовкст). «Сяткодонть» ёвтнесь од поэтессась Алина Подгорнова.
Равчирень финнэнь-угрань раськень культурань центрань важодицясь Р.Б.Щанкина тешкстызе истямо этнолагеренть эрявиксчинзэ. Сон кортась эйкакштнень марто келенть ванстомадо. Раиса Борисовна сакшнось казне марто. Казевсть парсте морсиця ды киштиця эйкакштне, истя жо сетне, кить анокстасть эрьва кодат викшневкст-кодавкст. Весень туртов «Ламзурь» ансамблясь невтсь концерт.
Эйкакштнеяк эзть кадово ве ёнов. Инжетненень морасть эрзянь, мокшонь, татаронь кельсэ, невтсть киштемат. Саша Рубцов кецявтымизь нурька моросонзо.
Мейле Г.С.Гребенцов «сыргозтизе» весе этнолагеренть. Эйкакштненень сон невтсь ламо фокуст, ютавтсь конкурст, пейдевтинзе покштненьгак ды вишкинетненьгак. Вастовоманть прядовомсто таргась эрьва кодамо героень чамакст (маскат) ды костюмт. Ды чийнезевсть юткованок Печкин почтальонось портфелензэ марто, Матроскин каткась ды лия геройть.
МР-нь Образованиянь министерствань дошкольной, общей ды дополнительной образованиянь прявт специалистэнть Н.В.Салмовань валонзо коряс, этнолагерентень сакшность Пенза ёнксонь специалистт (опыт мельга). Сынь пштистэ ваннызь лагерень важодемань лувонть, мелезэст пек тусь, бажить эсест ёнкссо совавтомс эрямос истямо жо проект.
Эйкакштнень арась мелест явовомс вейкест-вейкест марто, весе сынь тесэ теевсть паро ялгакс.
Т.УРУСОВА

 

Новости

Комиссия «Единой России» по этике провела первое заседание
 Первое заседание утвержденной XVIII Съездом «Единой России» Комиссии
по   этике   прошло   16   января.   В   его   рамках   были   избраны   председатель
Комиссии, его заместитель и ответственный секретарь.
Подробнее ...
 
Россиянь Почтань 200 клиентт теевсть миллионерэкс

Государственной лотереянь статистиканть коряс, 2018 иестэ Россиянь Почтань отделенияс якицятне рамасть 68 миллиондо ламо лотерейной билетт. Вейке миллиондо ламо целковойть налксесть 206 ломанть. Те 2,4-ксть седе ламо икельце иенть коряс, сестэ миллионертнэде ульнесть 88 ломанть.

Подробнее ...
 
Управление Министерства юстиции Российской Федерации по Республике Мордовия напоминает порядок и сроки предоставления ежегодной отчетности некоммерческими организациями.

Законодательством Российской Федерации определена обязанность некоммерческих организаций ежегодно отчитываться перед уполномоченным органом. В частности, статьей 32 Федерального закона «О некоммерческих организациях», статьей 29 Федерального закона «Об общественных объединениях», статьей 25.1 Федерального закона «О свободе совести и о религиозных объединениях».

Подробнее ...
 
Крештениянтень анокстамот

Крештениянтень Саранскойсэ арсеви теемс экшелямонь туртов 11 тарка: «Старт» стадиононь эрькесэнть (2 таркат), Гончаровонь куросо, «Вирень эрьке», «Зелёная роща» эрькетнесэ, «Огни Саранска» кафенть маласо, Макаровкасо (Иоанн Богословской цёрань монастыренть вакссо), Куликовкасо Чапаевень куросо лисьмапрясонть, Полянки велень Юбилейной куросо аштиця лисьмапрясонть, Добровольной посёлкань Дачная куросонть, Иоанн Кронштадтскоень храмонь лисьмапрясонть ды Грузинской куросо аштиця эйкакшонь парконь эрькесэнть.

Подробнее ...
 
Конкурс на участие в образовательном модуле «Единой России» «Политический лидер» составил 43 человек на место

«Прием заявок на участие в образовательном модуле «Политический лидер» Высшей партийной школы «Единой России» завершен. К настоящему моменту поступило и уже обработано модераторами более 8,5 тыс. анкет, из них было одобрено 6,5 тыс. Таким образом, конкурс на участие в стартовом модуле проекта составил 43 человек на место», – сообщила первый заместитель секретаря Генерального совета «Единой России», депутат Госдумы Ольга Баталина, подводя итоги заявочной кампании, завершившейся 15 января. До 22 января пройдет следующий отборочный этап – запись трех видеорезюме и с 22 января по 1 февраля участники должны будут пройти отборочные тесты.

Подробнее ...