Рубрикатор

Культура ЮБИЛЕЕНЬ ВАСТОЗЬ
ЮБИЛЕЕНЬ ВАСТОЗЬ

Тедедень июлень 27-це чистэ Мордовиянь Писателень союзонтень топодить 80 иеть. Мейсэ эри сон, кодат кевкстемат аштить икелензэ – теде ды лиядо ёвтни сонзэ прявтось, Россиянь Писателень союзонь Секретаресь, Мордовиянь Народной писателесь Александр Доронин.
– Александр Макарович, 1934-це иень тундостонть Московсто Саранскоев сакшнось рузонь содавикс писателесь Алексей Яковлевич Дорогойченко. Инжекс тердтнизь?
– Дорогойченко (алкуксонь фамилиязо – Дорогойченков, чачомань коряс сон Оренбург ёнксонь эрзяль) ульнесь Россиянь Крестьянонь писателень вейсэндявксонь прявтокс. Сеть иетнестэ большевикень партиясь ломантнень эрьва ков кучниль: колхозонь прявтокс, заводонь директорокс, обкомонь секретарекс... Алексей Яковлевичень, кода покш писателенть, ильтизь «сёрмадома» тевень аравтомо. Ды вана 1934-це иень июлень 27-це чистэ Саранскойсэ ютавтозель Мордовиянь писателень васенце съездэсь, косо А.Я. Дорогойченконь вемельсэ кочкизь правлениянь председателекс. Саранскойсэ, виде, сон а кувать эрясь – ансяк ве ие, ялатеке кенерсь кавксть покшолгавтомс Союзонть, ков, Ф.М. Чесноковдо, А.Д. Куторкиндэ ды Т.А. Раптановдо башка, пельиень ютазь, совавтозельть Н.Л. Иркаев (Никул Эркай), М.И. Безбородов, И.П. Кривошеев, Ф.И. Беззубова, Я.П. Григошин, К.С. Петрова.
Кисловодскоев туемазонзо А.Я. Дорогойченко (тов седей ормань лецямо сонзэ кучсызь, курок кулыяк тоско) рузонь кельс ютавтынзе Ф.И. Беззубовань ёвтамонзо, тейсь кементь конференцият, диспутт, ловныцятнень марто вастовомат.
– Мейле кие Союзонть прявтсоль?
– А.Д. Куторкин (кавксть кочкавкшнось), И.Д. Воронин, С.Е. Вечканов, А.К. Мартынов, И.М. Девин, И.А. Калинкин. Эсь тевтнес сыньгак путызь весе седей лембест.
Те ансяк ве ёндо шожда ёвтамс: «Союзсо а стака важодемс». Истя се мери, кие а соды, кода ярмактнень добовамс, вейсэнь тевтнень ветямс. Савкшны чийнемс, энялдомс, натой сюконякшномс. Ды весе «проектт» вешить, эрьва ютавтозь промксонть кеменксть онкстасызь, теке явозь ярмактнень эсеть зепс путат.
– Мезекс Писателень союзось, зярдо кой-кона областтнесэ ды натой Московсо сындест зярыя, лиясто карадо-каршо молицят?
– Тенень тувталось вейке: «союзтнэнь» графомантнэ панжтнить ды кие снартни Россиянть калавтомо потмоёндо. Ну, таланттомотне, конат эсест ярмак лангс нолдтнить лезэвтеме книжкинеть, кинь лемтнень эзизь марсеяк. Истятнэнь, чарькодеви, Россиянь Писателень союзс а примсить. А вана весень бажамост – эрьва косо прянть невтемс, сестэ мейс зепсэ а кандтнемс членской билетт, ёвтадо?
Ней минек Мордовиясо – Россиянь Писателень союзонь 56 члент, конат сёрмадыть эрзянь, мокшонь ды рузонь кельсэ. Неть кельтне тенст максозь авань потеловсо марто, сынст вельде сынь арсить, кортыть, снартнить конёв лангс эсь мельтнень ёвтамо. Талантто башка, шкинемась васняяк сень эйсэ ашти, кода сёрмадыцясь ваны эрямонть зэмес, тонадсь-эзь эриенть потмоёжонзо невтеме виев кель-вал ды образ вельде. А уш прозаиктне... Бути арась содамочить, писателень тевс иля кундсе!
Писателень союзось – профессиональной организация, конань икеле ашти вейке мель-бажамо – теемс вадря литература: кастомс сёрмадыцятнень ёрокчист, нолдтнемс вадря книгат. Ансяк меельце вете иетнестэ минь ютавтынек 10 семинарт, 34 чачома иень тешкстамот, а уш ловныцятнень марто вастовоматне а лововитькак! Теде башка, Союзонь правлениясь ванкшны од ломанень кедьсермат, лангозост тейни рецензият.
Союзонть питнедензэ 1936 иестэ, СССР-нь васенце съездсэнть, пек парсте ёвтась ине А.М. Горький: «Минь вейсэндявинек вейкень кисэ – теемс виев литература. Тень эряви чарькодемс истя: бути тон писателят – эряк эсь Уставот коряс, улест прават ды обязанностеть...»
80 иетне, ловиндерямс сынст пингень онкссо – нурька шка. Рузонь, эрзянь ды мокшонь кельтнесэ лиссть пельсядодо ламо романт, повестть ды поэмат, стихень сядот сборникть. Ули превей литературоведениянок, критиканок, драматургиянок, конатнеде икеле эзть марсеяк.
– Кода Союзось эри республикань прявттнэнь марто?
– Пек парсте. Лездамост вельде эрзянь поэзиянь ушодыцянтень И.П. Кривошеевнень, Мордовиянь Народной поэтэнтень И.М. Девиннэнь, Народной писателентень Я.М. Пинясовнень ды Заслуженной поэтэнтень Никул Эркайнень путынек бюстт, 16 писательтнень туртов – мемориалонь лазт. Эрьва иене тенек максневи Государственной премиясь, колмо од литераторнэнь – Мордовия Республикань Прявтонь премият. Ламотне теевсть народнойкс ды заслуженнойкс.
– Коммерческой структуратне лездыть Тенк?
– Сыненст а весть энялдокшнынек, ды стяко. Башка проектт марто минь пшкалетяно келень ды оймень коряс тиринь раськентень – финнтнэнень. Тосонь М.А. Кастренэнь Обществась свал тенек лездакшны. Ярмаконзо лангс эрьва иене ютавтнетяно эрзянь ды мокшонь од литераторонь семинарт. Икеле сынь ветявсть МВД-нь «Зеленая роща» оймсемань базасонть, меельце кавто тундотнестэ – Биатлононь центрасо.
– Кодат сюлмавксонк Московонь, шабра республикань ды областень Союзтнэнь марто?
– Минек вейсэндявксось – Россиянь Писателень союзонь пелькс, Московдонть ков туят? Прявт ошось примси эйсэнек Союзс, тов ардтнетяно пленумов, съездэв-ков.
Ояксчисэ эрятано Татарстанонь, Марий Элэнь, Коминь ды Удмуртиянь писательтнень марто. Эрзянь ды мокшонь кельтнес ютавтнетяно сынст произведениятнень, юбилейть тешкстнетяно. Истя, Татарстанонь писательтнень марто тешкстынек татаронь классиктнень Хади Такташонь ды Шариф Камалонь чачома читнень Торбеевской райононь Сургодь ды Рузаевской райононь Татаронь Пишля велетнесэ, косо сынь печтизь эйкакш пораст.
– Кода Союзось эри од сёрмадыцятнень марто?
– Сынь, одтнэ, – вандынь чинек, текень кисэ васенце бажамонок – лездамс тенст шкинемань касомасо. Юткстост кой-конатне уш минек Союзсонть. Неть, васняяк, Людмила Рябова, Мария Ерёмина, Алина Подгорнова, Татьяна Мокшанова, Александр Бажанов, Ольга Щукина, Наталья Рузанкина.
– Кодат содавикс произведеният нолдасть писателенек меельце иетнестэ?
– Те, васняяк, Кузьма Абрамовонь сисем томсо произведениянзо, Иван Калинкин, Виктор Гадаев нолдасть колмонь-колмонь томт, Николай Ишуткин ды Михаил Брыжинский – кавтонь-кавтонь томт, шнасынь Александр Араповонь, Валентина Юдинань стихень пусмост.
– Меельце иетнестэ Тынсь мезеяк нолдыде-арась?
– Вете томт, ков совасть колмо романон, стихень, ёвтнеман, художественной очеркень.
– Мезеяк од анокстыде?
– Ёвтнемань ды повестень кедьсерма, конань арсян башка книгасо ливтеме маласо иетнестэ, бути ярмакт лангозонзо явить.

Т.Маторкина

 

Новости

Андрей Макаров: Проект бюджета гарантирует выполнение государством всех социальных обязательств

    Внесенный Правительством РФ проект бюджета гарантирует выполнение государством всех социальных обязательств. Об этом заявил председатель комитета Госдумы по бюджету и налогам Андрей Макаров в ходе выступления от фракции «Единой России» на пленарном заседании нижней палаты парламента. 

     - Гарантированное выполнение государством всех социальных обязательств - это важнейшая задача бюджета, которую внесенный Правительством проект, безусловно, решает», - заявил Макаров, отметив, что «Единая Россия» вместе с Правительством РФ в рамках нулевого чтения прорабатывала проект бюджета, чтобы решить задачи, поставленные Президентом России Владимиром Путиным. 

        Он обратил внимание на то, что фактические доходы в 2019 году составили 19,969 трлн рублей, превысив прогноз на 22%. «Это показатель того, в каком состоянии находится наша экономика», - отметил парламентарий. 

Подробнее ...
 
Валдонть кисэ – социальной норма

Россиясо тагояк электричестванть кисэ арсеви совавтомс социальной норманть, зярдо кемекстазь лимитэнть велькска ютавтоматнень сави пандомс седе покш тарифень коряс. Минэнергонь ды Минэкономикань сентябрянь 19-це чистэ ютавтозь промкссонть те схеманть кемекстызе вице-премьерэсь Дмитрий Козак. Ведомстватненень жо документэнь проекттнэнь анокстамат 2019 иень якшамковонтень.

Подробнее ...
 
«Од Ривезесь» сы Саранскоев

Мордовиянь прявт ошсо, Саранскойсэ, карми молеме неень шкань хореографиянь «Новая Лиса – 2018» Раськеютконь VII фестивалень-конкурсонь Гала-концертэсь. Те мельстуиця мероприятиянть ютавтомс лезды РФ-нь Театральной деятелень вейсэндявксось.

Подробнее ...
 
Василий Пискарев принял участие в проведении тренировки по гражданской обороне

С 1 по 3 октября в соответствии с поручением Правительства РФ на территории всей страны прошли тренировки по гражданской обороне. Председатель Комитета Госдумы РФ по безопасности и противодействию коррупции Василий Пискарев в ходе региональной недели посетил завершающий третий этап Всероссийской тренировки, который прошел в мордовской столице.

Подробнее ...
 
Жители Саранска попросили Сергея Чиндяскина помочь получить льготные лекарства и разъяснить порядок начисления пенсии

Сегодня, 4 октября, в рамках региональной недели депутат Госдумы РФ Сергей Чиндяскин провел прием граждан по личным вопросам в региональной общественной приемной Председателя Партии. По-прежнему, наиболее актуальными вопросами, с которыми обращались заявители, стали темы перерасчета пенсий и лекарственного обеспечения граждан.

Подробнее ...