Рубрикатор

Культура ВЕЛЕСЬ – КОЕНЬ-КИРДАНЬ ВАНСТОМА ТАРКА
ВЕЛЕСЬ – КОЕНЬ-КИРДАНЬ ВАНСТОМА ТАРКА

Июлень 10-це чистэ Темниковань муниципальной районсонть ютавтовсь Социальной политикань коряс комитетэнь келейгавтозь промксось, конань лувсо ванновсь «О ходе реализации Указа Президента Российской Федерации «О проведении в Российской Федерации Года культуры» на территории Республики Мордовия» кевкстемась. Вастовомасонть ульнесть МР-нь Государственной Собраниянь Председателень полавтыцясь, Социальной политикань коряс комитетэнь председателесь Р.З.Аширов, Мордовия Республикань Государственной Собраниянь Социальной политикань коряс комитетэнь члентнэ, МР-нь Культурань ды туризмань министрань полавтыцясь С.Н.Баулина, Темниковань муниципальной райононь администрациянь прявтось И.Н.Гамаюнов, муниципальной районтнэнь администрациянь прявттнэнь полавтыцятне ды культурань управлениянь прявттнэ, Темникова ёнксонь велень советэнь прявттнэ, культурань учреждениянь директортнэ, Государственной Собраниянь Аппаратонь важодицятне, журналистт. Весемезэ малав 70 ломанть.

Промксонть панжизе     МР-нь Государственной Собраниянь Председателень полавтыцясь, Социальной политикань коряс комитетэнь председателесь Р.З.Аширов. Сон тешкстызе, Россиянь Федерациянь Президентэнть В.В.Путинэнь РФ-нь Федеральной Собраниянтень Кучомасонть (2013 иень декабрянь 12-це чистэнть саезь) кортави: «Сыця 2014 иесь Россиясо кемекстави Культурань иекс. Арсеви, сон карми просветительствань иекс, седе покш мель явови минек культурань ундокстнэнень, патриотизмань, нравственностень ды моралень кевкстематненень».

Р.З.Аширов промксонь участниктнень мелест явинзе сень лангс, республикасонть ули кеме законодательной база, конась лезды топавтомс культурань сферасонть государственной политиканть. Законодательной прявт актокс, конась роботы те сферасонть, ашти Мордовия Республикань «О государственной поддержке сферы культуры» Законось. 2013 иестэнть ульнесь кемекстазь «Развитие культуры и туризма на 2014-2018 годы» МР-нь государственной программась. Те программанть коряс культурась тешкстави государствань ды личностень касомань-кепетемань духовно-нравственной аравтлувокс.

– Мордовиясо культурань сферасо государственной политиканть прявт тевекс ашти  Россиянь раськетнень культурной сюпавчист ванстомась, – мерсь Рафаил Закиевич. – Ды течи минь парсте нетяно, кода эрявикс традиционной народной культуранть касомазо-кепетемазо, кода эрявикст библиотекатнень ды музейтнень важодемаст, культурань ды искусствань сферань специалисттнэнь анокстамось.

Те иесь пек сюпав культурань эрьва кодамо мероприятиянь коряс. Целанек Культурань иестэнть республикасонть арсеви ютавтомс 500 ламо культурно-массовой мероприятият. Тесэ кармить раськеютконь ды Весероссиянь фестивальть, национально-фольклорной кенярксчить, «Автопоезд «Год культуры – в каждое село» культурно-образовательной проектэсь ды ламо лият.

Теке марто Культурань иестэнть покш робота ветяви культурань объекттнэнь витнемаст-петнемаст коряскак. Истя, тедедень августсто витнемадо мейле одс панжсынзе кенкшензэ С.Д.Эрьзя лемсэ изобразительной искусствань музеесь.

Промксонть лувсо башка мель явовсь велетнесэ культуранть касомань-кепетемань кевкстемантень.

– Велесь – те эрьва раськенть чачома тарказо, – мерсь Р.З.Аширов. – Тесэ ладявить эрямонь койтне-кирдатне, тесэ эрьва раськенть культурань ундоксонзо. Пингеде-пингес уш ладявсь истя, велетнесэ чачи ды ванстови раськень культурась. Мазыйдеяк мазый моротне ды киштематне, художественной промыслатне ды ремеслатне, раськень койтне ды лувтне – весементь вансты ды виевгавты велесь.

Меельцекс Рафаил Закиевич тешкстызе, Культурань иесь а моли лиятнень ёнов, ды сон карми поладксокс минек раськетнень койтнень-кирдатнень кемекстамост-касомаст туртов.

Седе тов пурнавозтнень икеле кортась МР-нь Культурань ды туризмань министрань полавтыцясь С.Н.Баулина. Сон ламо кортась велень культурань ёнкссонть мелявкстнэде.

Пек талновты, течи культурань учреждениятне пек таштот, материально-технической базанть умок уш вадрялгавтомаль. Ламо мелявксост творческой коллективтненьгак – сценической оршамотне умок уш таштомсть, музыкальной инструменттнэяк аволь пек вадрят. Теке марто культурань сферасонть редяви покш асатома кадратнень коряскак. Образования марто од ломантне велев роботамо а капшить, секскак ДК-тнесэ ды культурань лия учреждениятнесэ седе сеедьстэ роботыть эрявикс образованиявтомо ломанть.

Некеть мелявкстнэнь тешкстызь районтнэнь культурань управлениянь прявттнэяк.

Промксонть важодеманзо коряс примавсь эрявикс решения, косо тешкставсть весе мелявтовтыця кевкстематне.

Теке жо чистэнть Социальной политикань коряс комитетэнь члентнэ содавтызь Ташто Шайговань Сыре Теризморгань Национальной культурань центранть. Сонзэ прявтось Н.М.Кадерова ёвтнесь инжетненень Центранть важодемадонзо ды аламодо Теризморга веленть историядонзо. Эряви меремс, тесэнь эрицятне эсь койтнень-кирдатнень ванстомантень явить покш мель. Аватне течинь чис якить раськень оршамосо, весе эрицятне кортыть мокшокс. Ды Центраськак важоди аволь ансяк кода музей. Тесэ покш робота ветяви вишка эйкакштнень марто. Сынст марто тонавтнить мокшонь викшневксэнть, национальной орнаменттнэнь. Тесэ анокстыть раськень оршамопельть. Музейсэнть ванстовить   оршамопельть, конат невтить республикань 18 районтнэнь. Центрань важодицятне весе неть оршамотнень теизь эсь кедьсэст. Эряви меремс, тевесь те пек стака. Эрзятнень ды мокшотнень оршамосост пек ламо викшневкст, ды тень теемс эряви пек ламо шка.

МР-нь Государственной Собраниянь Председателень полавтыцясь, Социальной политикань коряс комитетэнь председателесь Р.З.Аширов ёвтась покш сюкпря Н.М.Кадерованень ды Центрань весе важодицятненень эсь культуранть, койтнень-кирдатнень астувтоманть ды тенень эйкакштнень тонавтомаст кис.

Ю.Еремина

 

 

Новости

Комиссия «Единой России» по этике провела первое заседание
 Первое заседание утвержденной XVIII Съездом «Единой России» Комиссии
по   этике   прошло   16   января.   В   его   рамках   были   избраны   председатель
Комиссии, его заместитель и ответственный секретарь.
Подробнее ...
 
Россиянь Почтань 200 клиентт теевсть миллионерэкс

Государственной лотереянь статистиканть коряс, 2018 иестэ Россиянь Почтань отделенияс якицятне рамасть 68 миллиондо ламо лотерейной билетт. Вейке миллиондо ламо целковойть налксесть 206 ломанть. Те 2,4-ксть седе ламо икельце иенть коряс, сестэ миллионертнэде ульнесть 88 ломанть.

Подробнее ...
 
Управление Министерства юстиции Российской Федерации по Республике Мордовия напоминает порядок и сроки предоставления ежегодной отчетности некоммерческими организациями.

Законодательством Российской Федерации определена обязанность некоммерческих организаций ежегодно отчитываться перед уполномоченным органом. В частности, статьей 32 Федерального закона «О некоммерческих организациях», статьей 29 Федерального закона «Об общественных объединениях», статьей 25.1 Федерального закона «О свободе совести и о религиозных объединениях».

Подробнее ...
 
Крештениянтень анокстамот

Крештениянтень Саранскойсэ арсеви теемс экшелямонь туртов 11 тарка: «Старт» стадиононь эрькесэнть (2 таркат), Гончаровонь куросо, «Вирень эрьке», «Зелёная роща» эрькетнесэ, «Огни Саранска» кафенть маласо, Макаровкасо (Иоанн Богословской цёрань монастыренть вакссо), Куликовкасо Чапаевень куросо лисьмапрясонть, Полянки велень Юбилейной куросо аштиця лисьмапрясонть, Добровольной посёлкань Дачная куросонть, Иоанн Кронштадтскоень храмонь лисьмапрясонть ды Грузинской куросо аштиця эйкакшонь парконь эрькесэнть.

Подробнее ...
 
Конкурс на участие в образовательном модуле «Единой России» «Политический лидер» составил 43 человек на место

«Прием заявок на участие в образовательном модуле «Политический лидер» Высшей партийной школы «Единой России» завершен. К настоящему моменту поступило и уже обработано модераторами более 8,5 тыс. анкет, из них было одобрено 6,5 тыс. Таким образом, конкурс на участие в стартовом модуле проекта составил 43 человек на место», – сообщила первый заместитель секретаря Генерального совета «Единой России», депутат Госдумы Ольга Баталина, подводя итоги заявочной кампании, завершившейся 15 января. До 22 января пройдет следующий отборочный этап – запись трех видеорезюме и с 22 января по 1 февраля участники должны будут пройти отборочные тесты.

Подробнее ...