Рубрикатор

Культура Парконь мазычись свал дивавты тесэнь инжетнень
Парконь мазычись свал дивавты тесэнь инжетнень

А.С.Пушкин лемсэ культурань ды оймсемань парконть пек умонь ды мельстуиця историязо. Аволь весе содыть, XIX пингенть ушодовомсто те парконтень мерильть «Липки», эдь тосо кассть ламо пекшень чувтот, ды тантей чинесь эйстэст качадсь весе Саранск ошонть келес.

1899 иестэ, А.С.Пушкинэнь чачома чистэнзэ топодеманть тешкстамсто, Саранскоень эрицятне ёвтасть мель лемдемс те мазый оймсема тарканть ине рузонь поэтэнть лемсэ. Ды вана уш 115 иеть паркось ловови минек прявт ошонь культурань куншкакурокс, таркакс, косо вечкить оймсеме аволь ансяк тесэнь эрицятне, лия оштнестэ ды ёнкстнэстэ сыця инжетнеяк.

 

«Городские парки»     МАУК-нть прявтось Николай Петрович Кеняйкин умок уш арсесь седе келейгавтомс А.С.Пушкинэнь творчестванзо ды эрямо пингензэ марто сюлмавозь парконь тематиканть. Вейке рекламань фирма марто вейсэ анокстасть покш альбом, козонь пурназельть весе мельтне-арсематне. Кой-конатне эйстэст уш совавтозь эрямос. Парконть икельце ортанзо ней мазылгавтозь А.С.Пушкинэнь ёвкстнэнь коряс артовкстнэсэ. XIX пингень стильсэ теезь-одкстомтозь невтема палмантне, кассатне, аттракциононь лемтне, вывескатне. Вейке покш тумонть прясо, конась тапарязь сырнень рисьмесэ, аштить озадо Русалка ды Псака.

Одкстомтозь-артозь ашо-сэняжа тюссо «беседкатне», весе парконть келес понгавтнезь стендт Александр Пушкинэнь стихотворениястонзо ды поэмастонзо саевкс марто. Якстере, ожо тюссо цитнезевсть кизэнь эстрадась ды киштема площадкась. Сынь артозь теке икелень театрань сценатне – покш мазый шаршавсо.

Николай Петрович Кеняйкинэнь валонзо коряс, роботатне те ёнксонть коряс ансяк ушодовсть. Седе тов Пушкинэнь ёвкссто саезь артовкстнэ кармить парконть весе ортатнесэ.

Яксярготнень туртов ташто кудыненть таркас сти алкуксонь вишка дворец. Парконть куншкакуросо аштиця фонтанонть вельксэс путыть «сырнень калнэ», седе ламолгадыть ине поэтэнть произведениятнестэ содавикс геройтнень скульптураст.

Ды аволь ансяк истямо мазычисэ дивавты эсь инжетнень А.С.Пушкин лемсэ культурань ды ойм

семань паркось. Тедеде вана рамазель вишка инжетнень туртов «Сафари» од аттракционось, кавто покш батутт, недлязонзо кавксть  вейке кенярксчинь компаниясь ютавтни эйкакштнень туртов мельстуиця пелькстамот. Курок карми анок од площадкась, козонь стявтыть эйдетнень туртов батутт ды эрьва кодат вишка нурсемат.

Коень коряс субутасто паркось васты инжеть «Электровыпрямитель» ОАО-нть духовой оркестрань концертсэ. Июльстэ жо торжественна карми панжозь «Ретро-танцплощадка» од проектэсь. Ней тосо молить меельце анокстамотне: полиуретанонь вельтявкссо валови киштема площадкань кияксось. «Ретро-чокшнетнес» тердевить весе ошонь эрицятне, кинь ули мелест кунсоломс икелень шкань мелодиятнень ды ледстямс од пораст.

Парконь инжетнень свал дивавтыть мазычись ды ваньксчись, конань мельга пштистэ ваныть цецянь кастыцятне ды урядыцятне мастерэнть Марина Николаевна Кочетковань прявтсо.

Аттракционтнэнь ды лия объекттнэнь парсте важодемаст мельга пштистэ ваны прявт инженерэсь Александр Петрович Ворожейкин. Свал мизолдозь, мазый якстере униформасо вастыть инжетнень аттракционтнэнь лангсо прявтось Лидия Тихонова, контролёрось Надежда Долгачёва ды лиятнеяк.

«Весе минек коллективесь важоди паро результатонь кисэ, – корты «Городские парки» МАУК-нть прявтось Николай Петрович Кеняйкин. – Паркось эдь эри сень лангс, зяро сонензэ сыть ярмакт сыцятнень пельде, секскак тесэнь важодицятне бажить савтомс весе инжетненень».

Астяко, нать, минек ошонь эрицятненень сехте вечкевикс оймсема таркась а весть казезель покш казнесэ ды каштангавтыця лемсэ. 2008 ды 2012 иетнестэ А.С.Пушкин лемсэ культурань ды оймсемань паркось «Лучшие парки России» пелькстамосонть, конась ютавтневи Сочисэ, казезель «Хрустальное колесо» казнесэнть. Мелят жо «Лучшие парки мира» Италиясо ютавтозь Раськеютконь пелькстамосонть Пушкин лемсэ паркось казезель «Золотая лампадка» покш казнесэнть ды понгсь Россиянь кавксо сехте паро проекттнэнь юткс.

«Казнетнеде ды медальтнеде ламо, – корты Н.П.Кеняйкин, – ялатеке минь важодтяно аволь сынст кисэ. Сехте васенце меленек – кандомс кенярксчи тей сыцятнень туртов. Минь бажатано а тандавтнемс аттракционтнэнь кисэ питнетнесэ, сынь овсе аволь  покштнестэ.

Минь весе кенярдтано, зярдо инжетне ёвтыть тенек сюкпря паро оймсемань кисэ, ды седе товгак арсетяно улемс ламонь туртов Саранскоень сехте вечкема таркакс».

М.Девятова

 

Новости

Комиссия «Единой России» по этике провела первое заседание
 Первое заседание утвержденной XVIII Съездом «Единой России» Комиссии
по   этике   прошло   16   января.   В   его   рамках   были   избраны   председатель
Комиссии, его заместитель и ответственный секретарь.
Подробнее ...
 
Россиянь Почтань 200 клиентт теевсть миллионерэкс

Государственной лотереянь статистиканть коряс, 2018 иестэ Россиянь Почтань отделенияс якицятне рамасть 68 миллиондо ламо лотерейной билетт. Вейке миллиондо ламо целковойть налксесть 206 ломанть. Те 2,4-ксть седе ламо икельце иенть коряс, сестэ миллионертнэде ульнесть 88 ломанть.

Подробнее ...
 
Управление Министерства юстиции Российской Федерации по Республике Мордовия напоминает порядок и сроки предоставления ежегодной отчетности некоммерческими организациями.

Законодательством Российской Федерации определена обязанность некоммерческих организаций ежегодно отчитываться перед уполномоченным органом. В частности, статьей 32 Федерального закона «О некоммерческих организациях», статьей 29 Федерального закона «Об общественных объединениях», статьей 25.1 Федерального закона «О свободе совести и о религиозных объединениях».

Подробнее ...
 
Крештениянтень анокстамот

Крештениянтень Саранскойсэ арсеви теемс экшелямонь туртов 11 тарка: «Старт» стадиононь эрькесэнть (2 таркат), Гончаровонь куросо, «Вирень эрьке», «Зелёная роща» эрькетнесэ, «Огни Саранска» кафенть маласо, Макаровкасо (Иоанн Богословской цёрань монастыренть вакссо), Куликовкасо Чапаевень куросо лисьмапрясонть, Полянки велень Юбилейной куросо аштиця лисьмапрясонть, Добровольной посёлкань Дачная куросонть, Иоанн Кронштадтскоень храмонь лисьмапрясонть ды Грузинской куросо аштиця эйкакшонь парконь эрькесэнть.

Подробнее ...
 
Конкурс на участие в образовательном модуле «Единой России» «Политический лидер» составил 43 человек на место

«Прием заявок на участие в образовательном модуле «Политический лидер» Высшей партийной школы «Единой России» завершен. К настоящему моменту поступило и уже обработано модераторами более 8,5 тыс. анкет, из них было одобрено 6,5 тыс. Таким образом, конкурс на участие в стартовом модуле проекта составил 43 человек на место», – сообщила первый заместитель секретаря Генерального совета «Единой России», депутат Госдумы Ольга Баталина, подводя итоги заявочной кампании, завершившейся 15 января. До 22 января пройдет следующий отборочный этап – запись трех видеорезюме и с 22 января по 1 февраля участники должны будут пройти отборочные тесты.

Подробнее ...