Рубрикатор

Культура Творчествань кизэ ушодовсь «Эрзянь правдасонть»
Творчествань кизэ ушодовсь «Эрзянь правдасонть»

Маень 28-це чистэ 60 иень юбилеензэ тешкстызе эрзянь содавикс поэтэсь, «Чилисема» журналонь редакторось Николай Иванович Ишуткин. Сон аволь ансяк поэт, истя жо прозаик, юморист, журналист, фотохудожник. Лемезэ содавикс республикань келес ды сеть регионтнэсэ, косо эрить эрзятне ды мокшотне, содасызь финнэнь-угрань мастортнэсэяк.
Николай Иванович чачсь 1954 иень маень 28-це чистэ Мордовиянь Покш Березникбуень Симкина велесэ. Тетязо, Иван Алексеевич, важодсь школасо учителекс, авазо, Евгения Максимовна, топавтсь паксянь ды кудоютконь тевть. Семиясост трявсть-кастовсть ниле эйкакшт. 8-це классонть прядомадо мейле Коля поладызе тонавтнеманзо шабра Шугурова велесэ. Уш школасо тонавтнемстэ Николай ушодсь сёрмадомо. Васенце сёрмадовксонзо лиснесть «Заветы Ленина» райононь газетасо. Те ульнесь 45 иеде теде икеле. Эрьва кодамо материалонь сёрмадомась пек тукшнось мельс цёрантень. Секскак школань прядомадо мейле сыргась тонавтнеме Н.П.Огарёв лемсэ МГУ-нь филологиянь факультетэв.
Весть студенттнэнь марто вастовомо сакшность мокшонь ды эрзянь содавикс писательтне ды поэттнэ. Николай Ишуткин уш те шкане варчнесь виензэ стихень сёрмадомасо. Вастовомадонть мейле стихензэ лиссть «Сятко» журналсо. Те ульнесь 1973 иесь.
Студентэнь практиканть Ишуткин свал ютыль районной газетасо. Самай тосо сон кармась содамо журналистэнь аволь шожда кинть. Эрявсь ламо ардтнемс райононь велетнева. Мейле сёрмадомс покш ды паро материалт. Истямо лувось эзизе тандавто од церанть. Вузонть прядомадо мейле важодсь «Эрзянь правда» газетасо велень хозяйствань отделсэ корреспондентэкс. Малав эрьва чи – командировкат, республикань велетнева ардтнемат, вастовомат. Сындест мейле эрявсь шкастонзо анокстамс материалонть. Газетась лиснесь эрьва чи, аволь кода ней – недлязонзо весть. Компьютерт, мобильной телефонт, интернет арасельть. Эрьва чистэ журналисттнэнь пельде вешсть 200-250 строчкат. Кона шкане сынь кенерсть анокстамс? Содыть ансяк сынсь. Сеедьстэ материалтнэнь савкшнось сёрмадомс кудосо.
Се шкане «Эрзянь правдасо» панжозель «Тештине» вейсэндявксось, конань ветясь В.К.Радаев. Н.Ишуткин свал яксесь сермадыцятнень вастовоматнес. Стихензэ кармасть лиснеме «Эрзянь правдасо» ды «Сяткосо». 1989 иестэ Николай Ивановичень лиссь «Валскень теште» стихень васенце вейспурнавксозо. Теде башка, стихензэ лиснесть вейсэнь зярыя пусмосо.

Эрзянь газетасонть Н.И.
Ишуткин важодсь 11 ие. 1987 иестэ сонзэ ладизь «Пионерэнь вайгель» эйкакшонь журналонь редакторокс (ней те «Чилисема» журналось). Ламо тевть эрявсь сестэ топавтомс, ушодомс савсь чаво таркасто. Арасельть важодицянзо, арасельть сёрмадыцянзо. Вейке ковс эрявсь пурнамс журнал. Сестэ Николай Ивановичень мельс сась ушодомс школатнестэ. Сон ардтнесь велетнева, вастневсь эйкакштнень марто. Сеедьстэ мартонзо сайнизе С.М.Люлякинань. Серафима Марковна морыль весень икеле. Истят вастовоматнеде мейле журналонтень кармасть сакшномо сёрмат. Эйкакштне кучность эсест сёрмадовксост: кие – стихть, кие – ёвкст, кие – ёвтнемат. Ушодксось теезель паро. Журналонть кармасть сёрмадстомо эрзянь весе велетнева. Теде башка, покш тираж ютась республикань томбалев. Сонзэ нейгак ловныть Чувашиясо, Татарстансо, Башкортостансо, Ульяновск, Самара ды лия ёнкстнэсэ. Истя жо «Чилисемась» пачколи Эстонияв, Финляндияв ды Венгрияв. «Чилисеманть» содасызь, вечксызь, ловныть. Журналось аволь весть лиснесь изницякс Раськеютконь ды Весероссиянь СМИ-нь конкурстнэсэ. Апак сёпо эряви меремс, сон – Россиянь сехте вадря журналтнэнь ютксто вейкесь. Весе те топавтовсь Николай Ивановичень важодеманзо ды покш мелензэ-бажамонзо вийсэ. «Чилисемань» ламо автортнэ тонавтнесть Н.П.Огарёв лемсэ МГУ-нь филологиянь факультетсэ. Теевсть писателекс, журналистэкс. Сынст творческой кинть ютамосонть ули Николай Ивановичень таликазояк. Н.И.Ишуткин ламо иень перть пурнакшны од сёрмадыцянь семинарт. Республиканть келес мукшны ёроков эйкакштнень. Истят вастовоматнесэ апак сёвно, апак сялдо тонавты, путы превс ушодыця автортнэнь. Нолды сёрмадовксост журналсо ды свал корты а кадомс сёрмадома тевенть, пштистэ ваномс перть-пельга, неемс сень, мезесь а редяви лиятненень.


Эсензэ Николай Ивановичень лиссть стихень ды ёвтнемань кемень книганзо. Ютксост: «Тештень мастор» (1994), «Пейзаж души» (1998), «Вармань кандовкст» (2004), «Пейделькань кужине» (2007), «Сёксень кизэнь паламо» (2009), «Сиянь сурсеме» (2011), «Кочказь произведеният» (2014). «Вармань кандовкст» – пейдемань ёвтнемат ды юморескат. Сынст ловномадост мейле ёжоськак витеви. Эрьва тевесь алкукс лиснесь эрямосо. Кодат ансяк тамашат а теевкшнить ломантнень марто! Николай Иванович а стувтни эйкакштнедеяк. Зярыя книганзо алтавить вишкинетненень. Меельце сборникесь лиссь ансяк-ансяк, сон колмо томтнестэ васенцесь. Тов совасть сехте виев произведениятне. Ловномс те поэтэнть стихензэ – покш мельспаро. Келезэ чевте, мазый, ванькс, седейстокиця. Н.И.
Ишуткин эрзянь кельс ютавтсь финнэнь-угрань поэттнэнь ды прозаиктнень ламо сёрмадовксост. Сон – МР-нь Культурань заслуженной роботник, СССР-нь Печатень отличник, Россиянь Писателень союзонь член.
Эрзянь поэтэнть стихензэ лангс сёрмадозь малав 50 морот. Николай Иванович кирди ояксчи республикань ламо композитортнэнь марто. Саемга, В.Веряскин марто нолдасть «Пельне-валдо сельмине» компакт-диск, тозонь совасть 12 морот, конат алтазь эйкакштненень. Ней Ишуткин аноксты нолдамс моро марто од альбом.
Николай Ишуткинэнь чачома чистэнзэ лембе вастовома ютась Эрзянь ды мокшонь национальной театрасо. Тей сакшность ламо ломанть: юбиляронть малавиксэнзэ, ялганзо, содавиксэнзэ, инжеть тиринь районсто, Марий Элстэ ды Московсто…
Васняяк поздоров марто сцена лангс лиснесь МР-нь Национальной политикань коряс министрась А.М.Чушкин. Николай Ивановичень сон казизе МР-нь Прявтонь государственной премиясо.
Эрзянь ды мокшонь раськень регионъютконь общественной движениянь исполкомонь прявтось М.В.Мосин тешкстызе, Николай Иванович – аволь ансяк паро поэт, куш кодамо тевсэ вадря организатор. Сонзэ парсте содасызь республикань томбале эриця эрзятне. Истят ломанть пек эрявить раськентень. Сынь кандыть лезэ. «Минек исполкомсо тон вадря важодиця. Сюпавчи теть, шумбрачи, келей ки! Ульть свал истямо одсто невтицякс!» – кортась М.В.Мосин.
Истят лембе валтнэнь поладызь Равчирень финнэнь-угрань раськень культурань центрань прявтось, филологиянь факультетэнь деканось Ю.А.Мишанин, Н.П.Огарев лемсэ МГУ-нь профессорось А.С.Лузгин, МР-нь Печатень ды информациянь министрань полавтыцясь А.Ф.Столяров, МР-нь Композиторонь союзонь прявтось Н.В.Кошелева ды лият.
Н.И.Ишуткинэнь парсте содасызь финнэнь-угрань регионтнэсэ. Сон сеедьстэ яки раськеютконь конференциятнес, промкстнэс, конат эрсить Эстониясо, Финляндиясо, Венгриясо. Ловны докладт, кирди кеме сюлмот финнэнь-угрань журналисттнэнь ды писательтнень марто. Чачома чинтень сакшнось «Марий Эл» газетань прявт
редакторось, Финнэнь-угрань журналисттнэнь ассоциациянь прявтось А.С.Абдулов.
Эряви меремс, Н.И.Ишуткин вельмевтизе Россиянь Литфондонь Мордовиянь региональной отделениянть. Сон – прявт минек республикань отделениясонть, кона ютавтни творческой чокшнеть, писательтнень марто вастовомат, нолдтни книгат. Меельце вете иетнень перть нолдазь малав 50 книгат. Россиянь Литфондонть пельде лембе валт кучсь сонзэ председателесь И.И.Переверзин.
Ламо лембе валт ёвтась Покш Березникбуень райононь прявтонь полавтыцясь О.В.Губанищева. Сон седейшкава кортась, кодамо каштанчисэ аштить Николай Ивановичень кувалма тиринь районсонзо.
Ламо инжеть ульнесть Отяжбуестэ. Паро валт евтась Отяжбуень райононь культурань управлениянь прявтось О.И.Антипова. Владимир Титяпкин ды Ирина Котина (истя жо Отяжбуестэ) морасть Ишуткинэнь стихензэ лангс зярыя морот.
Те чистэнть гайгсть ламо морот. Сцена лангс лиснесть Мордовиянь государственной камерной хорось, «Келу» ансамблясь, «Росичи» коллективесь. Сынь морызь Фредди Меркьюринь «Минь – чемпионт!» масторлангсо весенень содавикс моронть. Зярдо Пекинсэ ютасть Олимпийской налксематне, «Вести» телеканалось энялдсь ютавтомс моронть эрзянь кельс. Николай Иванович вейке пель марто часонь ютазь теизе эрзянь вариантонть, мокшокс ютавтсь В.Нестеров. «Росичи» эстрадань моронь ансамблясь сеске тейсь клип. Сонзэ аволь весть невтизь весероссиянь телеканалсонть.
Чачома чистэнть ульнесть од моронь презентацияткак. «Келу» ансамблянь солисткась Любовь Князькова морызе «Аванень» моронть, музыкальной школа-интернатонь тонавтницясь Есина Валерия – «Ловтештинеть».
Нама, ловность поэтэнть стихензэяк. Сцена лангс лиснесть Саранскоень 26-це лицеень тонавтницятне ды Н.П.Огарёв лемсэ МГУ-нь филологиянь факультетэнь студенттнэ. Сынст ютксто Николай Карпов студентэсь ловнось истя – солавтынзе весень седеест.
Аволь пек умок муизь вейке-вейкест, натой Николай Ишуткин ды сондензэ ламодо седе од цёрась Евгений Евгеньевич Ледяйкин. Сынь вейке районсто. Васенцесь – Симкинасто, омбоцесь – Паракинасто. Мезе жо сынст малавгавтынзе? Те, васняяк, эрзянь раськень тевтне. Кавонест весе седейсэ пиить-палыть эрзятнень кис, ламо теить келест, культураст, коест-кирдаст ванстомга. Е.Е.Ледяйкин – Московонь «Эрзянь вайгель» культурно-просветительской обществань прявт. Николай Ивановичень туртов сон ёвтась ламо седейшкавань валт ды мерсь, келя, истят ломантнень лангсто эряви весенень саемс пример. Ялганстэнь сон казсь паро ульма, конань марто сыргить калонь кундсеме Сура лей чирев.
Паро валонь ёвтыцятне мельга-мельцек кузнесть сцена лангс, казнесть казнеть, тошкасть юбиляронтень седей эждиця валт. Сынст ютксо ульнесть сехте малавиксэнзэ: Лариса Михайловна низэ, Алёна тейтерезэ, Арсений ды Римма вечкевикс нуцьканзо.
«Эрзянь правда» газетань коллективенть пельде миньгак ёвтатано лембе валт. Юбилей марто, Николай Иванович! Свал ульть истямо од, эряза, эрямонь вечкиця! Кеме шумбрачи, уцяска, творчествасо од изнявкст!

Т.Маторкина

 

 

Новости

Единороссы высадили еловую аллею в Саранске
Акция по высадке саженцев, посвященная 75-летней годовщине Великой
Победы, состоялась сегодня в Саранске в микрорайоне Юбилейный.
Представители регионального отделения Партии «Единая Россия», МГЕР
Мордовии, молодежных общественных организаций, студотрядов,
юнармии, поисковых отрядов посадили более 40 саженцев, которые
доставили из Краснослободского района республики.


Подробнее ...
 
В Краснослободском районе успешно реализуется проект «Наследники Гиппократа»
Сегодня в медицинском колледже прошло занятие для волонтеров-медиков
Одним из победителей конкурса общественно-значимых проектов первичных отделений Партии «Единая Россия» стал проект первичного отделения №381 Краснослободского района «Наследники Гиппократа». Этот проект уже успешно реализуется в медицинском колледже в рамках реализации партийных проектов «Здоровое будущее» и «Старшее поколение», его участниками стали студенты-волонтеры.
Как отмечает секретарь первичного отделения 381 Краснослободского района Татьяна Кутузова, на средства, полученные в рамках гранта, были закуплены тонометры для измерения артериального давления, медицинская литература.
Подробнее ...
 
Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...