Рубрикатор

Контакты
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Вешематнень коряс, эрявсь анокстамс народной художественной промыслань теевкс. Августонь 20-це чистэ саезь ушодовсь конкурсонь васенце этапось – мастертнэнь пельде яволявтоматнень саемась. Тей максозельть мастертнэнь пельде 120 яволявтомат ды малав 300 важодемат. Омбоце этапсонть ютась панжадо Интернет-кочкамо. Тень вельде  кочкавсь «Народный выбор» номинациянть коряс изницясь.

Конкурсонь колмоце этапсо жюрись ютавтсь экспертэнь оценка ды яволявтсь 28 изницят 9 номинациянь коряс:

– сувенир-магнит; эрзянь ды мокшонь няка; эрзянь ды мокшонь баягине; раськень викшнема марто теевкс; сёвоньстэ теевкс; чувтонь сувенир; сувенирэнь (вакан) тарелка; кодазь теевкс; этноукрашения.

МР-нь Культурань, национальной политикань, туризмань ды архивень тевень министрась А.М. Чушкин явшесь изницятненень дипломт ды казнеть. Теде башка, конкурсонь итогтнеде мейле ютась Кругловой столь, косо кортамось мольсь Мордовиянь сувенирэнь продукциянть миемадо. Вал сайнесть МР-нь Культурань, национальной политикань, туризмань ды архивень тевень министрань полавтыцясь М.А.Жулина, Саранск ошонь Администрациянь Культурань управлениянь прявтось Т.Ю.Салищева, «Ростр» ООО-нь прявтось Н.А.Козин, «Сделано в Мордовии» АНО-нь прявтось Р.С.Исякаев.

Ёвтазель мель панжомс Мордовиянь сувенирэнь продукциянь покш лавка, косо невтевить минек содавикс промыслатне ды ярсамопельтне, конат туить мельс туристтнэнень. Народно-художественной промыслань мастертнэ истя жо ёвтызь эсь мелест-арсемаст, кода ды косо невтемс эсь сувенирэст Футболонь коряс мирэнь чемпионатонть шкасто.

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...