Рубрикатор

Краснослободскойсэ – од прявт

Ноябрянь 29-це чистэ Краснослободскоень муниципальной районсо ютась Депутатонь райононь советэнь 13-це  сессиясь. Мордовиянь Прявтонть В.Д.Волковонь кармавтоманзо коряс сессиянть роботасо примась участия Мордовиянь Правительствань Председателесь В.Ф.Сушков. Чинь повесткасонть ульнесь вейке кевкстема: райононь од прявтонть кочкамось.

Ледстясынек, теде икелень райононь прявтось Юрий Медянкин ладязь Мордовиянь Вирень, охотничей хозяйствань ды природопользованиянь министракс.

Россиянь законодательстванть коряс чаво таркантень яволявтозель пелькстамо. Яволявтомат макснесть ниле ломанть. Вейкесь эйстэст – райононь образованиянь управлениянь прявтось А.Н.Масеев. Сергей Пивкин ламо иеть роботась велень хозяйствасо, правоохранительной структуратнесэ. Александр Горбылев нурька шкас топавтсь райононь администрациянь прявтонь тевтнень, седе икеле ульнесь полавтыцякс. Нилеце кандидатось – Андрей Утешев. Сон роботы Московсо ванстыцякс.

Депутаттнэстэ сехте ламотне вайгелест максызь А.Н.Масеевень кис. Сон кармась Краснослободскоень муниципальной райононь прявтокс.

Седе тов Мордовиянь Правительствань Председателесь В.Ф.Сушков шнызе депутаттнэнь кочкавксонть ды ёвтнесь районсонть сехте покш тешкстнэде. Од прявтонтень ули мезе лангсо роботамс. Эрьва райононть нежезэ – экономикась. Сонзэ вельде пештяви бюджетэсь. Эряви весе вийтнень путомс районс инвестициятнень тердемантень. Строямс апак прядо объекттнэнь, кастомс велень хозяйствань невтевкстнэнь. В.Ф.Сушковонь валонзо коряс, районсонть эряви ламо мель явомс эрицятненень транспортонь услугатнень максомга. Нурькинестэ меремс, од прявтонтень ули мезе лангсо роботамс.

Н.Евдокимов

 

Новости

«СЯТКО» ДЫ «МОКША» журналтнэнень – 90!

Неть читнестэ МР-нь Пресс-центрасо ютась промкс, кона алтавсь «Сятко» ды «Мокша» журналтнэнь 90 иень топодемантень. Мокшонь кельсэ «Валда ян» журналось лиссь Пензасо, эрзянь «Сяткось» – Самарасо. Самай неть изданиятнесэ лиснесть минек ушодыця поэттнэнь ды писательтнень произведенияст.

Подробнее ...
 
Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...