Рубрикатор

Ардомань картат

Н.П.Огарёвонь лемсэ МГУ-нь студенттнэнь ды аспиранттнэнь туртов полавтовсь ардомань картань получамонь лувось. 2017 иень сентябрянь 1-це чистэнть саезь сынь максовить справкань коряс, конась кемексты ардомань картань получамонь праванть.

Истямо справкань саемга студенттнэнень, косо сынь регистрировазь, эрицятнень социальной защитань государственной казённой учрежденияв эряви кандомс истямо документт: ардомань картань получамга правань кемекстамодо яволявтома; документэнь копия, конась кемексты заявителень личностенть; студентэнь эли аспирантонь билетэнь копия.

Лия ёнкссто сазь студенттнэнень неть документтнэнь кандомат «Соцзащита населения по г.о. Саранск» ГКУ-в. Адресэсь: Саранск ош, Пролетарской ульця, 21-це кудо.

Бути документэнь копиятне апак кемекста нотариусонь кедьсэ, мартост кандомат оригиналтнэньгак.

Ардомань картась максови сентябрянь  1-це чистэнть саезь февралень 28-це чис; мартонь 1-це чистэнть саезь августонь 31-це чис (кить прядыть тонавтнемаст – июнень 30-це чис).

 

Новости

Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...
 
Чемпионатонть анокстамга

Мордовиянь Прявтось Владимир Волков декабрянь 16-це чистэ ютавтсь 2018 иень масторлангонь Футболонь чемпионатонтень анокстамга оргкомитетэнь промкс, конасонть важодсть МР-нь Госсобраниянь Председателесь Владимир Чибиркин, Правительствань Председателесь Владимир Сушков, Мордовиясо Главной федеральной инспекторось Михаил Сезганов, Саранск ошонь Администрациянь прявтось Пётр Тултаев, «Оргкомитет Россия – 2018» АНО-нь операционной директорось Дмитрий Годунов.

Подробнее ...
 
Прявтось Московсоль

Мордовиянь Прявтось Владимир Волков декабрянь 18-це чистэ Московсо важодемань коряс вастовкшнось Россиянь Финансонь министрань полавтыцянть Леонид Горнинэнь марто.

Подробнее ...