Рубрикатор

Анокстыть кором

Мордовия Республикась полады велень хозяйствань продукциянь ламолгавтоманть. Оперативной информациянть коряс 2017 иень васенце пель иестэнть велень хозяйствань предприятиятне ды крестьянонь-фермерэнь хозяйстватне мисть 180 тежат тоннат ловсо, эрьва скалсто потявтозь 3000 килограммат ловсо. Ули кором – карми ловсояк.

Коромонь анокстамонтень республикасо явови покш мель. Истя, эряви анокстамс 121 тежа тоннат тикше, 706 тежат тоннат сенаж, 845 тежат тоннат силос, 257 тежат тоннат концентрированной кором, конатнестэ 180 тежат тоннатне кукурузань лепштязь зерна.

Сатышка силосонь ды вейке иень тикшень анокстамосо республикасо ули весемесь. 126 тежат гектарт ламо иень тикше. Ламо иень тикшенть структурасо 71% занить бобовой тикшетне.

2017 иень июнень 29 чинтень анокстазь 179 тежат тоннат сенаж, мезесь 25% эрявиксэнть эйстэ ды 5,5 тежат тоннат тикше. Коромонь анокстамосонть важодить 482 ледемкат ды 248 коромонь урядамонь комбайнат.

Тедеде покш мель явови коромонть вадрячинтень, ветеринарной службась ваны кода анокстави коромось. Тень чарькодезь, велень хозяйствань зярыя предприятиятне коромонть анокстыть чинек-венек, сенажонь яматнень пештить кавто-колмо чис, самай истя анокстави вадря кором, ды те лезды  иень перть саемс скалсто ламо ловсо.

П.Васильев

 

Новости

«СЯТКО» ДЫ «МОКША» журналтнэнень – 90!

Неть читнестэ МР-нь Пресс-центрасо ютась промкс, кона алтавсь «Сятко» ды «Мокша» журналтнэнь 90 иень топодемантень. Мокшонь кельсэ «Валда ян» журналось лиссь Пензасо, эрзянь «Сяткось» – Самарасо. Самай неть изданиятнесэ лиснесть минек ушодыця поэттнэнь ды писательтнень произведенияст.

Подробнее ...
 
Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...