Рубрикатор

ВГИК-ень Киношколась - Саранскойсэ

Июлень 3-це чистэ Саранскойсэ панжовсь Весероссиянь кинематографиянь государственной институтонь Раськеютконь кизэнь IX-це школась. Сон карми ютамо июлень 21-це чинть самс. Мордовияв састь эсенек ды омбо масторонь ушодыця кинематографисттнэ. Те – од  режиссёрт, кинооператорт, сценаристт, звукорежиссёрт, продюсерт. Колмо недлянь перть сынь содавтовить минек культуранть, койтнень-кирдатнень марто ды, нама, теить фильмат. Теде башка, участниктнень туртов ютыть семинарт ды практической занятият: кода снимамс документальной ды анимационной фильматнень. Сынст марто кармить важодеме содавикс педагогтне, режиссёртнэ, продюсертнэ.

Те киношколась важоди эрьва иестэ. Саранскойсэ ютавтомадо кортамось мольсь тельня. Сестэ МР-нь Прявтонть В.Д.Волковонь марто вастневсь Весероссиянь кинематографиянь государственной институтонь ректорось Владимир Малышев.

Кизэнь школань панжоманть коряс вастовомась ютась «Адмирал» гостиницасо. Лембе вал марто весе пурнавозтненень пшкадсь МР-нь Культурань ды национальной политикань министрась А.М.Чушкин:

– Минь кемтяно, Мордовиясо тынь муйтядо эстенк паро темат, важодеманк кармить виевть ды парт. Свал аноктано тенк лездамс, бажатано седе домкасто содавтомс тынк республиканок марто, косо ялгаксчисэ эрить ламо раськеть.

– Саранскоесь – пек мазый ош, Мордовияськак – талновтыця тарка. Прявт меленек – ёвтнемс республикадонть ды сонзэ ломантнеде масторлангонь келес. Кеман, минек участниктненень тесэ весемесь туи мельс, чачить седеяк ламо документальной важодемат, – кортась кинорежиссёрось, документальной кинонь секциянь ветицясь Владимир Фокин.

Киношколань участниктне явовить куронь-куронь. Эрьвась карми тееме Мордовиядо эсензэ фильма. Сынь кармить пачтямо минек оштонть, кода сон аноксты ютавтомс 2018 иестэ Футболонь коряс чемпионатонть, ёвтнить тесэ эриця ломантнеде.

Т.Маторкина

 

Новости

Конституциясь – прявт закон

Исяк, декабрянь 12-це чистэ, тешкставсь Россиянь Федерациянь Конституциянь чись – минек масторонь государственной прявт кенярксчитнестэ вейкесь.

1993 иень те чистэнть минек масторсо кемекстазель РФ-нь Конституциясь. Весе текстэсь максозель «Российская газета» изданиясонть 1993 иень декабрянь 25-це чистэ. 1994 иестэ, Россиянь Президентэнть Указонзо коряс, декабрянь 12-це чись ёвтазель государственной кенярксчикс. Зярыя иень перть те чись ульнесь официальной оймсема чикс. Ансяк 2004 иень декабрясто Госдумась совавтсь полавтомат РФ-нь Трудонь кодексэнтень. Оймсема чись полавтовсь, а сонсь кенярксчись кандозь Россиянь ледстнемань читнень юткс.

Подробнее ...
 
Косто рамамс куз?

Декабрянь 15-це чистэнть республикасонть панжовить кузтнэнь ды пичетнень микшнемань базартнэ. Саранскойсэ тень туртов кемекстасть 22 площадкат (микшнема таркатнеде жо весемезэ 77).

Подробнее ...
 
Краснослободскойсэ – од прявт

Ноябрянь 29-це чистэ Краснослободскоень муниципальной районсо ютась Депутатонь райононь советэнь 13-це  сессиясь. Мордовиянь Прявтонть В.Д.Волковонь кармавтоманзо коряс сессиянть роботасо примась участия Мордовиянь Правительствань Председателесь В.Ф.Сушков. Чинь повесткасонть ульнесь вейке кевкстема: райононь од прявтонть кочкамось.

Подробнее ...
 
Фан-зона

Саранскойсэ Футболонь коряс масторлангонь чемпионатонть ютавтомсто прявт ошонь куншкакуросо карми улеме фан-зона.

Подробнее ...
 
Кочкадо сехте мазый район

Саранскойсэ ютавтови онлайн-вайгелень максома, сонзэ вельде редяви, ошонь кона районось весемеде мазыйстэ наряжазь Од иень кенярксчитнес. Теде пачтясть ошонь Администрациясто.

Подробнее ...