Рубрикатор

"Сырнень сёксь" выставкасто велявтсть медаль марто

Мордовиянь Прявтось В.Д.Волков содавтызе Московсо ютыця «Сырнень сексь-2012» агропромышленной выставканть. Масторонь велень хозяйствань министранть Н.В.Федоровонь ды кой-кона губернатортнэнь марто Мордовиянь Прявтось ульнесь выставканть торжественнасто панжомасонть, истя жо «Государственная программа развития сельского хозяйства на 2013-2020 годы: эффективные механизмы реализации» Агрофорумонть важодемасо.

Теде мейле РФ-нь велень хозяйствань министрась Н.В.Федоров ванкшнынзе павильонтнэнь, конатнень невтнесть регионтнэ. Васенцекс ванкшнозтнень ютксоль Мордовиянь аграрной выставкась. В.Д.Волков Н.В.Федоровнень невтизе республикань велень хозяйстванть виевгавтомань стратегиянть, тень пингстэ башка мель явсь инвестициянь покш проекттнэнь тевс совавтомантень. Ютксост сырань теемань коряс кластерэнть виевгавтомантень.

Мордовиянь экспозициянть ванкшномсто РФ-нь велень хозяйствань министрась путсь покш питне минек невтневиця продукциянтень. Покш питне сон истя жо путсь республикань весе агропромышленной комплексэнь уровнянтень.

Велень хозяйстванть кастоманзо-кепетеманзо коряс Мордовиясь лиссь икеле молицятнень юткс. 2005 иестэнть саезь, зярдо нолдазель АПК-нть виевгавтоманзо коряс проектэсь, республикась колмоксть кастызе вельхозпродукциянь нолдамонть. Весемева полавтозель-одкстомтозель переработкань системась.

Московов, масторонь аграрной прявт выставкав, пуромкшность Мордовиянь сехте вадря 15 вельхозпредприятиянь представительтне. Кода, «Мордовский беконось», конась сокси-видни малав 90 тежат гектарт мода ды тувонь неень шкань комплекстнэсэ три-касты 110 тежадо ламо ракшат; «Октябрьская» агрофирмась, конась ашти Россиянь весе вельхозпредприятиятнень рейтингсэнть 18 таркасонть.

Европань уровнясонть неень шкасто важодить «Саранский» консервань заводось, «Ламзурь» кондитерской фабрикась, республикань сырань теемань заводтнэ, «Атяшевский» оень теемань заводось, «Мордовспиртэсь», «Оброченский» сывелень комбинатось ды переработкань лия предприятиятне. Од оборудованиясь ды экологически ванькс сырьясь лездыть сыненст нолдамс пек паро качествань продукция.

Мордовиянь павильонтнэнь вакссо свал ульнесть ламо ломанть. Московонь эрицятнень ды инжетнень мельс пек тусть колбасатне, сыратне, ловцось, эмежтне, кондитерской продукциясь. Истя жо – республикасонок кастовиця розатне, конатнень касты «Мир цветов» компаниясь.

Мордовиянь аграрийтнень туртов Московсо «Сырнень сексь-2012» агропромышленной выставкась те разнэяк кандсь кеняркс. Республикань сехте вадря велень хозяйствань 15 предприятиятненень ды перерабатывающей промышленностень предприятиятненень, конат участвовасть Весероссиянь аграрной выставкасонть, максозь «высшей пробань» ламо медальть. Весемезэ выставкастонть сынь усксть 24 медальть. Эйстэст 14 – сырнень, 8 – сиянь ды 2 – бронзань.

Мелят истямо жо выставкасто Мордовиянь аграрийтне сайнесть 19 медальть, тень ютксо 14 – «высшей пробань». Ансяк, кода мерсть МР-нь Велень хозяйствань ды продовольствиянь министерствасо, те а корты седе, што тедеде минек велень хозяйствань предприятиятне ды переработчиктне важодсть аволь виевстэ. Мекевланк, те иень аволь пек вадря кизэнть пингстэяк, республикань аграрийтне невтизь эсь ерокчист.

– Мон весероссиянь агропромышленной выставкатнесэ эрсян свал, – евтни «Агрофирма «Норов» ОАО-нь генеральной директорось А.И.Поздняков. – Эйсэст тонавтнян велень хозяйствасо одонть, од технологиятнень. Бажан теевеме содавиксэкс масторсонок велень хозяйствань виевстэ важодиця предприятиятнень марто.

Выставкасонть весемеде пек явовсть сырань теицятне, конатненень максозь сырнень ламо медальть. Меляткак сынь ульнесть казезь истят медальсэ. Сырнень лия медальтне сатотсть «Мордовский бекон», «Консервный завод «Саранский», «МордовспиртЪ», «Атемарская» предприятиятненень.

Те весемесь корты седе, минек республикань прявттнэ покш мель явить велень хозяйстванть виевгавтомантень. Московсо агропромышленной выставкань комитетэсь Гран-При макссь МР-нь Правительствантень – «За вклад в развитие выставки и оригинальное оформление экспозиции республики».

Тешкстасынек эште вана мезенть, Московсо Кремлянь дворецсэ ютавтозель торжественной промкс, кона алтазель Велень хозяйствань ды перерабатывающей промышленностень важодицянь чинтень. Тесэ велень хозяйствасо важодицятнень лемс ламо лембе валт евтась РФ-нь Президентэсь В.В.Путин.

Мейле велень хозяйствань важодицятненень поздоровт евтась ды арсесь кеме шумбрачи РФ-нь Велень хозяйствань министрась Николай Федоров. «Сырнень сексь» выставкасонть казевсть велень хозяйствасо парсте важодицятне. «За вклад в развитие АПК России» сиянь медаль максозь МР-нь Лямбирень райононь «Совхоз «Белотроицкий» ОАО-нь трактористэнтень В.Щекиннэнь.

Петр Зиновьев

 

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...