Рубрикатор

А.А.Святкина: «Эрьва чистэ учан Юрань кудов»

Те иень даволковсто топодсть колмо иеть, кода Северной Кавказсо служебной командировкасо улемстэ чавовсь патрульно-постовой службань сотрудникесь полициянь капитанось, эрзянь цёрась Юрий Святкин. Даволковонь 15-це чистэ валскень 9 чассто Джемикент посёлканть вакссо аштиця ГИБДД-нь постсонть лиссь сезевема. Постонть вакссо ванномань шкасто сезевсь автомобиль. Юрий Святкиннэнь ульнесть ансяк 36 иеть. Урозокс кадовсь вечкевикс семиязо – Елена низэ, Кира тейтернезэ ды Саша цёрынезэ. Авазо, Александра Андреевна, ансяк сонсь соды, кодамо покш апаро кирди, кода ризны-сэреди аванть седеезэ, ансяк сонсь марясы те ризксэнть покшолманзо.

 

                          Аванть уцясказо
Александра Андреевна Святкинань кудосонзо сэтьме. Зярдо сынек тензэ инжекс, авась оймсесь, толковизе: аволь умок сась Дубёнкань больницясто, аноксты операцияс Чебоксаров, пек сэреди пильгезэ. Кудос совамсто сельмс каявсть стенас понгавтозь, столь лангс путозь фотографиятне, конатнесэ Святкинтнэнь покш семиясь, весе мизолдыцят, мазыйть, одт.
– Мон эдь пингем перть важодинь школасо, стажом – 38 иеть, – ёвтни эрямодонзо Александра Андреевна. – Ицялонь педучилищанть прядомадо мейле кучимизь важодеме Поводелень школав математикань тонавтыцякс. Зярыя иень ютазь макссть тень васенце класс ды уш пенсияв лисемс важодинь начальной классонь тонавтыцякс.
Мирденень Александра Андреевна лиссь комсь иесэ. Ансяк уцяскась мизолдсь аволь куватьс. Вете иень ютазь мирдезэ тусь эрямосто: сыргась вирев патянстэнь пенге мельга ды чавовсь. Александра Андреевнань кедьс кадовсь Нина вишка тейтерькаст. Зыянонть лисемадо мейле сон оштё сисем иеть эрясь вейсэ ававтонзо ды парыянзо марто.
Омбоцеде Александра Андреевна мирденень лиссь Поводелень цёрантень Дмитрий Фёдоровичнень. Тонась ськамонзо кастсь-трясь колмо эйкакшт, низэ рана кулось.
– Вана истя васодинек кавто доват. Монень ульнесть колоньгемень кавто иеть, мирденень – ниленьгемень кавто. Сонзэ эйкакштне уш покшольть, сехте вишкинентень кемнилее ульнесть, – ледстни А.А.Святкина. – Мария, Екатерина ды Михаил. Койсэнь, сынь вадрясто вастымизь. Эринек свал ялгаксчисэ, чарькодемасо, велень ломантне зярдояк эзть корта ланганок. Шкань ютазь тейтертне лиссть мирденень, цёраськак армиясо служамодо мейле урьвакстсь. Стявтсь кудо, миньгак, мейсэ маштынек, лездынек тенст. Ней уш сынсесткак нуцькаст улить.
Александра Андреевна ды Дмитрий Фёдорович чачтсть кавто цёрат – Юрий ды Владимир. Семияст покшоль, уцяскаволь, кудост свал пешксель эйкакшонь кенярксов шалтто. Дмитрий Фёдорович пингензэ перть важодсь колхозсо.
– Минек Юра мейсэяк эзь явово велень эйкакштнень эйстэ, вечксь роботамо. Сеть шкатнестэ колхозтнэсэ эдь тонавтницянь бригадат ульнесть. Котоце-сисемеце классо тонавтнемстэ Юра ялганзо марто якиль паксяв, тикше кочкильть, оштё кодаткак тевть максыльть тенст. Уш 9-це классо тонавтнемстэ Юра энялдсь тетянстэнь лездамс тензэ понгомс важодеме комбайнёронь лездыцякс. Ды эрьва кизэнть истя ютавтсь паксянь тевтнесэ. Мон кургостонзо вестькак берянь вал эзинь марякшно. Юра ульнесь эрямонь вечкицякс, кенярдыцякс, чамасонзо свал ульнесь мизолкс. Весе ялганзояк эйстэнзэ кортыть ансяк паро ёндо, – ледстни цёранзо Александра Андреевна. – Вана те фотографиясонть Юра уш пионер, а Вова – октябрёнок.
Кавонест цёратне кочкизь алкуксонь цёрань тевтнень. Владимир тонавтнесь Москов ало Коломна ошсо Высшей артиллерийской училищасо морской пехотань факультетсэ. Сонзэ прядомадо мейле васняяк важодсь Севастопольсэ, мейле ютавтызь Симферополень военной частев. Мелят тензэ максызь подполковникень званиянть.
Юра жо школань прядомадо мейле максынзе документэнзэ тонавтнемань зярыя учреждениятнес. Сон ульнесь Мордовиянь университетэнь студентэнь спискасонть, ансяк полавтызе мелензэ, эзь карма тонавтнеме агрономокс ды кочкизе Елабугань РФ-нь МВД-нь милициянь специальной средней школанть. Прядомадонзо мейле важодсь участковоекс Дубёнкань районсо. 2004 иестэ прядызе РФ-нь МВД-нь Нижегородской Академиянть.
– Юра урьвакстсь комськотово иесэ. Лена урьвам эсенек велень, сестэ оштё студенткакс ульнесь, – ёвтни цёранзо семиядонть Александра Андреевна. – Сынь сайсть мель туемс эрямо Саранскоев. Тосояк Юра важодсь васня участковоекс, мейле кармась ППС-нь сотрудникекс. Эрясть вадрясто-парсте, кастсть кавто эйкакшт: Кирань ды Сашань.

                               Зыянось сась апак учо
– Юрань туртов те ульнесь васенце командировка Северной Кавказов. Васенце ды меельце… Весе ялганзо велявтсть кудов, а Юра чавовсь, – а кирдевить аванть сельведензэ. – Сонзэ туеманть каршо тешкстынек Сашань чачома чинзэ, колмо иеть тензэ топодсть. Вана неть фотографиятне теезельть туемстэнзэ. Пурнавинек ильтямонзо, Юра уш оршакшнось, мейле каизе прястонзо шапканть ды мерсь: «Ули мелем кудосо снимамс вейсэ». Саизе Сашань кедезэнзэ, путызе прязонзо шапканть ды снимасть. «Авай, ней тонь марто». А вана Лена ды Кира марто неть фотографиятне теезь чугункань кинь вокзалсо. Ильтинек ды ловинек чить, зярдо Юра велявты кудов.
Мон сестэ кедьсэст эринь, Лена лиссь важодеме, а мон нуцькатнень марто аштинь. Оймсема читнестэ ардтнинь Поводелев, кудонть варштамо. Ки соды, марясь седеем зыянонть лисемадо эли эзь… Се чистэнть самай сынь Поводелестэ. Урьвам шабранзо марто каршон лиссть роботамо, мон лифтсэ кузинь квартирантень. Я, аламошка шкань ютазь, гайневти урьвам: «Авай, Кира школав тусь?» «Тусь. А мезе теевсь?» – кевкстнян эйсэнзэ. – «Мезеяк эзь». Пельчасонь ютазь марян совицят: Лена марто Кират састь, мон лисинь каршозост, кевкстнян: «А тынь мекс сыде?» Весть кевкстия, чатьмони, омбоцеде, колмоцеде. Лена каршон: «Дагестансо лиссь сезевема, Юра чавовсь». Мон каршонзо: «Юра эзь чавово, бути ранявсь, пек ранявсь». Сон чаравты прясонзо. Мон озавинь прихожкантень, валон арасельть, ансяк серьгединь: «Караул!» Вай, кодамо апаро ульнесь! – сельведь марто ледстни ризксэв кулянть пачтямодо Александра Андреевна. – Сеске квартирантень совасть ашо халатсо колмо ломанть: врач, медсестра ды психолог. Лена эйкакшонзо кутмордынзе, озась кроватьс ды лайши. Мон нейгак а лотксян лайшемеде, те зыянось зярдояк а стувтови. Вана истя кадовинек Юравтомо. Марявсь тень, менелесь чополгадсь, пильгень алдо модась кавтов лазовсь. Арсинь, ваян те лазксонтень. Вана истяшкаль апаром. Те горясь монень а стувтови ды а кадови. Эйкакшонь калмамодо седе покш зыян арась. Пазось покш горя тень макссь. Куломазон карман учомо Юрань кудов… Онстон некшнян эйсэнзэ вишкинестэ, кавксошка-кеменьшка иесэ, мезеяк а корты ды мезеяк а ёвтни.
А мезть кортамс, кияк а полавтсы эйкакштненень тетяст, нинтень мирдензэ, авантень цёранзо. Тень лангс апак вано, Александра Андреевна ёвты сюкпрянь валт весенень, кить лездыть сонензэ, Юрань семиянтень. Святкинтнэ ёвтыть сюкпря республикань ды МВД-нь руководствантень. Юрий Святкинэнь лемесь максозь Саранск ошонь вейке куронтень.
– Мордовия Республикава Внутренней тевень министрась Юрий Васильевич Арсентьев свал ёвты тень поздоровт весе кенярксчитнень кувалма, лезды. Корты, бути кармить кевкстемат, энялдомат – гайневть, мон свал лездан. Сюкпря тензэ. Тедеде вана ведем арасель. Юрий Васильевич марто кортамсто ёвтыя те стакачинть. «Да? Тонь ведеть арась?» Кавто часонь ютазь одс гайневтсь: «Мон муян теть бригада ды чувовтан лисьма». Ды вана якшамковонть прядовомсто тейсть тень од лисьма. Кизна эряви кудов веденть ветявтомс, монень стака, пильгень сэредить, ведь ведрась а кандови. Лездыть эсенек Дубёнкань полициянь отделэнь прявттнэяк. Сюкпря весенень, а стувтнить эйсэнек.
Александра Андреевна эри ськамонзо. Видькстась, Саранскойсэ тензэ квартира макссть, урьвазояк терди эйсэнзэ, ансяк отказы: стака велень ломанентень эрямс ошсо, жаль кадомс тиринь кудонть. Авась ванкшны икелень фотографиятнень, ледстни, кода уцяскавсто эрясть. Учи ды кеми, вана панжови кудонь кенкшесь, сови Юра ды, кода свал, пшкади: «Авай, лакавтык чайникенть, симемам пек сась».
Т.Аксенова


07.03.2019

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.