Рубрикатор

Александр Подсеваткин:«Тиринь ёнксось – сехте покш вечкемам!»

Ноябрясто, Раськетнень вейсэндявомань чистэнть, Мордовиянь Прявтось Владимир Дмитриевич Волков казсь «Петролинк» ООО-нь генеральной директоронтень Александр Сергеевич Подсеваткиннэнь покш казне – сон кармась Славань III степенень орденэнь кавалерэкс. Те ульнесь истя жо вадря казне сонзэ 70 иетненень, конатнень Подсеваткин тешкстынзе тедедень август ковсто. Кись те лементень ульнесь кувака ды аволь шождатнестэ. Александр Сергеевич, кода икелень военной, запассо полковник, а вечки эсь эрямонзо-аштеманзо ланга ламо кортамо, прянь шнамо, ёвтнеме эсензэ изнявкстнэде ды мелявкстнэде. Кода алкуксонь эрзянь цёра, сон весе тевензэ теи апак капша, арсезь, а вечки стяконь «лавгамот» ды бути  мезе алты – топавтсы. 

 

Чаунза ёнксонь Кульмина велень эрзянь цёрынесь Санька Подсеваткин чачсь Ине Отечественной войнадо мейлень 1948 иестэ ды эйкакшпорасто саезь арсесь улемс лётчикекс. Сестэ весе цёрынькатне бажасть танкистэкс улемс эли космонавтокс. Бути уш космонавтокс а удалы, сестэ самолётонь ветямоськак паро. 1961 иестэ космосос васенцеде ливтясь минек Ине космонавтось Юрий Гагарин, ды Подсеваткинэнь мельс-превс менельга ливтнемань арсемась седеяк кемекстась. Санькань тетязо-авазо жо арсесть аламодо лиякс. Авазо, Мария Васильевна, роботась школасо тонавтыцякс ды, нама, бажась максомс тейтерензэ ды цёранзо туртов высшей образования. Тетязояк, Сергей Павлович, каршо эзь моле ды школань прядомадо мейле Санькань ильтизь «наукань гранитэнь пореме» Саранскоев Н.П.Огарёв лемсэ университетэв химико-биологической факультетэв. Од цёрась каршо эзь моле, апак музгорде тонавтнизе васенце курсонть ды оргодсь Саратовав военной училищав. 

Военноень уцяскась а шождатнестэ, савсь ардтнемс педе-пес весе Советской Союзонть: ульнесь Оренбург ёнкссо, Прибалтикасо, зярыя иес командованиясь кучокшнызе Венгрияв. Комсь иеть Александр Сергеевич служась тиринь масторонтень, прядсь Московонь военной академия, полавтсь кемгавтово военной частть ды эрямо таркат. Свал те шкастонть вакссонзо ульнесь сонзэ пелькскезэ – Людмила Семёновна низэ, кона чачтсь тензэ кавто цёрат – Вячеславонь ды Сергеень, ды весе военноень стакачитнень явинзе мирдензэ марто кавтов. «Мезе служиця ломаннень сехте эрявиксэсь? Арсян, кеме тылэсь. Зярдо кудосо тонь учить вечкиця ды чарькодиця ни, превей, кунсолыця эйкакшкеть – сестэ овсе а ацирьгалят, кодамо лувсо тон эрят, сехте паро, зярдо малавиксэть шумбрат ды свал вакссот», – ёвтни Александр Сергеевич. Людмила Семёновна весе эрямонзо максызе семиянзо туртов. Сон, кода офицерэнь алкуксонь ни, эрьва од таркав самодо мейле бажась пурнамс-сэрнямс лембе «пизыне».
Ялатеке седеесь тошнакалесь тиринь ёнксонть кисэ кода Людмила Семёновнань, истя Александр Сергеевиченьгак. Кудосо кортамс эрзякс ансяк савкшнось вейкест-вейкест марто, Кульмина тиринь велев сакшность чуросто. Венгриясо служамсто Александр Сергеевич весть натой сёрмадстокшнызе военной частев «Эрзянь правда» газетанть ды мельспаросо ловнось Мордовиянь кулятнеде.

Тиринь ёнксов сынь велявтсть 1988 иестэ. Александр Сергеевич кармась важодеме гражданской оборонань штабсо, кассь командирэнь полавтыцякс. Зярдо панжозель МЧС-сь, Подсеваткин ладязель министрань полавтыцякс. 2000 иестэ полковникень званиясо сон тусь запасос ды кармась Мордовия Республикань ГМС-нь микшниця «Петролинк» содавикс компаниянть прявтокс. Кемгавксово иеть Александр Сергеевич те таркасонть, пурнась перьканзо пек кеме, виев, эсь тевень содыця команда. Меельце покш тевекс, конань «Петролинк» ООО-сь топавтызе кода спонсор, кармась 2018 иень Футболонь коряс масторлангонь чемпионатонтень Mercure Saransk Center отеленть строямось. Ней те инжень кудось мазылгавты Саранск ошонть ды эште покш инжень вастома ды эрямо тарка.
Кортыть, ломанесь уцяскав, зярдо сон капши валске рана роботамо таркав, чокшне жо мельспаросо чии кудов. Арсян, Александр Сергеевич самай неть ломантнень ютксто ды эште сетнестэ, конатне сынсь кассть верев. Те эрзянь цёрась, кода мерить рузтнэ, «сделал себя сам». Арасельть эрзянь велень цёранть сюпав тетянзо-аванзо, покш таркасо аштиця роднянзо-раськензэ. Весементень, мезе сонзэ ней ули, Подсеваткин пачкодсь эсь превсэнзэ ды вийсэнзэ. Сатыть Александр Сергеевичень виензэ лиятнененьгак лездамс.
Ули сонзэ обуцясо вейке ёнксозо – пек вечксы тиринь велензэ ды эсензэ эрзянь раськензэ. Нама, сон «прясто пильгс эрзя», ансяк теде а пижни эрьва косо ды, паряк, эрзянь раськензэ туртов тейсь кой-киде, «мештес чавицятнеде», седе ламо. Зярыя иеде теде икеле тиринь Кульмина велесэ сонзэ лездамонзо вельде одс стявтозель ды панжозель Вознесениянь церьковась. Те православиянь кенярксчись ловови веленть престольной праздникекс, ды Кульминань пазнэнь кемицятнень-озныцятнень туртов од храмось кармась покштояк покш казнекс ды веленть мазылгавтомапелекс. Кульминасо Александр Сергеевичень лемдизь Почетной гражданинэкс ды тосонь эрицятнень туртов Подсеваткин васенце неже ды лездыця весе кевкстематнень коряс. Александр Сергеевич – ломанесь панжадо седей, эсест мелявксост кувалма сонензэ секе-тев гайневтнить телефонсо ды сакшныть кудов. Кие учи превспутомат, кие, эрси истяяк, сонсь максы превть. Сеедьстэ, нама, ломантне вешить лезкс эли ярмакт, кода эсест туртов, истя велентеньгак. Сон свал кунсолосынзе, киненьгак а отказы, арсемадо мейле карми вешнеме мелявксонь витема кить-янт. Вана аволь умок Подсеваткинэнь лездамонзо вельде вельтязель асфальтсо велень калмолангов кись, теде икеле тозонь стявтозель од пирявкс, шукшпряв ускозельть празь чувтотне, ванськавтозельть покштятнень-сырькайтнень меельце таркинест.
Александр Сергеевич ламо ярмакт максы благотворительной тевтнес, ансяк сон а вечки теньсэ шнамс прянзо ды ёвтнемс теде эрьва косо. Улемс лезэвекс эсь тиринь ёнксонть туртов прянь апак покшкавтне – те Александр Сергеевичень васенце мелезэ. Весе сонзэ паро тевтнеде минь карминек содамо Кульмина велень эрицятнень пельде. Зярдо кевкстинек Подсеваткинэнь, кодамо тарка сонзэ седейсэ саи чачома велезэ, сон мерсь – васенце. «Кодаткак лембе масторт а эрявить, ансяк тиринь велесэ оймси рунгось ды оймесь. Кода ютат велень ульцятнева, маласо виртнева-паксятнева, сеске пештяват а ёвтавикс тиринь модань вийде!» – ёвтни Александр Сергеевич.
Теке марто Подсеваткинэнь седейсэ покш тарка явозь семиянзо, роднянзо-раськензэ, умонь ялганзо туртов. Кульминасо сынь свал пурнавкшныть кенярксчитнестэ ды оймсема читнестэ вейсэнь лембе «курынес». Александр Сергеевич мельспаросо корты эсензэ цёранзо ды каштансто – нуцькинензэ ланга. Вячеслав – васенце цёразо, полковник, служи Смоленскойсэ. Сергей, веженсь цёразо, 1-це классонь юстициянь советник, Мордовия Республикасо государственной регистрациянь, кадастрань ды картографиянь Федеральной службань Управлениянь прявт. Александр Сергеевичень колмо нуцьканзо: Маша, Саша ды Наташа. Вана сындест сон ёвтневель кувать. Эйкакштне парсте тонавтницят, эрьва кодамо предметэнь коряс олимпиадасо изницят, фотографияст школасо аштить Почетонь таркасо. Покштяст видьксты, нуцьканзо ней васенце таркасот, секскак свал бажи эйсэст васькавтнемс казнесэ. Сыньгак превейнеть, ёжовнеть, свал чарыть-велить покштяст перька, кевкстнить-пейдевтить ды теньсэ кандыть покш мельспаро. Пурнавомс вейс, ёвтнемс вейкест-вейкест туртов изнявкстнэнь-мелявкстнэнь – те теевсь Подсеваткинтнэнь семиясо паро коекс.
Тешкстама, мирдть-нить Подсеваткинтнэ вечкемасо-сэтьмечисэ эрить малав 50 иеть ды курок тешкстасызь эсест «сырнень свадьбаст». Александр Сергеевич вейсэнь эрямонь салавачикс лови вейке-вейкень икеле прянь а покшкавтнеманть ды вейке-вейкенень савтоманть, сестэ явомадо мельтнеяк пряудемс а кармить сакшномо.
Александр Сергеевич лови эсь прянзо уцяскавокс ялганзо кувалма, эдь сонзэ пек кеметь сюлмонзо умонь оянзо М.П.Волковонь, В.В.Акишевень марто. 35 иеть сон содавикс химической наукань докторонть, генерал-лейтенантонть И.Н.Таргун марто, кона свал бажи пачкодемс Мордовияв ялганзо чачома чинь тешкстамо. Савкшны ялгатнень туртов лиясто, зярдо пек энялдыть, гармошкасояк седямс, эдь Александр Сергеевич эйкакшпорасто саезь вечксынзе мельганзо моравиця гайтев моротнень. Юткошкасто, ней, видькстась Александр Сергеевич, седе чуросто, сон ардтни калонь кундсеме, тельня лиясто снегоходсо охотав, сокссояк кирякстни зярыя вайгельбеть. Эдь сон сокссо кирякстнемань коряс спортонь мастер ды эште парашютсо кирнявтнемань коряс дока ломань. Зярдо-бути умок, од порасто, Александр Сергеевичте натой «Советский спорт» газетасо лиснесь «Паренек из Мордовии» статья. Тосо меельце валтнэ ульнесть истят: «Вана истят алкуксонь цёрат чачты-касты минек масторось!». Минь бу поладовлинек – минек эрзянь масторось!

Марина Девятова


12.12.2018

 

Новости

Депутат Госдумы РФ Сергей Чиндяскин посетил с рабочим визитом Кочкуровский район
Депутат Госдумы РФ Сергей Чиндяскин в рамках региональной недели в июне посетил Мордовию. Он прибыл в Кочкуровский район. Свой рабочий визит Сергей Чиндяскин начал со встречи с главой Кочкуровского района Светланой Герасимовой. А позже принял участие в работе круглого стола, на котором были рассмотрены вопросы по работе в муниципалитете регионального оператора по обращению с ТКО и действия программы по развитию сельских территорий. Основное внимание было уделено обсуждению проекта госпрограммы по развитию сельских территорий на 2020-2025 гг., благодаря которой у сельских жителей появится возможность решить целый ряд проблем.
В тот же день депутат посетил с.Старые Турдаки, Центр национальной культуры народных промыслов и ремесел села Кочкурово, а также экспериментальную детскую художественную школу в Подлесной Тавле.


 
Жители Мордовии обратились к Сергею Чиндяскину с пенсионными вопросами
14 июня депутат Госдумы Сергей Чиндяскин провел прием граждан в
региональной общественной приемной Председателя Партии «Единая
Россия» Д.А. Медведева.
По поводу назначения льготной пенсии обратилась к нему жительница
Саранска. Она рассказала, что проработала в психиатрии14 лет. Общий
трудовой стаж заявительницы - 32 года. В трудовой книжке имеются все
необходимые записи, но в Пенсионном фонде республики ей отказывают в
назначении досрочной пенсии. Сергей Чиндяскин взял решение этого
вопроса под личный контроль.
Подробнее ...
 
Сергей Чиндяскин обсудил вопросы развития религиозного туризма в Темникове
13 июня Сергей Чиндяскин с рабочим визитом посетил Темниковский
район Мордовии. Вместе с главой района Сергеем Кизимом он принял
участие в работе круглого стола на тему: «Сельский и религиозный туризм –
одно из направлений развития Темниковского муниципального района».
Цель данного мероприятия - привлечь внимание к развитию туризма на
территории района. Темников является старейшим городом Мордовии, имеет
богатую историю. Он связан с именами адмирала Ф. Ф. Ушакова,
основоположника мордовской литературы З.Ф. Дорофеева, первой русской
героини Алены Арзамасской и других. На территории района находится
Рождество-Богородичный Санаксарский мужской монастырь, который уже
является центром паломничества.
Подробнее ...
 
Депутат Госдумы Сергей Чиндяскин посетил Теньгушевский район Мордовии
Июньскую региональную неделю депутат Госдумы Сергей Чиндяскин
начал с посещения Теньгушевского района Мордовии. Парламентарий
провел рабочую встречу с главой района Александром Кузьминым, на
которой были обсуждены вопросы социально-экономического развития
территории. Далее он встретился с руководителем МКП «Коммунальщик»
Александром Макаевым. Тема встречи очень актуальна для всех жителей
районного центра – качество питьевой воды. Чтобы его улучшить, здесь
необходимо реконструировать 18 км водопровода и построить
дополнительный водозаборный узел. В настоящее время готовится проектно-
сметная документация. Сергей Чиндяскин взял на личный контроль решение
данной проблемы.
Подробнее ...
 
При поддержке «Единой России» состоялся Республиканский фестиваль по настольным спортивным играм среди людей с ограниченными возможностями
10 июня при поддержке партийного проекта «Единая страна – доступная среда»
на базе регионального отделения «Всероссийского общества инвалидов»
состоялся Республиканский фестиваль по настольным спортивным играм среди
людей с ограниченными возможностями. Всего на фестивале присутствовало 36
участников.
Подробнее ...