Рубрикатор

Од парламентарийтнень марто вастовома

Мордовиянь од ломанень парламентаризмань школань кунсолыцятне уш аволь весть ульнесть Государственной Думасо ды домкасто теевсть содавиксэкс парламентэнь алце палатанть важодеманзо марто. Истят экскурсиятнень анокстамосо лезды Государственной Думань депутатось Александр Воробьев. Неть читнестэ парламентариесь вастовкшнось од активисттнэнь марто. Кортамось ветявсь кевкстематнень лангс каршо валонь максоманть лувсо. Истят кортамотнень Александр Воробьев лови пек эрявиксэкс.

 

– Од ломанень политикась – те прявт ёнкс масторонть касомасо-виензамосо. Одтнэнь арсематнень топавтомга важодить башка проектт ды программат, конатнень эйстэ ламотне тевс нолдавить Россиянь Президентэнть мелензэ коряс. Государственной Думасо ули од ломанень парламент ды минь нетяно, од ломантне важодить пек ёроковсто, ёвтыть эсь мелест талновтыця кевкстематнень ванномсто. Думанть важодеманзо марто содавтомсто, республикань активисттнэ кевкстнесть законодательной акттнэнь ванномадонть ды примамодонть, профильной комитеттнэнь важодемадонть, сеть арсематнеде, конат токить од политиктнень, – мерсь Александр Воробьев.

Вастовоманть юрсо толковазельть ламо кевкстемат. Васняяк сынь ульнесть экономикань касомадонть-винзамодонть, велетнень паролгавтомадонть, шумбрачинь ванстомань сферадонть, тонавтомань ёнкстнэде. Парламентариесь ёвтызе Мордовиянть, кода эрязасто касыця-виензыця регион, конась пек вадрялгадсь меельце иетнестэ.

«Единой Россиянть» вадря важодемань прявт ёнкстнэнь коряс кевкстеманть лангс каршо валонь максомсто Александр Воробьев тешкстызе, ламо тееви кочкицятнень марто важодемстэ. Партиясонть прявтокс ловить аволь ансяк кунсоломо маштоманть, истя жо ломантнень марямонть, сынст мелявкстнэнь ды талновтыця кевкстематнень решамонть. Ды теемс тень весементь ломантненень мелень явозь.

 

Новости

Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...
 
В рамках приема граждан Председатель ЕР поддержал социально значимые инициативы

Ряд социально значимых поручений дал Председатель «Единой России», премьер-министр Дмитрий Медведев в ответ на обращения, поступившие в рамках прима граждан, который прошел 30 ноября в Центральной общественной приемной Партии.

Подробнее ...