Рубрикатор

Денис Тикшайкин: «Бути а шешкемс ве таркасо – весемесь топавтови!»

Кода мазылгадсь-паролгадсь меельце иетнестэ Отяжеле райононь поселкась! Ютат тува, седеесь кенярды – кой-кона покш оштнестэяк а неят истят одкстомтомат. Теде кортыть кода тосонь эрицятне, истя жо инжетнеяк. Аволь умок минь вастовинек Отяжелень райононь администрациянь Строямонь, архитектурань ды ЖКХ-нь управлениянь прявтонть Денис Викторович Тикшайкин марто, конась уш ламо иеть райононь Администрациянь прявттнэнь марто путы весе виензэ, ёрокчинзэ ды содамочинзэ тиринь енксонть вадрялгавтомантень ды энялдынек тензэ евтнемс седе, кода неень шкане молить тевтне районсонть кудотнень строямонь, китнень витнемань, шукштнэде ванськавтомань ды лия мелявксов кевкстематнень коряс.

 – Денис Викторович, Отяжелева ардомсто свал дивсян, кода парсте тесэ одкстомтозельть ташто кудотне, сынст латотне ды чачотне. Неяви, кода парсте моли од кудотнень строямоськак. Евтнеде, инеськеть, кода тедеде молить тевтне тень коряс?

– Васняяк тешкстаса, минь строятано од кудот ды витнетяно-петнетяно таштотнень «Устойчивое развитие сельских территорий на 2014-2017 годы и на период до 2020 года» подпрограмманть коряс. Мелят эксплуатацис нолдазельть эрямо таркань 7300 кавонзазь метрат, тедедень 9 ковтнес – 4340 кавонзазь метрадо ламо. Строямось ды реконструкциясь сехте пек моли Отяжеле поселкасонть, программань участниктне эште стявтыть эстест кудот райононь куншкакуронть маласо аштиця велетнева: Тетюшисэ ды Покш Манадышсэ, «Сараст» совхозсо, Отяжеле велесэнть. Тедеде эсест эрямонь лувост программанть коряс паролгавтызь зярс 13 семият, конатнестэ кавтотне ламо эйкакшонь трицят. Мертядо аламо? Евтаса, мекс. Программантень саевить ансяк сеть семиятне, конатнесэ кияк семиясонть важоди велень хозяйствасо. Истятнэде районсонть пек аламо.
Весемезэ жо минек администрациясо очередьсэ аштить 94 семият. Эйстэст 23-тне од семият ды ансяк 10-тне совить евтазь программантень. Лия 31 участниктне важодить «Атяшевский» МПК-со, 18-тне роботыть бюджетэнь сферасо, меельцетне торговлясо ды лия таркасо.
Эште вейке мелявксось, мекс программанть истя аламо участникензэ, те – кудонь строямонь туртов модатнень аразьчись. Тень кувалма уш кавто иеть Отяжелень администрациясь аноксты площадка Тетюшинть ды Отяжеленть ютксо. Сонзэ коряс анокстазь весе эрявикс документациясь. Арсеви тозонь строямс кото ульцят, ней ушодовсть газонь, ведень ветямонь васенце тевтне.
– Кудотнень строямодо башка арсян, эште вейке сехте «сэредстиця» мелявксокс ашти китнень витнемась-петнемась…
– Нама, китнеде эряви кортамс башка. 2017 ды 2018 иетнестэ минь администрациянь килангонь фондонь средстватнень лангс витнинек китнень Капазэлесэ, Ботужелесэ, Отяжеле поселкасонть ды Отяжеле велесэнть. Весемезэ ютавтозельть 7 миллиондо ламо целковойть. Арсетяно седе тов витнемс китнень Целпановасо, Тетюшисэ, Сабанцелесэ ды эште 12 велесэ. Кой-кона велетнесэ уш тевтне ушодовсть. Ялатеке тешкстама, китнень строямось ды одкстомтомась пек питней тевесь. Ярмактнеде эрявить ламо. Невтемакс, Сабанцелесэ Октябрьская ульцяванть 1,6 вайгельбесэ кинть одкстомтомась сти 16 миллионт целковойть, Целпановасо К.Марксонь ульцяванть 1,4 вайгельбетне 12 миллионт…
– Денис Викторович, кода молить тевтне социальной сферань объекттнэнь одкстомтоманть коряс?
– Тедеде витнезель-петнезель Покш Манадышень школань спортзалось ды латось. Тень кувалма ютавтозельть 900 тежат целковойть. Сыця шкастонть карматано строямо социальной куншкакуро ды ФАП Ботужелесэ, Ламбаськесэ арсеви одкстомтомс Культурань кудонть. Райононь вете школатнесэ стявтозь од котельнойть.
– Минек ловныцятнестэ ламот пеняцить, келя, меельце шкастонть мекс-бути седе эрязасто мазылгавтовить Отяжеле поселкась ды вакссонзо Отяжеле велесь? Стувтневить лия велетне. Мезе тынь мертядо тень кувалма?
– 2017 иестэ саезь Отяжелень районось кармась «Формирование современной комфортной среды» программанть участникекс. Сонзэ вешематнень коряс, минек районсонть тозонь совавтовить ансяк кавто велеть: Отяжеле поселкась ды велесь. Лия велетне а совить, эдь эйсэст эрить 1 тежадо седе аламо ломанть. Те программанть коряс мелят паролгавтынек ламо квартирас зярыя кудотнень икельксэст. Тедеде тевтне поладозельть лия кудотнень икельга. Ярмактнеде неть тевтнес явозельть федеральной, республикань ды эсенек райононь бюджетстэ малав 3 миллионт целковойть. Сынст вельде асфальтсэ ацазельть кудос ветиця китне, стявтозельть ульцянь валдомтома светильникть, путнезельть скамикат, шукшпрянь пурнамкат ды эйкакштнень туртов налксемань комплекст. Сынсь эрицятнеяк мельспаросо лиснить поселканть ванськавтомо сеедьстэ ютавтовиця субботниктнестэ. Шукшонь пурнамонть ды явозь таркав ускоманть мельга ваны «Ремондис» компаниясь.
Велень администрациятнень туртов жо ули лия программа: «Устойчивое развитие сельских территорий». Сонзэ коряс, невтемакс, парсте роботы Сабанцелень велень поселениясь, косо одкстомтозельть велень куншкакурось: озавтозельть тозонь чувтт, витнезель Ине Отечественной войнас чавовозь солдаттнэнь туртов кеврунгось, путнезельть скамикат, видезельть цецят. Одкстомтозель школа икеле эйкакшонь площадкась ды хоккейсэ налксемань кортось.
– Денис Викторович, кодамо лувсо арсетядо важодемс седе тов? Кодат проектт арсетядо топавтомс васенцекс?
– Арсетяно сыця иетнестэ седе эрязасто важодемс зярыя национальной проекттнэнь коряс, кода «Жилье и городская среда», «Экология», «Безопасные и качественные автомобильные дороги», «Здравоохранение» ды «Культура». Бути а шешкемс ве тарксо, сестэ весемесь топавтови!

Кортась Марина Девятова
Фототне С.Чиженковонь.


07.11.2018

 

Новости

Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...
 
Ёвтасть поздоровт Геройтнень аватненень

Мартонь 8-це чистэ од ломантне содавтызь ды ёвтасть поздоровт Мордовия Республикань чавовозь Геройтнень сядо аватненень. Те паро тевенть кармасть топавтомо «Россия – страна возможностей» панжадо платформантень совиця Росмолодежень од ломанень инициативань Грантонь конкурссонть «Не бывает чужих матерей» проектэнть изнямонзо вельде.
Активисттнэ ульнесть республикань 22 районсо ды казсть Героень аватненень цецят ды казнеть. Мероприятиянть прявт тевезэ – од ломантнесэ нравственно-патриотической воспитаниянть кемекстамось ды Геройтнень аватненень лаздамось, конат ёмавтызь эсь цёраст Афганистанонь, Чечнянь ды лия локальной конфликттнэсэ воинской долгонь топавтомсто.
Проектэсь тевс нолдави 2016 иестэ саезь Мордовия Республикань Ковылкинань районсо, а 2018 иень ноябрясто саезь – республиканть келес. Од ломантне ютавтнить вастовомат чавовозь геройтнень аваст марто. Ёвтыть тенст поздоровт Мартонь 8-це чинть, Авань чинть кувалма. Лездыть тенст энялдомаст коряс.

 
«Единая Россия» выявила новую схему обмана граждан при взимании платы за вывоз ТКО

Партийный проект «Единой России» «Чистая страна» в ходе мониторинга тарифов на утилизацию твердых коммунальных отходов (ТКО) выявил новую схему, по которой региональные операторы обогащаются за счет людей. Речь идет о завышении платежей на вывоз ТКО со стороны региональных операторов прямо посреди года. Это допускается несмотря на то, что тарифы и нормативы накопления отходов устанавливались заранее и не должны были пересматриваться регионами. Об этом сообщил координатор партпроекта, председатель комитета Государственной Думы по экологии и охране окружающей среды Владимир Бурматов, отметив, что по данному вопросу будут направлены обращения в Генеральную прокуратуру РФ и Федеральную антимонопольную службу. 

Подробнее ...
 
Баталина: Законопроект о повышении пенсий малообеспеченным пенсионерам поддержали все регионы
Депутаты Государственной Думы приняли в первом чтении внесенный Правительством РФ
законопроект о доплатах малообеспеченным пенсионерам сверх прожиточного минимума. На
необходимость принятия таких мер указал Президент России Владимир Путин в своем
Послании Федеральному собранию.
Подробнее ...