Рубрикатор

«Горэлектротранс» предприятиясь ашти каштанчисэ важодицянзо кувалма

Ютазь недлячистэ масторсонок тешкставсь автомобилень транспортонь ветицянь чись. Эрьва чистэ ошонь киланготнес лиснить сядодо ламо автобуст ды троллейбуст, конатне сюлмить прявт ошонь весе районтнэнь вейкест-вейкест марто. Сынст паро важодеманть эйстэ ашти ошонть социальной, экономической ды политической аравтлувось. Кода тешкстызе «Горэлектротранс» Саранск ошонь муниципальной предприятиянь прявтонь полавтыцясь Андрей Викторович Кулагин, покш важодема предприятиясь топавтсь Футболонь коряс масторлангонь чемпионатонть ютавтома шкасто. Ёвтызе, матчтнень ютавтома читнестэ Саранскоев сакшность малав 160 тёжат инжеть, 100 тёжатне эйстэст – омбо мастортнэстэ. Ды весе сынь ардтнесть общественной транспортсонть. А.В.Кулагин тешкстызе, Чемпионатонть ютавтома шкасто шатллатне топавтсть 4 тёжадо ламо рейст. Неть цифратне кортыть покш нагрузкадонть ды важодемань стакачиденть.

«Горэлектротранс» предприятиясь а ашти ве таркасо, сон покш эскелькссэ шашты икелев. Футболонь коряс масторлангонь чемпионатонтень анокстамонть лувсо сэтьмечинть ванстомга транспортонь весе средстватнес путозь видеонаблюдениянь системат. Мундиаленть каршо панжозь автобусонь 29№ од маршрут, Саранск ошонь чугункань кинь вокзалстонть сон арды аэропортонть видьс. Октябрянь 15-це чистэ панжовсь автобусонь эштё вейке од маршрут – 27№ – 5№ больницястонть Таня Бибинань лемсэ куронть трокс сон арды «Горэлектротрансонть» видьс. Эряви тешкстамс, Химмашонь эрицятненень пек вечкеви те маршрутось. Весе автобустнэ ванькст, лембть, кондуктортнэ ды ветицятне паронь арсицят.
Автомобилистэнь чинть профессиянь кенярксчикс ловить аволь ансяк руль экшсэ аштицятне, истя жо сетне, кить ванкшныть-витнить транспортонть, кить топавтыть техникень-инженерэнь тевтнень. Эдь сынст виде важодемаст эйстэ ашти се, кода карми ардомо транспортось, илязо каладо сон маршрутсонть. Неть важодицятнеде течи ёвтнетяно газетань ловныцятненень.

Сонзэ лемдить Кулибинэкс


Евгений Горшков «Горэлектротранс» Саранск ошонь муниципальной предприятиясонть важоди автоэлектрикекс 2011 иестэнть саезь. Цёрась видькстась, сон вишка шкасто саезь пек вечки машинат, вишкинекс улемстэ свал чарыль тетянзо вакссо, зярдо тонась калавтнесь-витнесь машинанть. Седе покшсто свал лездась тензэ, тетязо мик дивсесь, косто цёрыненть истят содамочинзэ-ёрокчинзэ?!
Евгений вейксэце классонть прядомадо мейле куватьс эзь арсе ков молемс тонавтнеме, кочкизе Саранскоень машиностроительной техникумонть, седе тов поладызе тонавтнеманзо Н.П.Огаревонь лемсэ университетэнь светотехникань факультетсэнть. Высшей образованиянть получамодо мейле од цёрась важодемань таркакс кочкизе «Гор-электротранс» предприятиянть. Сон вадрясто содасы автобусонь весе оборудованиянть: чарькодьсынзе неень шкань двигательтнень, автоматической коробкатнень, валдомтоманть ды весементь, мезесь сови неень шкань электрооборудованиянтень. Сонзэ туртов арасть а чарькодевиця ды а топавтовиця тевть. Сеедьстэ лезды мартонзо важодицятнененьгак, ды эдь а стяко эйсэнзэ лемдить Кулибинэкс.
– Минек предприятиянтень пачтязь автобустнэ пешксеть неень шкань электроникадо, эйсэст седе ламо эрьва кодат кнопкат, электронной блокт, паргинеть. Ды технической вановтонть коряс неть автобустнэ ков седе «стакат» икеленсетнень коряс, – ёвтни Евгений. – Минь топавтано электронной диагностиканть, ды бути редявить кодаткак яжамот эли ильведевкст электрониканть важодемасо, витнесынек.
Од цёрась тешкстызе, нама, важодемасонть улить стакачитькак. Ансяк вейсэнь вийсэ сынь шождасто витевить. Евгений а пеняци сень лангс, сонзэ кедензэ свал мазутовт, важодемань оршамопелезэяк аволь ванькс. Сон покш мельсэ тешкстызе, важодемась тензэ вечкеви ды канды мелень витема.

27 иеть витни автобусонь «седейть»


Геннадий Дмитриевич Дергунов чачсь Игнатбуень Од Чамза велесэ. Армиясо служамодо мейле сась важодеме «Горэлектротранс» Саранск ошонь муниципальной предприятиянтень мотористэкс. Те чистэнть саезь ютасть уш 27 иеть! Вадря важодеманть кисэ Г.Д.Дергунов казезь «В память 200-летия Управления водяными и сухопутными сообщениями» юбилеень тешкссэ, муниципальной предприятиянь, истя жо Мордовиянь Правительствань ламот грамотасо, Геннадий Дмитриевич – Трудонь ветеран.
– Мон эсь прям лемдян «кардиологокс», – пейди Геннадий Дмитриевич. – Машинанть «седеезэ» мезесь? Виде, моторось, а мон 27 иеть пурнан-витнян машинань «седейть». Неть иетнень перть важодинь эрьва кодат маркатнень марто, неть: ЛиАЗ, ЗИЛ, ПАЗ, Икарус, мейле тусть Мерседест. Ды вестькак арасель истямо тев, зярдо моторось аволь витневе. Паряк, важодянгак умок, секскак стакачить важодемасон арасть. Весе мотортнэнь важодемань лувось вейке, сынст эрявить ванномс, муемс яжавксонть ды витемс. Таргасынек моторонть, калавтнесынек, витнесынек, ды путсынек одов.
Геннадий Дмитриевич ёвтызе, икеле автобустнэ важодсть эсенек масторсо нолдазь мотортнэсэ, ней – омбо масторонь. Сынь ней цифровойть, пешксеть электроникадо. Ансяк те а тандавты, мекевланк, кармавты пурнамс од содамочить-ёрокчить. Важодеманзо перть те мастерэсь калавтнесь-витнесь сядот моторт ды вейке варштавксонть коряс содасы эрьва пельксэнть, лиясто гайтенть коряс редясы яжавксонть.
Г.Д.Дергуновонь важодеманзо эйстэ ашти се, кода карми важодеме ды ардомо автобусось.
Т.Аксенова


31.10.2018

 

Новости

Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...
 
Ёвтасть поздоровт Геройтнень аватненень

Мартонь 8-це чистэ од ломантне содавтызь ды ёвтасть поздоровт Мордовия Республикань чавовозь Геройтнень сядо аватненень. Те паро тевенть кармасть топавтомо «Россия – страна возможностей» панжадо платформантень совиця Росмолодежень од ломанень инициативань Грантонь конкурссонть «Не бывает чужих матерей» проектэнть изнямонзо вельде.
Активисттнэ ульнесть республикань 22 районсо ды казсть Героень аватненень цецят ды казнеть. Мероприятиянть прявт тевезэ – од ломантнесэ нравственно-патриотической воспитаниянть кемекстамось ды Геройтнень аватненень лаздамось, конат ёмавтызь эсь цёраст Афганистанонь, Чечнянь ды лия локальной конфликттнэсэ воинской долгонь топавтомсто.
Проектэсь тевс нолдави 2016 иестэ саезь Мордовия Республикань Ковылкинань районсо, а 2018 иень ноябрясто саезь – республиканть келес. Од ломантне ютавтнить вастовомат чавовозь геройтнень аваст марто. Ёвтыть тенст поздоровт Мартонь 8-це чинть, Авань чинть кувалма. Лездыть тенст энялдомаст коряс.

 
«Единая Россия» выявила новую схему обмана граждан при взимании платы за вывоз ТКО

Партийный проект «Единой России» «Чистая страна» в ходе мониторинга тарифов на утилизацию твердых коммунальных отходов (ТКО) выявил новую схему, по которой региональные операторы обогащаются за счет людей. Речь идет о завышении платежей на вывоз ТКО со стороны региональных операторов прямо посреди года. Это допускается несмотря на то, что тарифы и нормативы накопления отходов устанавливались заранее и не должны были пересматриваться регионами. Об этом сообщил координатор партпроекта, председатель комитета Государственной Думы по экологии и охране окружающей среды Владимир Бурматов, отметив, что по данному вопросу будут направлены обращения в Генеральную прокуратуру РФ и Федеральную антимонопольную службу. 

Подробнее ...
 
Баталина: Законопроект о повышении пенсий малообеспеченным пенсионерам поддержали все регионы
Депутаты Государственной Думы приняли в первом чтении внесенный Правительством РФ
законопроект о доплатах малообеспеченным пенсионерам сверх прожиточного минимума. На
необходимость принятия таких мер указал Президент России Владимир Путин в своем
Послании Федеральному собранию.
Подробнее ...