Рубрикатор

Виктор Дугушкин: «Эри велесь, а ёми келеськак»

Газетасо важодемань перть кинь марто ансяк эзинь вастневе! Ютксост – эйкакшонь тонавтыцят, промышленной покш предприятиянь, велень хозяйствань предприятиянь, строительной организациянь прявтт, учёнойть, вузонь ректорт, сюронь кастыцят, скалонь потявтыцят, тувонь андыцят ды истя седе тов. Мартост весть вастоват, мерят, те ломаненть содасак умок. Сеске муеви кель-вал. Истятнэнь ютксо Куцян велень администрациянь прявтось В.П.Дугушкин.

Виктор Павлович течи минек инженек.
– Виктор Павлович, инескеть, нурькинестэ ёвтнеде эсь прядонк: косо чачиде ды косто ушодовсть покш эрямонтень эскелькстнэ?
– Мон чачинь Куцян эрзянь велесэ 1972 иестэ. Тесэ, тиринь велесэ, 1989 иестэ прядыя средней школанть. Вейке ие тонавтнинь трактористэкс Пожарский лемсэ СПТУ-со. Мейле военкоматонть кучоманзо коряс ДОСААФ-со тонавтнинь шофёрокс.
1990-1992 иетнестэ служинь армиясо, Туласо, Военно-воздушной вийтнесэ (ВДВ-сэ). Кудов велявтомадо мейле шканть эзинь карма таргсеме, сеске молинь тонавтнеме Н.П.Огарёв лемсэ Мордовской госуниверситетэнь строительной факультетэв. Тесэ экзаментнэнь парсте максомадо мейле карминь студентэкс.
Университетсэ тонавтнемань иетне ливтязь ливтясть. Ды 1998 иестэ тень макссть диплом.
Важодеме сынь тиринь велень «Победа» колхозов, конань прявтокс ульнесь Иван Николаевич Нестеркин. Важодинь строителень бригадань прявтокс. Те тевенть топавтынь малав кемень иеть. Стявтынек-строинек эрямо кудот, фермат, лия мезе.
Телевизорга, радиова ёвтнесть, газетатне сёрмадсть перестройкадо. Мартонзо ушодовсь колхозтнэнь калавтомась. Ванат тесэ-тосо каладыть колхозтнэ. Те коволось токизе Мордовиянтькак. Тень ютксо – минек велентькак. «Победа» колхозось каладсь.
Ней мезе теемс? Карминь вешнеме важодема тарка. Ардтния весе райононть. Тев тень косояк арасель. Савсь туемс Московов. Виде, тосо важодинь аволь куватьс. 2016 иестэ кочкимизь Куцян велень администрациянь прявтокс. Велесэнек сисем депутатт.
– Куцян велесэ эрицятнеде зяро?
– Велесь аволь вишкинетнестэ. Мекевлангт, районсонть сехте покштнестэ. Тесэ эрить 638 ломанть. Эйстэст 244 – пенсионерт. Эрятано ояксчисэ. Вейке-вейкенень лездазь. Шкастонзо урядынек сюронь паксятнень. Эрицятне таргизь модамаренть, морковтнень, чурькатнень. Телентень анокстыть кеместэ.
А мезть сёпомс, ней велесэнть эрямось седе вадрялгадсь. Кудотне уштовить, ярсамопелесь пидеви газсо. Те арази берянь! Покштятнень-бабатнень ёвтнемаст коряс, кода сынь майсесть пенгень анокстамсто! Ансяк сыль тундось – ушодови пенгень анокстамось…
Велесэнек важоди вейксэ иень школа. Директорось – Ольга Николаевна Дугушкина. Педагогической коллективесь аволь покш. Лововить кевейкее тонавтыця. Течи школасонть тонавтнить 25 эйкакшт. Колмотне сакшныть шабра Андреевка велестэ.
– Виктор Павлович, велесэнк эйдень кужо ули?
– Ули. Сон умок панжовсь. Вейксэ эйкакштнень марто важоди воспитательницась Ольга Владимировна Павловчева. Сон весементь теи сень туртов, штобу эйкакштне пряст марявольть теке кудосо. Ютавтни мартост спортонь пелькстамот, эрьва кодат викторинат, налксемат.
– Содатано, Куцян велесэнк парсте важоди фельдшерэнь-акушерэнь пунктось (ФАП-сь)…
– Виде, сонзэ прявтсо Антонина Николаевна Нестеркина, акушеркась – Антонина Николаевна Гусарева. Сынь тевтеме зярдояк а аштить. Кедьсэст свал ломанть. Кие сы давлениянь онкставтомо, кие уколонь путовтомо. Сынст ушодксост коряс велень ФАП-нть ваксс сакшны специальной автомашина, косо велень эрицятне ютнить флюорография.
Стакасто сэредицятне ильтявить Орданьбуень больницяв. ФАП-сонть надобиятнеяк сатныть. Тешкстаса, тесэ ули весемесь, мезе эряви велень эрицятнень шумбрачист кемекстамга.
Икелень шкасто велесэнек фельдшерэнь-акушерэнь пунктось пек покшоль. Тесэ важодсть терапевт, хирург, стоматолог. Сынь, кабинетсэ примамодо башка, яксесть кудоваяк. Лездасть сетненень, конатнень ФАП-в сакшномс шкасткак арасель. Содасть ансяк вейкень: паксясо, фермасо важодема. Тешкстаса, районсонть истямо фельдшерэнь-акушерэнь пункт важоди ансяк минек велесэ.
А мезть сёпомс, ФАП-тне велесэ эрявить. Течи велетнесэ эрицятнестэ ламотне пенсионерт. Минь весементь тейтяно, сынь авольть маря мельтемечи. Эрявольть шумбрасто ды кувать. Октябрясь яволявтозь Сыре ломанень ковокс. Минь ды РФ-нь Федеральной Собраниянь Федерациянь Советэнь членэсь Владимир Васильевич Литюшкин велень пенсионертнэнень анокстынек казнеть. Мельтеме кияк эзь кадово.
Ды эштё вана мезе. Минек ломантне эсь эйкакшост, нуцькаст тонавтыть тиринь келенть вечкеме, койтнень-кирдатнень ванстомо. Теньсэ, нама, сыненст лездыть школань тонавтыцятне.
– Виктор Павлович, велесэнк зяро лавкатнеде?
– Велесэнек важодить ниле лавкат, косо микшневить ярсамопельть. Эсь лавкат кирдить предпринимательтне Нина Петровна Пырескина, Любовь Викторовна Билюшова, Елизавета Ивановна Федотова. Сынь важодить уш умок. Тевест вадрясто молить – минеккак те кецявты. Вейке лавкась райпонь. Сонгак чаво зярдояк а эрси.
Велесэнек истя жо ули церькова, конань мелят эсь ярмак лангс мазылгавтынек ушо ёндо. Теньсэ пек лездасть велень депутаттнэ. Неть: Андрей Викторович Карпов, Иван Николаевич Нажалкин.
Велесэнек важоди Культурань кудо, конань прявтсо Виктор Николаевич Орлов. Сон тескень, Куцян велень. Тесэ ютавтневить культурно-массовой мероприятият. Ней анокстави покш промкс, кона алтави Велень хозяйствасо ды перерабатывающей промышленностьсэ важодицятнень чинтень. Эйзэнзэ тердевить трудонь ветерантнэ, фермертнэ, велень содавикс ломантне, сетне, кить весе оймест, содамочист, юткошкаст максыть сюронь, ламбамо якстерькаень кастомантень.
– Куцян велесэ улить-арась крестьянонь-фермерэнь хозяйстват?
– Улить. Эйстэст зярыя. Те ёнкссонть тевензэ парсте молить Андрей Викторович Карповонь. Сон покш мель яви сюронь кастомантень. Мельганзо кемекстазь 200 ламо гектарт мода. Сон саинзе арендас велень эрицятнень пайтнень. Истя, тедеде, коське кизэнть лангс апак вано, сон эрьва гектарсто сайсь 27 центнерт сюро. Удалась шужоськак. Андрей Викторович весемезэ пивсэсь 335 тоннат сюро. Те а берянь результатось. Сонензэ сюронть урядамсто лездасть малавиксэнзэ, ялганзо.
А.В.Карпов кирди «Дон-1500» кавто комбайнат, «Т-150», «МТЗ» тракторт, «КамАЗ» автомашина. Нурькинестэ меремс, Андрей Викторовичень хозяйствазо кеместэ ашти пильге лангсо. Велень эрицятне сонзэ пек шныть. Эдь сынст модань пайтнень кисэ крестьянонь-фермерэнь хозяйствань азорось максы сюро. Теде башка, КФХ-нь прявтось А.В. Карпов кирди зярыя скалт, вазт.
Истя жо сюро кастыть крестьянонь-фермерэнь хозяйствань азортнэ Виктор Николаевич Тюгашкин, Владимир Иванович Лычагин.
Куцян велесэ ламо ломанть, кить эсь кардазсо кирдить скалт. Ютксост: Алексей Семёнович Дугушкин, Николай Иванович Юткин, Александр Николаевич Орлов, Иван Николаевич Нажалкин.
– Ловсонть ков ильтятадо-микшнетядо?
– Ловсонть мельга велев сакшны эсь автомашинасонзо Александр Сидякин предпринимателесь. Районсо сонзэ содасызь парсте. Ловсонть сон пурны аволь ансяк минек велеванть, шабра райононь эрицятнень кедьгаяк.
– Виктор Павлович, тынк велентень ардомань кинть ланга секе-тев ардтнить ламбамо якстерькай марто покш автомашинат. Сынь, нама, яжить асфальтонть. Те тынк талновты-арась?
– Видьстэ мерян, те минек а талновты. Талновты «МАПО-Транс» предприятиянть. Сынь ваныть кинть мельга. Косо аволь истя, эсь вийсэст витнесызь.
Миненек пек лезды «МАПО-Ардатов» велень хозяйствань предприятиясь. Сынст мельга кемекстазь Куцян велень ульцятне. Тельня, тенст апак пшкале, ванськавтыть ловонь шушмотнеде велень ульцятнень.
– Виктор Павлович, течи тынк мезесь талновты?
– Эйсэнек сехте пек талновты вейкесь. Велесэнек ули ульця, сонзэ лемдтяно «Од ломанень». Алкукскак, тесэ эрить од семият. Тия кись пек берянь. Анокстынек проект. Сонзэ питнезэ – 11 миллион 800 тёжат целковойть. Ризксэнтень, зярс зняро ярмаконок арасть. Вешнетяно, кода мерить, спонсорт. Кода илязо уле, те кинть ялатеке вельтясынек асфальтсо.
– Виктор Павлович, сюкпря ёвтнеманк кисэ! Кадык арсезесь топавтови!

Пётр Зиновьев.
Орданьбуе ёнкс


24.10.2018

 

Новости

Ольга Окунева: Законопроект об «ипотечных каникулах» направлен на защиту граждан, оказавшихся в трудной жизненной ситуации
Госдума на пленарном заседании в четверг, 21 марта, приняла в первом
чтении законопроект об ипотечных каникулах для граждан, оказавшихся в
трудной жизненной ситуации.
Оперативное рассмотрение и принятие Госдумой в первом чтении
законопроекта об ипотечных каникулах говорит о том, что инициативы
Президента России Владимира Путина по «ипотечным каникулам» будут
реализованы в максимально короткие сроки. Об этом рассказала
Координатор партпроекта «Крепкая семья», первый заместитель
председателя комитета Госдумы по вопросам семьи, женщин и детей Ольга
Окунева.
Подробнее ...
 
43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...