Рубрикатор

Свал аштить видечинть кисэ

Октябрянь 5-це чистэ эсь профессиянь кенярксчист тешкстыть уголовной розыскень важодицятне. Уголовной розыскесь – те внутренней тевень органтнэнь прявт подразделениятнестэ вейкесь. Оперативниктнень важодемаст свал сюлмавозь апелеманть ды эсь прянь аванстоманть марто. Те отделэнь важодицятне панжить саламотнень, каявоматнень, маштоматнень ды лия зыянов тевтнень. Те сизевтиця ды стака тев, конась веши ламо вийть, неть важодицятне прянек-седейнек максозь кочказь тевентень ды анокт свалшкане самс лездамо сетненень, кинень те эряви.  Весе те важодеманть «Ардатовский» Россиянь МВД-нь ММО-сонть  топавтыть уголовной розыскень отделэнь ниле важодицят. Службанть прявтсо – полициянь майорось Сергей Валентинович Раскин.

 

Уголовной розыскень отделениясонть стака кундамс весе важодицятнень, сынь пурнавкшныть вейс бути ансяк важодема чинть ушодовомсто, зярдо кортавить прявт тевтне, мейле эрьвась туи важодемань топавтомо.

Истя, Орданьбуе ёнксонь полициянь отделэв варштамсто, оперативной сотрудниктнень кабинетэнтень совамсто, таркасонзо ульнесь ансяк отделэнь прявтось Сергей Валентинович Раскин. Сон ёвтнеськак тенек отделэнть важодемадонзо.

– Минек прявт тевенек – те Орданьбуе ёнкссо анокставиця зыянов тевтнень а нолдамось ды уш топавтозтнень панжомась. Ды те важодемась, васняяк, сюлмавозь ломантнень марто. Алкуксонь оперуполномоченноентень эряви улемс психологокс, улезэ аналитикень ёрокчизэ, маштозо весень марто кель-валонь муеме ды улезэ виевекс, цидярдыцякс, – тешкстызе Сергей Валентинович.

Меельце уголовной покш тевесь, кона ванкшнозь-панжозь Орданьбуе ёнксонь уголовной розыскень отделсэнть, лиссь 2016 иенть прядовомсто 2017 иенть ушодовомсто. Уголовной розыскень отделс сась пачтямо: Орданьбуе ёнксонь ниле ломантне пурнасть вейсэндявкс ды кармасть вешеме ярмакт те ёнксонь эрицятнень пельде. Уголовной розыскень важодицятне топавтсть покш важодема эрявикс кулятнень пурнамга. Истя, 2017 иень апрельстэ ярмаконь вешемстэ те вейсэндявксось кундазель, сынст коряс ушодозель уголовной тев. Тень коряс следствиясь ветявсь иень перть, лангс ливтезельть ярмаконь манямонь-вешемань лия тевтнеяк. Вейкесь эйстэст топавтозель ломаненть шумбрачинзэ пек коламонть марто. Те вейсэндявксонтень совицятне ускизь Орданьбуе ёнксонь ниле эрицятнень автосервисэв, косо кармасть вешеме кедьстэст сядо тёжат целковойть, тонат отказасть, эзть максо. Сынст кармасть чавомост, колызь шумбрачист. Тедеде те уголовной тевесь пачтязель судс, вейсэндявксонтень весе совицятне чумондозь.

– Монень пек вечкеви важодемам. Мельспаро лездамс ломантненень, муемс видечинть, зыянонь весе теицятне улест чумондозь. Важодемань коряс свал эряви ламо ардтнемс, якамс, вешнемс ломантнень. Ансяк улить стакачитькак, савкшны важодемс ветькак, оймсема читнестэяк, чуросто неемс малавикстнэнь-вечкевикстнэнь, – видькстась С.В.Раскин.

Сергей Валентинович чачсь Орданьбуе ёнксонь Чукало велесэ. Школань прядомадо мейле тонавтнесь М.Е.Евсевьев лемсэ МГПИ-нь физической воспитаниянь факультетсэ. Мейле служась армиясо, кудов велявтомадо мейле зярыя шка важодсь охранасо. Видькстась, эштё вишкинестэ улемстэ чачсь покш мелезэ важодемс полициясо.

– Уголовной розысксэ эсь службам ушодыя 2007 иестэ Саранск ошонь Октябрьской райотделсэ. Шкань ютазь сась мелем велявтомс тиринь ёнксов, истя, 2013 иестэ саезь карминь важодеме Орданьбуе ёнкссо оперуполномоченноекс. Те иень августсто аравтымизь уголовной розыскень отделэнь прявтокс.

Сергей Валентинович видькстась, важодемадонть пек ламо, зыянов тевтне лиснить пек сеедьстэ. Ансяк неть стакачитне а тандавтнить уголовной розыскень отделэнь важодицятнень. Эрьвась эйстэст весе виензэ максы кочказь тевентень ды бажи весементь топавтомс «ветес».

Т.Аксенова

 

Новости

Законопроект «Единой России» об отказе от пенсионных преференций для депутатов и сенаторов принят в первом чтении

Государственная Дума приняла в первом чтении законопроект, согласно которому депутаты и сенаторы имеют право отказаться от пенсионных надбавок при выходе на пенсию. Законопроект внесен по инициативе членов Совета Федерации и нижней палаты парламента от «Единой России». Документ принят большинством голосов.

Подробнее ...
 
В проекте федерального бюджета на следующую трехлетку предусмотрено увеличение финансирования ряда госпрограмм

Финансирование ряда государственных программ увеличено по основным показателям. Об этом стало известно по итогам серии заседаний комитета Государственной Думы по бюджету и налогам, посвященных подготовке проекта федерального бюджета на 2019 год и на плановый период 2020 и 2021 годов к первому чтению. В обсуждении проектов госпрограмм приняли участие представители профильных комитетов Госдумы и ведомств.

Подробнее ...
 
«Единая Россия» добилась расширения перечня причин для возврата полной стоимости авиабилетов

Нижняя палата парламента 397 голосами одобрила в первом чтении законопроект, предлагающий расширение списка причин, на основании которых пассажиру должна быть возвращена полная стоимость сданного авиабилета, купленного по невозвратному тарифу. В настоящее время, отметила автор законопроекта, член комитета Государственной Думы по физической культуре, спорту, туризму и делам молодежи Наталья Кувшинова (фракция «Единой России»), представлявшая документ, получить полную компенсацию можно, в частности, только в случае смерти или болезни родственника.

Подробнее ...
 
Госдума приняла в первом чтении законопроект «Единой России», отменяющий необходимость подтверждать оплату взносов на капремонт

Законопроект, согласно которому уполномоченный орган государственной власти не вправе требовать от граждан документы, подтверждающие оплату ежемесячного взноса на капремонт, упростит использование механизмов адресной помощи. Об этом заявил первый заместитель председателя комитета Госдумы по жилищной политике и жилищно-коммунальному хозяйству, координатор партпроекта «Единой России» «Школа грамотного потребителя» Александр Сидякин. Данный проект закона, внесенный фракцией «Единой России», принят в первом чтении нижней палатой парламента.

Подробнее ...
 
Кудотнень перька таркатне паролгавтовить

Пондельникстэ ошонь прявтось П.Н.Тултаев ютавтсь Саранскоень районтнэнь прявттнэнь марто промкс, косо кортамось мольсь кудо вакссо таркатнень паролгавтомадо. Ленинской районсо 32 кудотнень перька тевтне топавтозь весе. Экономиянть вельде паролгавтозель эштё С.Разинэнь куросо 33№ кудонть вакссо таркась.

Подробнее ...