Рубрикатор

Анатолий Чичайкин: «Участковоенть васень тевезэ – муемс кель-вал эрицятнень марто»

Сентябрясто ушодовсь «Народный участковый – 2018» Весероссиянь пелькстамось, конань ютавты Россиянь МВД-сь. Пелькстамонь региононь васенце этапсонть онлайн-вайгелень максомань невтевкстнэнь коряс, седе тов ютасть вете участковойть. Ютксост «Ардатовский» Россиянь МВД-нь ММО-нь старшей участковоесь, полициянь майорось Анатолий Николаевич Чичайкин. Тешкстасынек, пелькстамонь омбоце пельксэсь ютавтови октябрянь 7-16-це читнестэ, вайгельтнень истя жо мереви максомс Мордовия Республикава МВД-нь официальной сайтсонть, «Народный участковый» пелькссэнть. Изницясь карми идеме Мордовиянть честензэ Весероссиянь пелькстамонь финалсонть.

 

Анатолий Николаевич Чичайкин видькстась:

– Полициясо важодемадо мельтне монь превс чачсть эштё сестэ, зярдо тонавтнинь школасо. Монень марявсь, те тевенть топавтыцятне свал бажить лездамс ломантненень, свал муить лисемань эрявикс ян куш кодамо стака тевстэ. Вишкинестэ пек вечкилинь ваномс кинофильмат милиционертнэнь ланга. 

Анатолий Чичайкин чачсь-кассь Дубёнка ёнксонь Поводелесэ. Школань прядомадо мейле терявтнизе уцясканть, варчась понгомс тонавтнеме МВД-нь училищав, ансяк мельтне-бажамотне эзть топавтово. Максынзе документэнзэ Н.П.Огарёв лемсэ МГУ-нь Механикань ды энергетикань институтс. 2002 иестэ, вузонть прядомадо мейле, саизь армияв, службанзо од цёрась кандсь Оренбургонь областень «Тоцкое-4» военной частьсэнть.

Армиясто велявтомадо мейле Анатолий куватьс эзь арсе эрямонь тевенть кочкамодо, ульнесь покш мелезэ топавтомс эйкакшпингень бажамотнень – мольсь важодеме милицияв.

Внутренней тевень органтнэсэ эсь карьеранзо полицейскоесь ушодызе сисем иеде икеле. 2004 иестэ кармась топавтомо участковоень тевтнень Орданьбуе ёнксонь зярыя велетнесэ, чинек-венек вансты тесэ закононть. Велень эрицятне лемдить эсь участковоенть покш буквасто ломанекс ды капшить тензэ эрьва кодамо кевкстема ды талнома марто.

Сонзэ участкантень сови эрямонь 11 пункт, те весемезэ 2433 ломанть. Покш предприятият арасть, седе ламо фермерэнь хозяйстват ды Ардатовань психоневрологиянь диспансерэсь. Неть велетнесэ малав эрьва эрицянть улить кевкстеманзо, талноманзо, конатнень марто сынь чиить участковоентень. Анатолий Николаевич эрьванть эйстэст кунсолосы, чарькодьсы ды лезды, тень пингстэ киньгак а покорды. Участковоесь тешкстызе, ломантне седе сеедьстэ пшкалить семиясо аладямотнень коряс. Сеедьстэ нитне пеняцить мирдест лангс, тонат симить, колыть эсест эрямост ды тандавтнить-покордыть малавиксэст. Нитнень арась мелест явомс, калавтомс семиянть, энялдыть кортамс мирдест марто, кармавтомс чарькодеме, кодамо зыян сынь кандыть малавиксэст туртов.

Ансяк аволь весе чарькодить кортамотнень ды превс путоматнень, сестэ сави ушодомс каршост тевть, – тешкстызе А.Н.Чичайкин.

Пшкадить участковоентень сестэяк, зярдо шабратнень а явови модаст, зярдо киньгак мезезэяк ёми ды истя седе тов. Ломантне гайневтить ветькак, оймсема читнестэяк.

Анатолий Николаевичень мон содаса умок, куш кодамо кевкстема марто тензэ пшкалетяно, свал лезды, – корты Лесозавод велень эрицясь М.Н.Мартьянов. – Эсень семиясо овсе аволь умок лиссь апаро тев, гайневтинь участковоентень валскень 5 чассто, сеске витизе кевкстемам, сюкпря тензэ. А мезть сёпомс, Анатолий Николаевичень важодемазо пек стака, сон эрьва кудос сови, эрьванть марто корты, секскак весе эрицятне сонзэ содасызь. Ломанесь сон пек паро, чарькодиця, лиятнень кисэ мелявтыця.

Анатолий Чичайкин полициянь майоронть важодемань чизэ ушодови рана валске. Васняяк сынь пурнавить планёркав, косо максовить ориентировкатне, ёвтавить райононть келес чинь-вень перть лисезь зыянов тевтне. Анатолий Николаевич нурькинестэ пачти прявттнэнень топавтозь тевтнеде ды сырги эрицятненень, конат учить пельдензэ лезкс. Видькстась, теке шкастонть совси лавкатнес, путни эрявикс тешкст, ваны охотниктнень, условна судязтнень, учётсо аштиця кемгавксово иеде седе вишкинетнень мельга, истя жо совси кудова, кортни эрицятнень марто: друк киньгак мезеяк лиссь, эдь аволь свал зыянонь лисемстэ ломантне пшкадить лезкс мельга.

– Эрси, тетятнень-аватнень чавить тиринь эйкакшост. Тонат чатьмонить васенце шкастонть: жальть марявить, эсест верест, мейле уш соват тенст – весемесь чамаваст неяви. Аволь умок истямо тев лиссь Кеченбиесэ. Цёрась тиринь аванзо пес панизе: свал сими, косояк а роботы, меельцеде аламодо куломс эзизе чаво. Истят тевтне лисить малав эрьва велесэ: Луньга-Майдансо, Каласевасо... Ушодтано зыянонь теицятнень каршо уголовной тевть, теде мейле сынь теке полавтовить.

Чичайкин видькстась, важодеманть топавтомсто пек лездыть тензэ эрицятнеяк.

Ютась недляютко, кода Редкодубияв сась эрямо Саранскоень цёра. Тюрьмасо аштемстэ теевсь содавиксэкс те велень аванть марто. Вейке чистэнть симсь ды сыргась тевс. Ютась велень курованть ды несь апак пекста гараж. Сайсь кескав ды путынзе тозонь сварямонь аппаратонть, аккумуляторонь туртов зарядникенть... Азоравась марясь шалт, кармась кевкстнеме: кие тосо? Каршонзо – каштмолема. Тонась жо салызе ули-паронть ды напустясь чиезь. Сюкпря велень эрицятненень, цёратне кундызь сонзэ ды гайневтсть тень: Анатолий Николаевич, салыця кундынек.

Анатолий Николаевичень валонзо коряс, участковоень тевсэнть прявтось – те ломантнень чарькодемась, кель-валонь муемась, полициянь важодицянтень эрицятнень ёндо кемемась.

– Бути а ули вейке-вейкень чарькодема, важодемасонть мезеяк а лиси, – корты Анатолий Николаевич. – Вадрясто тевенть топавтомсто кенярдыть аволь ансяк ломантне, кинень лездан, седе покш мельспаросан монсь.

Участковоесь видькстась, те тевсэнть сон муизе эсензэ тарканзо ды вестькак эзь янксе кочказь профессиянть кувалма.

– Важодемась канды тень мелень витема, эдь те ульнесь монь вишкапорань бажамом, конань топавтыя. Ды те сехте прявтось, монень а эряви карьерасо касома, важодян эсень мелень витемга, – корты Анатолий Чичайкин.

Меельце тевесь, конань панжизе Чичайкин участковоесь, – те аволь закононь коряс охотямось.

– Сась пачтямо: Михайловка велесэ ёмась цёра, сыре уш. Сон ниле чить эзь сакшно кудов. Мейле цёразо муизе вирьстэ, кулозь. Ардынек зыянов тевень лисема таркантень, карминек ванномонзо кулозенть: рюкзакстонзо муинек сярдолевксэнь удалце пильге. Шкась уш поздаль, тевенть поладынек омбоце чинь валске. Вирьстэнть муинек ледезь сярдыненть. Атясь ледизе сонзэ ды мейле сонськак кулось, теде икеле седейс операция тензэ теекшнесть.

Анатолий Николаевич ёвтызе, сонзэ участкантень совиця ламот велетне аштить вирь маласо. Видькстась, кизэнь-сёксень шкатнестэ ломантне сыргить ягодань-пангонь кочкамо ды ёмить. Аволь умок сыре ломань ёмакшнось, кавто чить якась вирьга. Паро, муевсь.

Чичайкин участковоесь покш мель яви эрицятнень марто профилактикань тевтеемантень. Те тевесь топавтови велень администрациятнень, тонавтомань учреждениятнень марто вейсэ ды, кода тешкстызе участковоесь, канды лезэ.

Эсензэ участкасонть сэтьмечинть ваномадонзо башка, Анатолий Чичайкин 2017 иестэ кото ковонь перть ульнесь служебной командировкасо Чечня Республикасо. Тешкстызе, командировкась ютась парсте, сэтьместэ. Тосо кемекставозь ялгаксчинь сюлмотне ванстовить течинь чис.

Нейгак гайневттяно вейке-вейкенек туртов, ёвтатано поздоровт кенярксчитнень кувалма. Лия участковойтнень марто кирдтяно кеме сюлмот, эдь важодемстэ эрьва кодамо тев марто вастоват, лиянть коряс сынь седе ламо содыть, лиясто мон максан превс путомат, те пек лезды важодемстэ, – мерсь А.Н.Чичайкин.

Анатолий Николаевичень нежезэ – те вечкевикс семиязо, косо сонзэ а мурнить, а сёвныть веть ды оймсема читнестэ важодеманть кисэ, косо свал учить ды певтеме кенярдыть. Низэ, Ольга Николаевна, важоди Орданьбуень райононь больницясо поликлиникань прявтокс. Чичайкинтнэнь кавто цёраст, покшонтень, Вадимнень, 11 ие, сон тонавтни 6-це классо, вишкинентень, Мишанень, кавто иеть, сон покш мельсэ яки эйдень кужов. Семиянь прявтось кеми, цёранзо, покшсто касозь, поладсызь сонзэ тевенть: кармить ванстомо эрицятнень сэтьмечист.

Т.Аксенова

 

Новости

В «Единой России» проверят состояние детских площадок по всей России
До конца июня 2019 года активисты партпроекта «Единой
России» «Народный контроль» проведут проверку состояния детских
площадок в 85 регионах - насколько они соответствуют нормативам и
безопасны для жизни и здоровья детей. Информация о выявленных
нарушениях будет передана в администрации муниципалитетов,
управляющим
компаниям,
товариществам
собственников
недвижимости с требованием устранить выявленные недостатки. Об
этом заявила координатор партпроекта «Народный контроль»,
депутат Госдумы Анна Кувычко.
Подробнее ...
 
Аршинова направила в Правительство РФ пакет предложений для включения в программу «Земский учитель»
В целях реализации Послания Президента Владимира Путина
Федеральному Собранию в регионах активисты партпроекта «Новая школа»
организовали широкое обсуждение проекта программы «Земский учитель» с
привлечением представителей профильных ведомств и институтов развития
образования, ведущих экспертов, педагогического и родительских
сообществ. По их итогам был выработан комплекс важных предложений для
включения в программу «Земский учитель», которые были отправлены на
имя вице-премьера Правительства РФ Татьяны Голиковой. Об этом заявила
координатор партпроекта «Новая школа», член комитета Госдумы по
образованию и науке Алена Аршинова.
Подробнее ...
 
Жители Мордовии обратились к главному федеральному инспектору за содействием в решении проблем

В соответствии с поручением полномочного представителя Президента России в Приволжском федеральном округе Игоря Комарова 22 мая 2019 года в приемной Президента Российской Федерации в Республике Мордовия состоялся прием граждан. Провел его главный федеральный инспектор Михаил Сезганов.


Подробнее ...
 
Госдума приняла во втором чтении поправки «Единой России», разрешающие продажу театральных билетов без кассовых аппаратов
Депутаты Государственной Думы поддержали во втором чтении
поправки, разработанные депутатами от «Единой России», в закон «О
применении контрольно-кассовой техники», которые в том числе
предусматривают освобождение распространителей театральных билетов от
обязанности использовать кассовые аппараты с 1 июля 2019 года.
Подробнее ...
 
Медведев поддержал предложения участников Форума сельских депутатов «Единой России»
Председатель «Единой России», премьер-министр Дмитрий Медведев
поддержал предложения участников Форума сельских депутатов, который
прошел 21 мая в Воронеже.
Подробнее ...