Рубрикатор

Велень лавкась – вастовома тарка

Чаунзань райононь Кульмина велесэ роботыть кавто а покшке лавкат. Вейкесэнть, конань панжизе «Сергей» ООО-сь, колоньгемень кавто иеть уш важоди микшницясь Раиса Николаевна Лемайкина. Те лавкась икелев ульнесь райпонь, зярыя иеде теде икеле сонзэ рамизе вейке индивидуальной предприниматель. Азорось полавтовсь, Раиса Николаевна жо истяк кадовсь тосо роботамо. Те авась теке Кульмина велень ды содасынзе весе рамицянзо. Колоньгеменде ламо иес сон уш теевсь велень психологокс, лиясто савкшны медсестракс ды превс путыцякс улемс. Истя жо сон тесэ бухгалтерэнь, кияксонь шлицянь, ванстыцянь тевень топавтыця. Микшницянть роботамо чизэ ушодови 8 чассто ды прядови позда чокшне. Валске лавкантень ускить продуктат, кши, ды ломантне аламонь-аламонь кармить само. Лавкасонть аволь ансяк ярсамо-, симемапельть миевить, тесэ эрьва мезе ули велень эрицятнень туртов: бытовой химия, кедьгеть… Бути мезе арась, микшницясь сеске кучи заявка лавкань азоронть туртов ды эрявиксэсь куроксто пачтяви Кульминав.

Раиса Николаевнань рамицятне седе ламо сыре ломанть. Сынь сакшныть кши ды сехте эрявиксэнть рамамо. Рамамс мезеяк питней ярмакост арасть, эдь пенсионертнэ эрить ансяк пенсияст лангс. Покштятне-сырькайтне, конатне эрить ськамост, сеедьстэ сыть лавкав седеень чамдомо, оймеёжонть лангс пеняцямо. Истя яла пурнавить зярыя ды ушодыть кортнеме. Неень шкане кортамотне чинь-чоп пенсияс лисема иетнень кастомадонть. Мелявтыть сыре ломантне эйкакшост ды нуцькаст кисэ. Бути лиси велесэнть кодамояк тамаша, истя жо кортавтсызь. Ансяк чуросто истят тевть лиснить, седе ламо толковить телевизорга ванозь передачатнень, невтемга, «Малаховонь», ды ёвтнить вейкест-вейкест туртов шумбрачинь витемань рецепттнэнь.

Кизна Кульминась седе весёлгады. Сыть сырькайтнень туртов оймсеме эйкакшост ды нуцькаст. Эйкакштне чинь-чоп ардтнить велосипедсэ лавкав «чупа-чупс» ды мороженой мельга. Раиса Николаевна кизэстэ кизэс неи, кода сынь касыть. Од ломантне лавкав тесэ яксить чуросто, бути уш мезеяк стувтсть рамамс Чаунзасто. Весе бажить машинасо ардомс субутат-недлят базаров Саранскоев эли райцентрав. Тосо питнетнеяк седе вишкинеть, ассортиментэськак седе покш.

Велень лавкась эште кулянь ды яволявтомань конёвонь понгавтома тарка. Тесэнь кенкштнес велень администрациясь яла педявты тердемат субботникс, яволявтомат концерттэ, афишат, эште кодамояк информация. Лисни, сон топавты СМИ-нь тевтненьгак.

Раиса Николаевна, кода весе велень аватне, кирди эште садпире, кардаз, секскак роботамодо мельга сон эште теи кудоютконь тевтнень. Ансяк те уже лия история…

 

Марина Девятова

 

Новости

Андрей Макаров: Проект бюджета гарантирует выполнение государством всех социальных обязательств

    Внесенный Правительством РФ проект бюджета гарантирует выполнение государством всех социальных обязательств. Об этом заявил председатель комитета Госдумы по бюджету и налогам Андрей Макаров в ходе выступления от фракции «Единой России» на пленарном заседании нижней палаты парламента. 

     - Гарантированное выполнение государством всех социальных обязательств - это важнейшая задача бюджета, которую внесенный Правительством проект, безусловно, решает», - заявил Макаров, отметив, что «Единая Россия» вместе с Правительством РФ в рамках нулевого чтения прорабатывала проект бюджета, чтобы решить задачи, поставленные Президентом России Владимиром Путиным. 

        Он обратил внимание на то, что фактические доходы в 2019 году составили 19,969 трлн рублей, превысив прогноз на 22%. «Это показатель того, в каком состоянии находится наша экономика», - отметил парламентарий. 

Подробнее ...
 
Валдонть кисэ – социальной норма

Россиясо тагояк электричестванть кисэ арсеви совавтомс социальной норманть, зярдо кемекстазь лимитэнть велькска ютавтоматнень сави пандомс седе покш тарифень коряс. Минэнергонь ды Минэкономикань сентябрянь 19-це чистэ ютавтозь промкссонть те схеманть кемекстызе вице-премьерэсь Дмитрий Козак. Ведомстватненень жо документэнь проекттнэнь анокстамат 2019 иень якшамковонтень.

Подробнее ...
 
«Од Ривезесь» сы Саранскоев

Мордовиянь прявт ошсо, Саранскойсэ, карми молеме неень шкань хореографиянь «Новая Лиса – 2018» Раськеютконь VII фестивалень-конкурсонь Гала-концертэсь. Те мельстуиця мероприятиянть ютавтомс лезды РФ-нь Театральной деятелень вейсэндявксось.

Подробнее ...
 
Василий Пискарев принял участие в проведении тренировки по гражданской обороне

С 1 по 3 октября в соответствии с поручением Правительства РФ на территории всей страны прошли тренировки по гражданской обороне. Председатель Комитета Госдумы РФ по безопасности и противодействию коррупции Василий Пискарев в ходе региональной недели посетил завершающий третий этап Всероссийской тренировки, который прошел в мордовской столице.

Подробнее ...
 
Жители Саранска попросили Сергея Чиндяскина помочь получить льготные лекарства и разъяснить порядок начисления пенсии

Сегодня, 4 октября, в рамках региональной недели депутат Госдумы РФ Сергей Чиндяскин провел прием граждан по личным вопросам в региональной общественной приемной Председателя Партии. По-прежнему, наиболее актуальными вопросами, с которыми обращались заявители, стали темы перерасчета пенсий и лекарственного обеспечения граждан.

Подробнее ...